1 Kɔrɛntinyɛje 2:6 - Dɔnɔn kə̂ Siki: Tar kə̂ aw arə təbbə

⁶ Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

1 Kɔrɛntinyɛje 2:6 Iomraidhean Croise

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 19:21

Jeju ilɛ̂ tə̂ nan: «Bbo ə-ndiki ta ddee maji tɔyn a, aw labbə nɛ̂nje kə̂ inga ta ə-kayn narɛ̂ dangətəje a, â kinga dam narɛ darâ. Goe tə̂ a, ə-ddee unn gom!»

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Luku 16:8

Nje-ngəm nɛ̂nje kə̂ to gatə gatə ang le əbbeeje le pite, mba nje-ngəm nɛ̂nje le dda nɛ̂n kə gusu. Dəwje kə̂ nangə̂ nəənn ddaje nɛ̂n kə gusu nya horode tə̂ uta dəwje kə̂ aw njaje dann lo-karɛ tə̂.»

1 Kɔrɛntinyɛje 1:28

Nɛ̂n kə̂ dɔ nangə tə̂ kə̂ dəwje ooje to nɛ̂n kə̂ ture goto, nɛ̂n kə̂ to nɛ̂n ang, nɛ̂n kə̂ dəwje mbətəje bba Lubba unn mba tuju nɛ̂n nɛ̂n kə̂ ngəng.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 14:20

Ngakɔnʼmje, maji karə ə-paje tar tokə lə ngannje ang. Maji karə ə-ddeeje tokə lə ngannje kə̂ ngaji kə̂ gərəje ta dda majang ang. A ə-paje tar tokə njê kə̂ tɔkə.

1 Kɔrɛntinyɛje 2:1

Ngakɔnʼmje, ndɔ tə̂ kə̂ m-tee nɛ̂n rɔse tə̂ mba kila mbər tar nɛ̂n kə̂ Lubba ndiki ta dda kə̂ nayn lo-kiyɛ̂ tə̂ bbay le, tarje kə̂ toje to ngɔɛ̂ ngɔɛ̂ wase tar kəm-karɛ â mila nɛ̂n mbər le marəse ang.

1 Kɔrɛntinyɛje 2:13

Yeenn a, jaw junn tar kəm-karɛ lə dəwje bba jaw pa nɛ̂n tarɛ̂ ang. Jaw pa tarɛ̂ ddəw tar tə̂ kə̂ Ndil lə Lubba tɔjuje.

1 Kɔrɛntinyɛje 2:8

Dəw kâra horo njê-kɔn-bbeje tə̂ kə̂ nangə̂ nəənn gərə kəm-karɛ le ang. Bbo n̂-gərəje kəm-karɛ le a, dâ tɔlje Əbbə-dəwje kə̂ piti to laa le kakə-dəsə tə̂ ang.

1 Kɔrɛntinyɛje 3:1

Əman, ngakɔnʼmje, m-pa tar marəse tokə lə dəwje kə̂ Ndil-mə-nda goto məde tə̂. M-pa tar marəse tokə dəwje kə̂ baa, tokə lə dəwje kə̂ unnje məde arə Kristə kə̂ sangəje ang bbay.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 4:3

Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Epɛjinyɛje 2:2

Aw unnje go kula-dda lə dəwje kə̂ duninya tə̂ nəənn. Aw ooje ta mbay le ndilje kə̂ maji ang kə̂ eeje mə ləl tə̂. Ne mbay le â n̂-to ndil kə̂ maji ang kə̂ aw dda kula rɔ dəwje tə̂ kə̂ aw mbətəje ta Lubba.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

Ebərəje 5:14

A nɛ̂n-kusa kə̂ kətərə to mba dəwje kə̂ tɔkə. Dede â ddəw nɛ̂n tə̂ kə̂ daw ddaje kə ndɔ tɔyn, dasəje ta kɔru kəm nɛ̂n kə̂ maji kə nɛ̂n kə̂ maji ang.

Ebərəje 6:1

Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,

Jakə 3:15

Kəm-karɛ kə̂ baann to kəm-karɛ kə̂ in darâ ang. To kəm-karɛ kə̂ dɔ nangə tə̂, kə̂ in da-rɔ tə̂, in rɔ Əsu tə̂.

Jakə 3:2

Mba jeje tɔyn njaa jaw ndəəmje ddəw nya. A bbo marə dəw aw pa tar uru nɛ̂n muû ang a, n̂-to dəw kə̂ maji tɔyn, n̂-to dəw kə̂ nasə ta ngəm da-rɔɛ̂ tɔyn kə majɛ̂.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.