1 Kɔrɛntinyɛje 2:10 - Dɔnɔn kə̂ Siki: Tar kə̂ aw arə təbbə

¹⁰ A jeje â Lubba arə Ndil-mə-nda tɔju nɛ̂nje le kə ddaka arəje. Mba Ndil-mə-nda gərə nɛ̂nje tɔyn. Nɛ̂nje lə Lubba kə̂ nayn lo-kiyɛ̂ tə̂ kara n̂-gərə.

1 Kɔrɛntinyɛje 2:10 Iomraidhean Croise

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Matiye 16:17

Jeju pa arɛ̂ nan: «Simɔn ngonn lə Jonas, maji ari, mba dəw â unda tar nəənn tai tə̂ ang, Bɔy kə̂ isi darâ â tɔji nɛ̂n nəənn.

Luku 10:21

Mə kar tə̂ənn njaa, Ndil-mə-nda arə rɔ-nəəl uta dɔ Jeju ngaâ pa nan: «Mɔsu gajii Bɔy, Əbbə-dəwje, əi kə̂ ɔn dɔ dara ddəm nangə ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ ngaji baa. Tɔkɔrɔ, Bɔy, mba əi njaa ə-ndiki karə to tokə baann.

Luku 2:26

Ndil-mə-nda pa arɛ̂ kete nan: «Â koo Kristə kə̂ Əbbə-dəwje a kulɛ̂ bba â koy.»

Tar kə̂ Maji kə̂ Jan dda makəturu tə̂ 14:26

A Nje-kumanse kə̂ to Ndil-mə-nda kə̂ Bɔ a kulɛ̂ kə rim le, ne â nâ tɔjuse nɛ̂n tɔyn ngaâ nâ kole məse dɔ nɛ̂nje tə̂ tɔyn kə̂ m-pa marəse.

Tar kə̂ Maji kə̂ Jan dda makəturu tə̂ 16:13

Bbo Ndil tar kə̂ tɔkɔrɔ le ddee a, nâ tɔjuse nɛ̂n kə̂ tɔkɔrɔ tɔyn. Tar kə̂ məɛ̂ tə̂ njaa â nâ pa ang. Tarje tɔyn kə̂ noo â nâ pa ngaâ nâ pa nɛ̂nje kə̂ a ta ddeeje karəse.

1 Kɔrɛntinyɛje 14:30

 bbo Lubba pa marə nɛ̂n arə marə dəw horo njê-mbɔn naanje tə̂ le a, maji karə dəw kə̂ nayn aw pa tar bbay əw rɔɛ̂.

1 Kɔrɛntinyɛje 2:11

Nân bba a kasə gərə kəjə lə nje-marɛ̂ wa? Ndil dəw â gərə nɛ̂n kə̂ to mə dəw tə̂. Ddəw kâra baa, dəw gərə kəjə lə Lubba ang, Ndil lə Lubba â gərə kəjə laa.

Galatəje 1:12

Dəw â ndaji tar le arəm ang ddəm dəw â tɔjum ang ddəm. Jeju-Kristə â tee kə tar le kə ddaka arə m-gərə.

Epɛjinyɛje 3:3

Lubba tɔjum nɛ̂nje kə̂ n̂-gɔl ta dda kə̂ naynje lo-kiyɛ̂ tə̂. M-pa tar dɔ nɛ̂nje tə̂ənn ngaji marəse kete makəturu tə̂ nəənn mban.

Epɛjinyɛje 3:5

Ləw, Lubba tɔju nɛ̂nje kə̂ naynje lo-kiyɛ̂ tə̂ le arə dəwje ang. A bbasinɛn, ddəw tə̂ lə Ndil-mə-nda, n̂-tee nɛ̂n kə ddaka narə njê-kaw-kulaje laa kə njê-kilaje mbər tar laa kə̂ nundade dang.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Jan 2:20

A sese, Ndil-mə-nda kə̂ Kristə arəse le isi məse tə̂ arə sese tɔyn ə-gərəje tar kə̂ tɔkɔrɔ.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.

Apokalisi 1:1

Makəturu nəənn pa tar dɔ nɛ̂nje tə̂ kə̂ Lubba arə Jeju-Kristə tɔju Jan, karə n̂-tɔju njê-kulaje laa karə n̂-gərəje nɛ̂n kə̂ nayn ngɔsi baa ta ddee. Kristə ula anjə laa arə nje-kula laa Jan karə tɔjɛ̂ nɛ̂njeenn le karə n̂-gərə.

Apokalisi 2:24

«A see kəsə dəwje kə̂ Tiyatir, sese kə̂ ə-mbətəje ta kunn go nɛ̂n-tɔju kə̂ maji ang le ngaâ ə-mbətəje ta ndo nɛ̂n kə̂ dəwje le aw bbarje nan ‹nɛ̂nje lə Satan kə̂ iyaje rɔde› le, mâ kunda marə nɛ̂n-koto dɔse tə̂ ang.