1 Kɔrɛntinyɛje 15:3 - Dɔnɔn kə̂ Siki: Tar kə̂ aw arə təbbə

³ Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.

1 Kɔrɛntinyɛje 15:3 Iomraidhean Croise

Matiye 26:24

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Luku 24:25

Jeju pa arəde: «See njê-dɔ-gotoje! Tarje tɔyn kə̂ njê-kilaje mbər tar lə Lubba paje arəse le, ə-ndikije tə̂ kə de kə ngɔru ang mba ddi wa?

Tar kə̂ Maji kə̂ Jan dda makəturu tə̂ 1:29

Lo-karɛ̂ kə̂ goe tə̂ a, Jan oo Jeju kə̂ aw ddee kə rɔɛ̂ tə̂ ngaâ pa nan: «Ngonn batə lə Lubba kə̂ to nje-kɔru majang lə dəwje kə̂ duninya tə̂ â nəənn.

Kulaje 17:2

Pɔl aw rɔ Jiipije tə̂ tokə naw dda kə ndɔ tɔyn. N̂-mayn tar kə de dɔ makəturu tə̂ lə Lubba asə ndɔ-kuwa-rɔ mota.

Kulaje 3:18

Ləw baa njaa, Lubba unda tar nəənn ta njê-kilaje mbər tar tə̂ laa tɔyn nan Kristə laa a koo ndoo. Tar le â ddee to nɛ̂n kə̂ tɔkɔrɔ nəənn.

Kulaje 8:32

Tar kə̂ makəturu tə̂ kə̂ naw tura le tokə be: «N̂-to ddəw kâra baa kə batə kə̂ daw saa kə lo tɔl daje tə̂, n̂-to tokə ngonn batə kə̂ daw duja biiɛ̂n, a nɔn ang. Nɔru tɛɛ̂ n̂-pa nɛ̂n tar ang.

Rɔmɛnje 3:25

Lubba unn Kristə le to nɛ̂n-polo. Yeenn bba ddəw koy tə̂ laa, narɛ̂ ddəw karə tar majang ɔru dɔ dəwje tə̂ kə̂ ooje məde tə̂ saa. Baann â Lubba tɔju nɛ̂n to n̂-nayn naw to gatə gatə kə ndɔ tɔyn. Ləw, n̂-to tokə baann, n̂-gangə sariya dɔde tə̂ mba majang ləde ang. N̂-tɔ wure. Bbokənɛn kara n̂-nayn naw to gatə gatə, mba n̂-ndiki ta nayn gatə gatə ddəm ta dda karə dəwje kə̂ ooje məde tə̂ kə Jeju ddeeje gatə gatə ddəm.

Rɔmɛnje 4:25

Jeju le, dilɛ̂ ji dəwje tə̂ darə n̂-tɔlɛ̂je mba majang ləje ngaâ Lubba arə n̂-ndol bba karə Lubba oo nɛ̂n je to dəwje kə̂ gatə gatə.

1 Kɔrɛntinyɛje 11:2

Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

1 Kɔrɛntinyɛje 11:23

Nɛ̂n kə̂ moo ta Əbbəmje tə̂ ngaâ m-tɔjuse â nəənn: Əbbə-dəwje Jeju unn mapa tile tə̂ kə̂ n̂-labbɛ̂ nɛ̂n le,

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

Galatəje 1:12

Dəw â ndaji tar le arəm ang ddəm dəw â tɔjum ang ddəm. Jeju-Kristə â tee kə tar le kə ddaka arə m-gərə.

Galatəje 1:4

Jeju njaa unn rɔɛ̂ arə yo mba majangje ləje, mba tee nɛ̂n kə je mə karje tə̂ kə̂ maji ang nəənn kə ddang, tokə ye kə̂ mə Lubba kə̂ to Bɔjeje ndiki.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Ebərəje 5:1

Tɔkə njê-poloje Lubba kâra kâra tɔyn, n̂-mbərəde horo dəwje tə̂ karə n̂-ddaje kula lə Lubba mba dəwje le. Kula ləde to ənga kunn nɛ̂n-karə-baaje kə nɛ̂n-poloje kə̂ dəwje ddeeje nɛ̂n karə Lubba mba majangje.

Ebərəje 5:3

Ne njaa kara nubba singa ddəw marə nɛ̂nje tə̂ ang, arə to tar laa ta karə nɛ̂n-polo mba majang laa ne njaa tɔ bbo mba majang lə dəwje kə karəde baa ang.

1 Piyɛr 1:11

Ndil lə Kristə kə̂ to məde tə̂ pa tar ndoo kə̂ Kristə a koo kə tar piti kə̂ a ddee goe tə̂ arəde tokə kete. Mba yeenn bba, dunnje rɔde tɔyn ta gərə se kar kə̂ baânn wase ddi â a to bba nɛ̂nje kə̂ Ndil lə Kristə pa le a ddeeje wa?

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

Apokalisi 1:5

Maji karə Jeju-Kristə kə̂ to nje-tar-naji kə̂ gatə gatə, ne kə̂ n̂-to dɔngɔr dəw kə̂ ndol horo dəwje tə̂ kə̂ oyje ddəm n̂-to Mbay-dɔ-mbayje kə̂ nangə̂ nəənn ddəm n̂-dda kə se mə-maji ngaâ narə məse wul lɔm tɔ. Jeju-Kristə le ndikije ngaâ ɔruje mə majangje tə̂ ləje ddəw məse tə̂.