1 Kɔrɛntinyɛje 3:9 - Dɔnɔn kə̂ Siki: Tar kə̂ aw arə təbbə

⁹ Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

1 Kɔrɛntinyɛje 3:9 Iomraidhean Croise

Matiye 15:13

Jeju ilade tə̂ nan: «Kakə tɔyn kə̂ Bɔy kə̂ isi darâ â ula ang, dâ kɔru kə ngirɛ̂ baa.

Matiye 16:18

A əman, m-pa mari: Ə-to Piyɛr. Ər nəənn le â mâ kɔsu Egilisi ləm dɔɛ tə̂. Yo a kasə kubba singa dɔ Egilisi tə̂ le ang.

Matiye 9:37

Yeenn ngaâ Jeju pa arə njê-njaje goe tə̂ nan: «Kula kuja ko-ndɔɔ le bo nya, a njê-kujaje ko le banyaje ang.

Marke 16:20

Njê-njaje go Jeju tə̂ aw ilaje mbər tar le loje tə̂ tɔyn. Əbbə-dəwje dda kula kə de arə n̂-ddaje nɛ̂n-mɔrije kə̂ tɔju to tar kə̂ daw dilaje mbəre le to tar kə̂ tɔkɔrɔ.]

Kulaje 4:11

Ne â makəturuje lə Lubba pa tar laa nan: ‹N̂-to ər kə̂ see njê-kɔsuje kəy ə-mbətəje le. Ər le təl ddee to singa gɔl kəy kə̂ dungu nangə̂.›

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

2 Kɔrɛntinyɛje 6:16

Ddi bba a mbɔn kəy-polo Lubba kə kɔrje naan tə̂ wa? Mba jeje, n-to kəy-polo Lubba kə̂ nje-kisi kəm baa. Lubba le njaa pa nan: «Mâ kisi horode tə̂ ddəm mâ nja horode tə̂ ddəm. Mâ to Lubba ləde ngaâ dâ toje to dəwje ləm.»

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Kolosinyɛje 2:7

Maji karə ə-maanje gɔlse dɔ Kristə tə̂ arəje ngəng, tokə lə kakə kə̂ ngirɛ̂ uwa nangə arə kətərə. Uwaje mə-kunn ləse arəje ngəng ddəw kâra baa kə nɛ̂n kə̂ n̂-tɔjuse, ta arəje wooyo Lubba nya nya mba maji kə̂ n̂-dda kə se.

1 Timɔte 3:15

A bbo m-ddee kə tɔkɛ̂ ang a, ndəjəje kə̂ mari nəənn a kari ddəw karə ə-gərə ddəw kə̂ â nja nɛ̂n horo dəwje tə̂ lə Lubba. Dəwje lə Lubba le to Egilisi lə Lubba kə̂ to Nje-kisi kəm baa. Egilisi le aw uwa tar kə̂ tɔkɔrɔ arə ngəng.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

1 Piyɛr 2:5

Sese njaa kara, ə-toje tokə lə ərje kə̂ naynje kəm baa tɔ, yeenn a, maji karə unnje rɔse kə̂ to ər le ə-ddaje nɛ̂n kəy lə Ndil-mə-nda. Baann bba a ddeeje to njê-poloje Lubba kə̂ dundade dang mba kula laa, ta kunn nɛ̂n-polo ddəw Ndil tə̂ karɛ̂, nɛ̂n-polo kə̂ maji kəmɛ̂ tə̂ ddəw tə̂ lə Jeju-Kristə.

3 Jan 1:8

To tar ləje ta kuwa dəwje kə̂ baann kə rɔje tə̂. Baann bba ja toje to njê-kula marədeje mba tar kə̂ tɔkɔrɔ.