1 Kɔrɛntinyɛje 13:3 - Dɔnɔn kə̂ Siki: Tar kə̂ aw arə təbbə

³ Bbo m-kayn nɛ̂n-kingaje ləm dəwje kə̂ bbo aw ddade wase munn rɔm marə karə n̂-ro, a bbo ndiki goto məm tə̂ a, mâ kinga nɛ̂n goe tə̂ ang.

1 Kɔrɛntinyɛje 13:3 Iomraidhean Croise

Matiye 23:5

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.

Luku 18:22

Jeju oo tar laa le a, pa arɛ̂ nan: «Marə nɛ̂n kâra dui bbay. Ə-labbə nɛ̂nje tɔyn kə̂ inga ta ə-kayn narɛ̂ dangətəje a, â kinga nɛ̂n darâ. Goe tə̂ a, ə-ddee unn gom.»

Luku 18:28

Piyɛr pa nan: «Oo, jinya nɛ̂nje ləje tɔyn a junn goi.»

Luku 19:8

A Jase ar nɔn Əbbə-dəwje tə̂ pa arɛ̂ nan: «Oo, Əbbə-dəwje, maw kayn nɛ̂n-kingaje ləm dannâ maw kayn njê-ndooje. A bbo m-taa narɛ lə dəw kə ddəwe ang a, mâ təl nɛ̂n karɛ̂ asə gɔl sɔ.»

Tar kə̂ Maji kə̂ Jan dda makəturu tə̂ 12:43

Mba n̂-ndikije nya karə dəwje â pitide uta karə Lubba â pitide.

Tar kə̂ Maji kə̂ Jan dda makəturu tə̂ 13:37

Piyɛr duje nan: «Əbbə-dəwje, mâ kasə ta kunn goi bbasinɛn nəənn ang mba ddi wa? M-to ngɔsi ta kila rɔm kɔrɔ̂ mbai.»

Tar kə̂ Maji kə̂ Jan dda makəturu tə̂ 15:13

Bbo dəw unn təbbə laa arə mba dəwje kə̂ n̂-ndikide a, ndiki kə̂ uta yeenn goto.

Tar kə̂ Maji kə̂ Jan dda makəturu tə̂ 6:63

Ndil lə Lubba â aw arə təbbə dəw, bbo da-rɔ dəw asə dda marə nɛ̂n kâra ang. Tarje kə̂ m-pa marəse le toje to Ndil ddəm təbbə ddəm.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Galatəje 5:26

Maji karə boro uta dɔje ang, n-ngaan naan ang, jundaje mə kə naan ang.

Pilipinyɛje 2:3

Ə-ddaje nɛ̂n to nɛ̂n-dda kuta nɛ̂n naan ang ddəm to nɛ̂n-kɔsu rɔ ang ddəm. A maji karə ooje rɔse ngaji ta ooje njê-marəseje to dəwje kə̂ utajese.

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

Ebərəje 13:9

Maji karə inyaje arə nɛ̂n-tɔjuje kə̂ dang dang ddaje arə ə-ndəəmje ddəw ang. Maji karə ingaje singa ddəw mə-maji tə̂ lə Lubba bbo ddəw nduje tə̂ kə̂ dɔ nɛ̂n-kusaje tə̂ ang. Mba dəwje kə̂ aw ngəmje ndujeenn le ingaje marə nɛ̂n kâra ddəwe tə̂ ang.