1 Kɔrɛntinyɛje 14:3 - Dɔnɔn kə̂ Siki: Tar kə̂ aw arə təbbə

³ A dəw kə̂ aw ila mbər tar lə Lubba, ila mbər le arə dəwje karə mə-kunn ləde sangə, karə dingaje singa ngaâ məde wul.

1 Kɔrɛntinyɛje 14:3 Iomraidhean Croise

Luku 3:18

Jan aw ila mbər Tar kə̂ Maji arə dəwje ngaâ aw arəde ndəjəje dang dang tokə baann.

Kulaje 13:15

N̂-turaje makəturu-ndu kə makəturu lə njê-kilaje mbər tar lə Lubba a, njê-kɔnje dɔ kəy mbɔn-naan lə Jiipije le arə n̂-paje darəde nan: «Ngakɔnjeje, bbo eeje kə marə tar ta pa karə dəwje nəənn karə arəde singa a, ə-paje.»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 4:36

Marə dəw kə̂ ria nan Jojɛpə kə̂ njê-kaw-kulaje aw bbarɛ̂je nan Barnabas ee tə̂ənn. Ria le kandɛ̂ nan: «Nje-kula dingaw mə dəwje tə̂». N̂-to dəw kə̂ gəl Lebi tə̂, duje Sipərə.

Kulaje 9:31

Dɔ ndɔje tə̂ənn, ddekeke to mə Egilisije tə̂ tɔyn kə̂ toje nangə tə̂ kə̂ Jude, Galile kə Samari. Egilisi aw ubba singa kə kete kete, naw bbəəl Əbbə-dəwje ngaâ kɔr njê-mə-kunnje aw kə kete kete ddəw singa tə̂ lə Ndil-mə-nda.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 15:2

Maji karə jeje kâra kâra n-sangəje ddəw ta nəəl kəm ngakɔnje tə̂ mba kisi maji ləde. Yeenn bba ja ddaje karə njê-mə-kunnje sangəje kə kete ddəw mə-kunn tə̂.

1 Kɔrɛntinyɛje 10:23

Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 14:12

Ddəw kâra baa, sese ə-ndikije nya ta kinga gusuje lə Ndil. Yeenn a, maji karə ə-sangəje gusuje kə̂ a kasəje ta dda karə Egilisi ubba singa.

1 Kɔrɛntinyɛje 14:17

Tɔkɔrɔ aw arə wooyo Lubba kə majɛ̂ njaa. A nje-mari ubba singa ddəwe tə̂ ang.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 14:31

Sese tɔyn asəje ta kila mbər tar lə Lubba. A maji karə ə-paje tar le kâra kâra go naan tə̂, mba karə dəwje tɔyn gərəje nɛ̂n ngaâ ingaje singa.

1 Kɔrɛntinyɛje 8:1

Bbasinɛn nəənn, jooje nɛ̂n kə̂ ɔju dɔ daje kə̂ darə kɔrje to nɛ̂n-polo. Tɔkɔrɔ, jeje tɔyn n-gərəje nɛ̂n. Nɛ̂n-gərə dda arə dəw oo rɔɛ̂ bo, a ndiki dda arə mbɔn-naan lə njê-mə-kunnje inga singa.

2 Kɔrɛntinyɛje 1:4

Naw wul məje mə nɛ̂n kəm-to-ndooje tə̂ kə̂ aw ingaje, karə ddəw məje tə̂ kə̂ n̂-wul le, jasəje ta wul mə dəwje tɔyn kə̂ nɛ̂n kəm-to-ndooje dang dang aw ingade tɔ.

2 Kɔrɛntinyɛje 2:7

Mba yeenn bba, maji karə ɔruje tar dɔɛ̂ tə̂ ngaâ arɛ̂je ndəjə arə məɛ̂ wul. Baann ang a, â ddaje karə rɔɛ̂ nəəle ang uta dɔɛ̂.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Epɛjinyɛje 6:22

M-gərə kə majɛ̂ njaa bba mulɛ̂ marəse karə n̂-pa tar dɔ kisi tə̂ ləje narəse ddəm karə n̂-pa tarje kə̂ a karəse singa ddəm narəse.

Kolosinyɛje 4:8

Əman njaa m-ndiki tə̂ ta kulɛ̂ karəse karə n̂-pa tar kə̂ dɔje tə̂ narəse karə arəse singa.

1 Tesalonisinyɛje 2:11

Ə-gərəje to, n-dda nɛ̂n kə se kâra kâra tɔyn tokə bɔ aw dda kə ngannɛ̂.

1 Tesalonisinyɛje 2:3

Tarje kə̂ jaw pa jarəse le ngəm ɔru ang ddəm nɛ̂n-yərəw ɔru ang ddəm kəjə kə̂ maji ang kâra ɔru ang ddəm.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 4:18

Yeenn a, maji karə ə-ndəjəje naan kə tarje nəənn bba karə ubbaje singa.

2 Tesalonisinyɛje 3:12

Dəwje kə̂ baann le, junn ndu nəənn jarəde, n-ndəjəde kə ri Əbbəjeje Jeju-Kristə karə n̂-ddaje kula ddekeke, ta dede njaa dingaje nɛ̂n nɛ̂n-kusa tade.

1 Timɔte 1:4

Ə-pa arə njê-nɛ̂n-tɔjuje kə̂ tɔkɔrɔ ang le arə dinya ddəw kunda kəjə ləde dɔ gəl nɛ̂nje tə̂ kə̂ ləw kə̂ to kə ddəwe ang kə kɔru gəl-kuju kadede kə̂ kɔnyɛ̂ goto. Nɛ̂njeenn aw ddeeje kə mayn naan tar baa, bbo dda nɛ̂n kə̂ Lubba gɔl mbaje ang. Ddəw mə-kunn tə̂ bba dəw gərə nɛ̂n nɛ̂n kə̂ Lubba gɔl le.

1 Timɔte 4:13

Maji karə ə-tura makəturu nya arə dəwje lo mbɔn-naan tə̂ ə-nginan nɛ̂n ndɔ ddee ləm. Arəde ndəjə ngaâ ə-tɔjude nɛ̂n.

1 Timɔte 6:2

Bbərəje kə̂ əbbədede toje to njê-mə-kunnje, maji karə n̂-dabbəjede ang, a maji karə n̂-ddaje kula darəde kə majɛ̂ uta bbay, mba əbbədede le toje to njê-mə-kunnje kə̂ Lubba ndikide nya. Nɛ̂ɛnn â maji karə ə-tɔju dəwje ngaâ unn ndu mbɛɛ̂.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 1:9

Maji karə n̂-nayn ddəw tar kə̂ tɔkɔrɔ tə̂ tokə ye kə̂ n̂-tɔjɛ̂ le njaa. Yeenn bba nâ kasə dda karə dəwje ubbaje singa ddəw nɛ̂n-tɔju tə̂ kə̂ maji tɔyn ngaâ dəwje kə̂ aw mbətəje nɛ̂n-tɔju laa, nâ kasə ta tɔjude nɛ̂n kə̂ ulade naan tə̂ le.

Titə 2:15

Maji karə ə-pa tar tokə baann, arə ndəjə arə dubbaje nɛ̂n singa ta ə-ndangəde kə ndu kə̂ mɔngu. Ə-dda arə dəw kâra dabbi ang.

Titə 2:6

Ddəw kâra baa, ə-ndəjə basanje arə n̂-ddaje nɛ̂n kə ddəwe

Titə 2:9

Maji karə ə-pa arə bbərəje ooje ta əbbədede mə nɛ̂nje tə̂ tɔyn. Maji karə n̂-sangəje ddəw mba maji kəm əbbədede tə̂, n̂-maynje kə de tar ang,

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.

Ebərəje 3:13

Lubba nayn aw bbarse «bbokənɛn» bbay. Maji karə ə-ndəjəje naan kə ndɔ tɔyn. Baann bba karə majang dda arə marə dəw horose tə̂ dda dɔ-kətərə ang.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

Judə 1:20

A see ngakɔnʼmje kə̂ m-ndikise nya, maji karə arje dɔ tar mə-kunn tə̂ ləse kə̂ maji tɔyn le kə majɛ̂. Ə-dujuje Lubba ddəw Ndil-mə-nda tə̂.