1 Kɔrɛntinyɛje 13:7 - Dɔnɔn kə̂ Siki: Tar kə̂ aw arə təbbə

⁷ Ndiki to tɔ-wur nɛ̂nje tə̂ tɔyn, n̂-ngəm mə-kunn nɛ̂nje tə̂ tɔyn, kunda-mə dɔ nɛ̂n tə̂ tɔyn, kuwa karə ngəng mə nɛ̂nje tə̂ tɔyn.

1 Kɔrɛntinyɛje 13:7 Iomraidhean Croise

Matiye 10:22

Dəwje tɔyn a mbətəjese mbam. A dəw kə̂ uwa arə ngəng ndərəng ddutu ndɔ tə̂ a, a kinga kaji.

Marke 9:23

Jeju pa arɛ̂ nan: «Mba ddi bba ə-pa nan: ‹Bbo asə ta dda marə nɛ̂n a›, wa? Dəw kə̂ mə-kunn laa to a kasə dda nɛ̂n tɔyn!»

Rɔmɛnje 15:1

Jeje kə̂ jubbaje singa, maji karə n-gərəje tar yɔɔ lə dəwje kə̂ ubbaje singa ang bba ta nɛ̂n kə̂ nəəlje jeje dɔrɔ â n-sangəje ang.

Rɔmɛnje 8:24

Mba Lubba ajije njaa, arə jaw jundaje məje dɔɛ̂ tə̂. A bbo dəw oo nɛ̂n kə̂ naw nunda məɛ̂ dɔɛ̂ tə̂ kə kəmɛ̂ mban a, nâ təl kunda məɛ̂ dɔɛ̂ tə̂ to kunda ang ngaa. Nân bba a kunda məɛ̂ dɔ nɛ̂n tə̂ kə̂ noo kə kəmɛ̂ mban wa?

1 Kɔrɛntinyɛje 13:4

Ndiki to kore-wur, ndiki to dda maji, mə ddɛɛ̂ ang. Naw nunda gue ang ddəm noo rɔɛ̂ bo ang ddəm.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

Galatəje 6:2

Maji karə otoje nɛ̂n-koto kə naan, yeenn â to dda kula kə ndu Kristə.

2 Tesalonisinyɛje 1:4

Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

2 Timɔte 2:24

Maji karə nje-kula lə Əbbə-dəwje to nje-kɔl kə dəw ang. A maji karə n̂-to dəw kə̂ dəwje ndiki tar laa, maji karə nasə ta tɔju nɛ̂n ngaâ daw pa saa a, n̂-tɔ wure.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

1 Piyɛr 2:24

Noto majangje ləje dɔɛ̂ tə̂ dɔ kakə-dəsə tə̂ mba karə jeje kə̂ jɔruje rɔje majang tə̂, ddəw koy tə̂ kə̂ joyje saa mban le jisije kəm baa mba dda nɛ̂n kə̂ gatə gatə. Ddəw doje tə̂ kə̂ ninga, najije rɔ-toje tə̂ ləje.

1 Piyɛr 4:8

Dɔngɔr nɛ̂n, arəje ndiki naan ləse to kə lo-toe, mba ndiki ɔnn dɔ majangje nya.