1 Kɔrɛntinyɛje 4:1 - Dɔnɔn kə̂ Siki: Tar kə̂ aw arə təbbə

¹ Maji karə dəwje oojeje to njê-kulaje lə Kristə, dəwje kə̂ Lubba inya nɛ̂nje kə̂ toje lo-kiyɛ̂ tə̂ jide tə̂ karə n̂-tɔjuje kə ddaka.

1 Kɔrɛntinyɛje 4:1 Iomraidhean Croise

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Matiye 24:45

«Nje-kula kə̂ dda nɛ̂n kə dɔgɔlɛ̂ ddəm kəmɛ̂ arɛ ddəm kə̂ əbbeeje inya njê-kula marɛ̂je jia tə̂ karə narəde nɛ̂n-kusa kə karɛ̂ to nân wa?

Marke 4:11

Nilade tə̂ nan: «Sese, darə ə-gərəje tar kɔn-mbay lə Lubba kə̂ to tar kə̂ iya rɔɛ̂. A kəsə dəwje, gusu-tar â daw pa nɛ̂n tar darəde.

Luku 12:42

Əbbə-dəwje le ilɛ̂ tə̂ nan: «Nân to nje-ngəm nɛ̂n kə̂ to gatə gatə ddəm to nje-kəm-karɛ ddəm wa? To ne kə̂ əbbeeje a kinya njê-kulaje laa jia tə̂ karə n̂-kaynde nɛ̂n-kusa kə karɛ̂ karɛ̂.

Luku 8:10

Nila tə̂ nan: «Sese, darə ə-gərəje tar kɔn-mbay lə Lubba kə̂ to tar kə̂ iya rɔɛ̂. A kəseje, n̂-pa tarɛ̂ darəde ddəw gusu-tar tə̂ bba karə daaje lo a, dooje nɛ̂n ang ddəm dooje tar a, n̂-ngərəje kandɛ̂ ang ddəm.»

Rɔmɛnje 11:25

Ngakɔnʼmje, m-ndiki karə ə-gərəje marə nɛ̂n dɔ nɛ̂n tə̂ kə̂ Lubba əjə ta dda ngaâ nayn lo-kiyɛ̂ tə̂ bbay nəənn nan kin karə ooje rɔse to njê-kəm-karɛje. Marə dəbbə dəwje kə̂ Ijarayɛl məde aw kətərə ndərəng karə kɔr dəwje kə̂ toje to Jiipije ang le tɔyn ingaje kaji bba.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

1 Kɔrɛntinyɛje 2:7

Jaw tɔju kəm-karɛ lə Lubba kə̂ to nɛ̂n kə̂ dum dɔ dəw ngaâ iya rɔɛ̂. Kete bba karə duninya to le, Lubba gɔl kəm-karɛ le tokə kete, ta dda karə jinga nɛ̂n piti laa.

1 Kɔrɛntinyɛje 3:5

Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.

1 Kɔrɛntinyɛje 4:13

n̂-tujuje rije, a n-wul məde. Ndərəng bbasinɛn, kəm dəwje tə̂, n-təl to yərəw kə̂ duninya tə̂, n-təl to san-nɛ̂n kə̂ dungu kɔrɔ̂.

1 Kɔrɛntinyɛje 4:2

A nɛ̂n kə̂ daw duju ji dəwje tə̂ kə̂ dinya nɛ̂nje jide tə̂, to ta karə n̂-toje gatə gatə.

2 Kɔrɛntinyɛje 11:23

N̂-toje to njê-kulaje lə Kristə wa? Mâ pa tar tokə nje-wooy: M-to nje-kula lə Kristə kə̂ utade bbay. M-dda kula mutade, dilam kəy-kula tə̂ gɔl banya utade, n̂-tundam dutade ngaâ maw ta yo tə̂ ngɔsi mutade.

2 Kɔrɛntinyɛje 12:6

Bbo m-ndiki ta kunda gum a, mâ to nje-wooy ang, mba tar kə̂ tɔkɔrɔ njaa â mâ pa. A mâ dda yeenn ang, mba karə dəwje inje pitimje a inyaje kula kə̂ maw dda wase tar kə̂ maw pa.

2 Kɔrɛntinyɛje 4:5

Jeje njaa jaw jila mbər tar ləje ang. Jeju-Kristə kə̂ to Əbbə-dəwje â jaw jila mbər tar laa. Jaw dda rɔje to njê-kulaje ləse ɔju dɔ Jeju.

2 Kɔrɛntinyɛje 6:4

A mə nɛ̂nje tə̂ tɔyn, n-tɔju to n-to njê-kulaje lə Lubba njaa. Juwa jarə ngəng mə nɛ̂n kəm-to-ndooje tə̂, mə nɛ̂n-singaje tə̂ kə mə nɛ̂n-bbəəlje tə̂.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Epɛjinyɛje 6:19

Ə-dujuje Lubba nya mbam tɔ, karə bbo mâ ta pa tar a, n̂-tɔjum tar kə̂ mâ pa, ta kila nɛ̂n mbər nɛ̂n kə̂ iya rɔɛ̂ mə Tar kə̂ Maji tə̂ le kə bbəəl ang.

Kolosinyɛje 2:2

M-ndiki ta karə dingaje singa məde tə̂ ngaâ n̂-ddeeje kâra baa ddəw ndiki naan tə̂, karə nɛ̂n-gərə kə̂ maji dda arə məde oso pɔn. Ngaâ n̂-gərəje nɛ̂n kə̂ Lubba ngəm lo-kiyɛ̂ tə̂. Nɛ̂n le to Kristə.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

1 Timɔte 3:6

Maji karə dəw kə̂ dɔ Egilisi tə̂ to dəw kə̂ unn məɛ̂ arə Jeju goe əw bba. Baann ang a, nâ koo rɔɛ̂ bo nya ngaâ Lubba a gangə sariya dɔɛ̂ tə̂ tokə n̂-gangə sariya dɔ Əsu tə̂ le.

1 Timɔte 3:9

Maji karə tar mə-kunn kə̂ Lubba tee nɛ̂n kə ddaka le n̂-ngəmje kə kəjə kə̂ maji.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

1 Piyɛr 4:10

Sese kâra kâra tɔyn, Lubba arəse gusu dang dang. Yeenn a, maji karə umanje nɛ̂n naan. Baann bba â ddeeje to njê-ngəmje nɛ̂nje dang dang kə̂ maji kə̂ Lubba inya jise tə̂ ddəw mə-maji tə̂ laa.