1 Kɔrɛntinyɛje 13:5 - Dɔnɔn kə̂ Siki: Tar kə̂ aw arə təbbə

⁵ N̂-dda nɛ̂n-rɔ-kul ang, n̂-sangə kisi maji laa njaa ang, tar ɔɛ̂n ang, nuwa baan tar ang.

1 Kɔrɛntinyɛje 13:5 Iomraidhean Croise

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Matiye 9:4

A Jeju gərə kəjə ləde ngaâ dujude nan: «Mba ddi bba arəje kəjə kə̂ maji ang baann to məse tə̂ wa?

Marke 3:5

Jeju aade tɔyn kə wungu. Rɔɛ̂ nəəle ang mba dəwje ddaje arə məde kətərə. Yeenn ngaâ n̂-pa narə dəw le nan: «Ə-ndɔju jii.» Dəw le ndɔju jia ngaâ jia le təl ddee maji.

Luku 7:39

Parijinyɛ le oo baann a, pa məɛ̂ tə̂ nan: «Bbo dingaw nəənn to nje-kila mbər tar lə Lubba tɔkɔrɔ a, nâ gərə to dɛnɛ̂n kə̂ aw ɔrɛ̂ nəənn to nje-nɛ̂n-dda kə̂ maji ang.»

1 Kɔrɛntinyɛje 10:24

Maji karə dəw sangə kisi maji laa kə karɛ̂ baa njaa ang. Maji karə n̂-sangə kisi maji lə nje-marɛ̂ tɔ bba.

1 Kɔrɛntinyɛje 10:33

Mba yeenn bba, maw sangə ddəw ta ddee maji kəm dəwje tə̂ tɔyn, ddəw nɛ̂nje tə̂ tɔyn. Maw sangə kisi maji lə dəwje tokə banya, mba karə dingaje kaji bbo maw sangə kisi maji ləm njaa ang.

1 Kɔrɛntinyɛje 11:18

Dɔngɔr nɛ̂n â nəənn: Moo nan bbo aw mbɔnje naan a, tin-naan to horose tə̂. Moo a, to tar ngəm tɔyn ang.

1 Kɔrɛntinyɛje 12:25

Yeenn bba tin-naan to horo barkəm-rɔje tə̂ ang, a ta barkəm-rɔje le tɔyn əjəje dɔ naan tə̂.

1 Kɔrɛntinyɛje 7:36

Bbo ngonn kə̂ dingaw kə̂ maal nje-mɔrɔ laa uta dɔɛ̂ ngaâ nəjə to nâ kin dda nɛ̂n kə̂ maji ang saa, a bbo n̂-ndiki ta tɛɛ̂ a, maji karə n̂-taaje naan. Yeenn to majang â n̂-ddaje ang.

2 Kɔrɛntinyɛje 5:19

Mba Lubba â təl ungu dəwje kə̂ duninya tə̂ naan tə̂ saa ddəw tə̂ lə Kristə. Naa lo kə majang tə̂ ləde ang. Nula tar kungu dəwje naan tə̂ saa məje tə̂.

Galatəje 5:13

See ngakɔnʼmje, Lubba bbarse karə ə-teeje kɔ bbərə tə̂ kə ddang. A maji karə tee ləse kɔ bbərə tə̂ le to ddəw â ɔru arəse karə ə-ddaje nɛ̂n nɛ̂n ddəw bboje tə̂ kə̂ da-rɔ tə̂ ang. Maji karə ə-ndikije naan ta ə-ddaje kula arəje

Pilipinyɛje 2:21

Kəsə dəwje tɔyn aw əjəje kə dɔ nɛ̂nje tə̂ ləde njaa bbo dəjəje dɔ nɛ̂nje tə̂ lə Jeju-Kristə ang.

Pilipinyɛje 4:8

Ngakɔnʼmje, tar kə̂ mâ kutu nɛ̂n dɔɛ̂ â nəənn: undaje kəjə ləse kə dɔ nɛ̂nje tə̂ kə̂ tɔkɔrɔ, nɛ̂n kə̂ asə karə dəwje ooje to nɛ̂n kə̂ ngəng kəmde tə̂, nɛ̂n kə̂ gatə gatə, nɛ̂n kə̂ to nɛ̂n-yərəw ang, nɛ̂n kə̂ asə karə dəw ndiki, nɛ̂n kə̂ maji kə̂ dəwje asəje ta piti, nɛ̂n tɔyn kə̂ maji, nɛ̂n kə̂ asə ta kɔsu gajɛ̂.

2 Tesalonisinyɛje 3:7

Sese njaa kara, ə-gərəje gusu kə̂ ta ndaji nɛ̂n nɛ̂n-ddaje ləje. Mba kar tə̂ kə̂ n-nayn horose tə̂ le, n-dabbə ang.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

2 Timɔte 4:16

Ndɔ kə̂ mɔru nɛ̂n naji ləm lo sariya tə̂ to dɔngɔrɛ̂ le, dəw kâra umanʼm ang. Dede tɔyn n̂-tusumje dinyamje. Maji karə Lubba aa lo kə nɛ̂n tə̂ kə̂ n̂-ddajeenn ang.

Jakə 1:19

Ngakɔnʼmje kə̂ m-ndikise nya, maji karə ə-gərəje nɛ̂n nəənn: Maji karə dəw kâra kâra tuka mbia kə ngɔru oo nɛ̂n tar. A, n̂-pa tar kə ngɔru baa ang ddəm n̂-dda wungu kə ngɔru baa ang ddəm