1 Kɔrɛntinyɛje 10:16 - Dɔnɔn kə̂ Siki: Tar kə̂ aw arə təbbə

¹⁶ Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?

1 Kɔrɛntinyɛje 10:16 Iomraidhean Croise

Luku 22:17

Nunn maann-binyə kə̂ əngo tə̂, narə wooyo Lubba ngaâ n̂-pa nan: «Ə-taaje maann-binyə kə̂ əngo tə̂ nəənn ə-kaynje naan ayje.

Kulaje 2:42

Njê-mə-kunnje le unnje rɔde tɔyn mba kaw koo nɛ̂n-tɔju lə njê-kaw-kulaje kə ndɔ tɔyn. Daw dulaje nuju naan tə̂, daw ddaje mə-kâra ddəw muru mə-kâra tə̂ ngaâ daw dujuje Lubba.

Kulaje 2:46

Dooje ta naan ngaâ kə ndɔ kâra kâra tɔyn daw dawje kəy-polo Lubba tə̂ naan tə̂. Daw dusaje nɛ̂n mə kəy tə̂ lə naan. Daw dusaje nɛ̂n ləde kə rɔ-nəəl kə mə ngonn-kasə.

Kulaje 20:11

Goe tə̂ a, Pɔl təl aw taar. N̂-tətə mapa nusa. N̂-pa tar narə dəwje ndərəng ta lo-karɛ a, nɔtu.

Kulaje 20:7

N-mbɔn naan kə ndɔ-kuwa-rɔ ta kɔn muru mə-kâra a, Pɔl pa tar arə njê-mə-kunnje ndərəng lo mɔngu, mba lo-karɛ̂ a, nâ ta kɔtu.

1 Kɔrɛntinyɛje 1:9

Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

1 Kɔrɛntinyɛje 10:15

Maw pa tar marəse tokə dəwje kə̂ toje to njê-kəm-karɛje. Sese njaa aaje mə tar kə̂ maw pa marəse le ooje.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.