1 Kɔrɛntinyɛje 12:3 - Dɔnɔn kə̂ Siki: Tar kə̂ aw arə təbbə

³ Yeenn bba, m-ndiki ta pa karəse, dəw kə̂ pa nan: «Ndu-ndɔɔl to dɔ Jeju tə̂» a, dəw le aw pa tar ddəw Ndil tə̂ lə Lubba ang. A dəw kə̂ aw pa tar ddəw Ndil tə̂ lə Lubba bba a kasə pa nan: «Jeju to Əbbə-dəwje.»

1 Kɔrɛntinyɛje 12:3 Iomraidhean Croise

Matiye 22:43

Jeju pa arəde nan: «Yeenn a, tokə baânn bba Dabbiti Ndil dduse a, təl bbar Kristə le to ‹Əbbeeje› wa? Dabbiti le pa nan:

Marke 9:39

A Jeju ilɛ̂ tə̂ nan: «Ɔkɛ̂je ddəw ang, mba dəw kâra kə̂ a dda nɛ̂n-mɔri kə rim ngaâ njangə baa goe tə̂ a, a təl pa tar ləm maji ang goto.

Tar kə̂ Maji kə̂ Jan dda makəturu tə̂ 13:13

Aw bbarəmje Nje-nɛ̂n-tɔju ddəm Əbbə-dəwje ddəm. Yeenn to kə dɔgɔlɛ̂, mba m-to Nje-nɛ̂n-tɔju ddəm Əbbə-dəwje ddəm njaa.

Tar kə̂ Maji kə̂ Jan dda makəturu tə̂ 13:14

Yeenn bba bbo, əman Nje-nɛ̂n-tɔju ddəm Əbbə-dəwje ddəm m-toko gɔlse a, to maji karə sese kara, ə-tokoje gɔl naan tɔ.

Tar kə̂ Maji kə̂ Jan dda makəturu tə̂ 15:26

«Lubba a karə mula kə Nje-kumanse marəse. N̂-to Ndil tar kə̂ tɔkɔrɔ kə̂ in rɔ Bɔ tə̂ bba ddee. Nâ kɔru naji ləm.

Kulaje 8:37

Pilipi le pa nan: «Bbo oo məi tə̂ kə Jeju a, â kasə kinga batɛm.» Dingaw le ilɛ̂ tə̂ nan: «Moo məm tə̂ to Jeju to Ngonn lə Lubba.»]

Rɔmɛnje 10:9

Bbo əi njaa ə-pa kə tai kəm dəwje tə̂ tɔyn nan Jeju to Əbbə-dəwje ngaâ ə-ndiki tə̂ məi tə̂ to noy ngaâ Lubba ndole a, â kinga kaji.

Rɔmɛnje 9:3

Kə̂ məm tə̂, m-ndiki karə əman njaa Lubba ubbu nɛ̂n arəm ngaâ ɔrum kə ddang ji Kristə tə̂ mba tar kaji lə ngakɔnʼmje kə̂ gəlje kâra baa.

1 Kɔrɛntinyɛje 16:22

Bbo marə dəw to nam Əbbə-dəwje ang a, maji karə ndu-ndɔɔl to dɔɛ̂ tə̂! Maranata.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 3:5

Jeje njaa jasə ta dda kula nəənn le ang. Lubba â dda arə jasə ta dda kula kə̂ jaw dda le.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Apokalisi 1:10

Kə ndɔ lə Əbbə-dəwje, Ndil-mə-nda uwam a, moo marə ndu bbar kə singa gom tə̂ guku. Ndu le bbar tokə lə təbbə kə̂ dəw aw to.