1 Kɔrɛntinyɛje 11:2 - Dɔnɔn kə̂ Siki: Tar kə̂ aw arə təbbə

² Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

1 Kɔrɛntinyɛje 11:2 Iomraidhean Croise

Luku 1:6

Dede joo kəm n̂-toje gatə gatə kəm Lubba tə̂ ddəm n̂-njaje kə turu ndu lə Əbbə-dəwje ddəm tar to dɔde tə̂ ang.

1 Kɔrɛntinyɛje 11:17

Maw ndɔru mbise bbo mâ ta pitise ang. Mba mbɔn-naanje ləse tuju â tujuse nya bbo ddase maji ang.

1 Kɔrɛntinyɛje 11:22

Kəy ləse to ta kusa nɛ̂n tə̂ ddəm ta kay nɛ̂n tə̂ ddəm ang wa? Wase ə-ndikije ta koo Egilisi lə Lubba to nɛ̂n ang kəmse tə̂ wa? Ə-ndikije ta kila rɔ-kul kəm dəwje tə̂ kə̂ nɛ̂n dude wa? Mâ pa nan ddi karəse wa? Baann ang, m-pitise mba yeenn ang.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

1 Kɔrɛntinyɛje 4:17

Mba yeenn bba mula nɛ̂n Timɔte marəse. N̂-to ngonn kə̂ m-ndike, ngonn kə̂ to gatə gatə ddəw kula tə̂ lə Əbbə-dəwje. Nâ kole məse dɔ ddəw tə̂ kə̂ maw nja nɛ̂n go Jeju-Kristə tə̂, tokə ye kə̂ maw tɔju loje tə̂ tɔyn kə Egilisije tə̂ tɔyn le.

1 Kɔrɛntinyɛje 7:17

Tar kə̂ ta kila dɔ marɛ̂ tə̂ â nəənn. Maji karə dəw kâra kâra nayn kə kisi laa kə̂ Əbbə-dəwje arɛ̂ karə nisi nɛ̂n, kisi kə̂ nisi nɛ̂n kete bba Lubba bbarɛ̂ le. Yeenn to ndu kə̂ munn marə Egilisije tɔyn.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 3:6

A bbasinɛn Timɔte le in rɔse tə̂ təl ngaa. N̂-pa tar kə̂ maji dɔ mə-kunn tə̂ ləse kə dɔ ndiki tə̂ kə̂ to məse tə̂ narəje. N̂-pa narəje nan aw əjəjeje dɔje tə̂ kə ndɔ tɔyn ngaâ maal kooje aw ddase tokə jeje kara maal təl koose aw ddaje le tɔ.

2 Tesalonisinyɛje 2:15

Yeenn bba, ngakɔnje, maji karə uwaje arəje ngəng, ə-ngəmje nɛ̂nje kə̂ n-tɔjuse kə taje wase ddəw makəturu tə̂.

2 Tesalonisinyɛje 3:6

Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.