1 Kɔrɛntinyɛje 16:1 - Dɔnɔn kə̂ Siki: Tar kə̂ aw arə təbbə

¹ Tar kə̂ ɔju dɔ nɛ̂n-mbɔn mba njê-mə-kunnje kə̂ Jerujalɛm le, maji karə sese kara, ə-ddaje kə turu ndu kə̂ munn marə Egilisije kə̂ Galasi le.

1 Kɔrɛntinyɛje 16:1 Iomraidhean Croise

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 11:30

N̂-ddaje tokə baann. Darəje nɛ̂nje le Barnabas de kə Sɔl darə dawje nɛ̂n darə dəwje kə̂ dɔ Egilisi tə̂ kə̂ nangə tə̂ kə̂ Jude.

Kulaje 16:6

Pɔl kə Silas n̂-ndayje nangəje tə̂ kə̂ Piriji kə Galasi mba Ndil-mə-nda ɔkude ddəw karə n̂-tɔjuje tar lə Lubba nangə tə̂ kə̂ Aji.

Kulaje 18:23

N̂-dda ndɔ ngaji lo tə̂ənn ngaâ nin n̂-nday nangə Galasi kə Piriji tə̂, narə ndəjə njê-njaje go Əbbə-dəwje tə̂ tɔyn karə dingaje singa.

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Kulaje 9:13

Ananiyas le ila tə̂ nan: «Əbbəmje, dəwje nya paje tar nɛ̂nje kə̂ maji ang tɔyn kə̂ dəw nəənn dda kə dəwje ləi Jerujalɛm.

Kulaje 9:41

Piyɛr ula jia uwɛ̂ nɛ̂n arə nin taar ngaâ bbar njê-mə-kunnje kə dɛnɛ̂n-ndubbaje tɔjude Dɔrkas le kəm baa.

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

1 Kɔrɛntinyɛje 11:34

Tokə bbo dda dəw a, maji karə nusa nɛ̂n kəy laa. Baann bba bbo ə-mbɔnje naan a, sariya lə Lubba a to dɔse tə̂ ang. Bbo m-tee horose tə̂ a, mâ gɔl kəsə tarje bbay.

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

Galatəje 1:2

Əman kə njê-mə-kunnje tɔyn kə̂ eeje səm nəənn n-dda makəturu nəənn jarəse, sese kə̂ Egilisije tə̂ kə̂ Galasi.

Galatəje 2:10

A nɛ̂n kə̂ n̂-dujujeje â to karə jole məje dɔ njê-ndooje tə̂. To nɛ̂n kə̂ to məm tə̂ ta dda njaa.

Pilemɔn 1:5

Mba maw moo tam ndiki kə̂ aw ndiki njê-mə-kunnje ddəm məi kə̂ unn arə Əbbə-dəwje Jeju ngaâ ə-nayn ddəwe tə̂ le ddəm.

Pilemɔn 1:7

Ngokɔnʼm, rɔm nəələm ngaâ minga singa mba ndiki kə̂ aw ndiki njê-mə-kunnje ngaâ ə-dda arə məde oso pɔn le.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

1 Jan 3:17

Bbo dəw inga nɛ̂nje kə̂ dɔ nangə tə̂ nəənn ngaâ gərə to nɛ̂n du ngokɔɛ̂n, a numɛ̂n ang a, dəw le a pa nan n̂-ndiki Lubba tokə baânn wa?