1 Kɔrɛntinyɛje 10:11 - Dɔnɔn kə̂ Siki: Tar kə̂ aw arə təbbə

¹¹ Nɛ̂njeenn ingaje kajejedede karə ddee to nɛ̂n-kɔju-marɛ̂. N̂-dda tarɛ̂ makəturu tə̂ ta ndəjə nɛ̂n jeje kə̂ n-ddee ngɔsi kə ddutu ndɔ.

1 Kɔrɛntinyɛje 10:11 Iomraidhean Croise

Matiye 13:39

Nje-baan kə̂ dubbu mu kə̂ maji ang le to Əsu. Ndɔ kuja kandə-ko le to ddutu ndɔ, njê-kujaje kandə-ko le toje to anjəje.

Matiye 13:40

Ddutu ndɔ a, nɛ̂n a to kâra baa tokə daw tɔru mu kə̂ maji ang ta kungu purô.

Rɔmɛnje 13:11

Yeenn a, maji karə ə-ddaje tokə baann. Mba ə-gərəje kar kə̂ jee tə̂ nəənn kə majɛ̂. Bbasinɛn to kar kə̂ ta karə ə-ndolje, mba kar kə̂ Lubba a kaji nɛ̂n je le nayn ngɔsi baa nya kə je uta kar kə̂ jooje nɛ̂n məje tə̂.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

Rɔmɛnje 15:4

Tɔkɔrɔ njaa, tarje tɔyn kə̂ n̂-dda ləw Makəturu tə̂ lə Lubba le, n̂-dda mba tɔju nɛ̂n je nɛ̂n bba karə wurje kə̂ jaw tɔje le ddəm singa kə̂ jaw jingaje ddəwe tə̂ le ddəm dda arə jundaje məje dɔ nɛ̂n tə̂ kə̂ Lubba pa tarɛ̂.

Rɔmɛnje 4:23

A tar kə̂ n̂-dda Makəturu tə̂ lə Lubba nan: «Lubba ooe to dəw kə̂ gatə gatə» le to mba Abaraham kə karɛ̂ ang.

1 Kɔrɛntinyɛje 10:6

Nɛ̂njeenn le ingade karə təl to nɛ̂n-kɔju-marɛ̂ horoje tə̂. Baann bba nɛ̂nje kə̂ maji ang kə̂ kajejedede ddaje ləw le ja ddaje bboe ang.

1 Kɔrɛntinyɛje 7:29

Ngakɔnʼmje, m-pa marəse: Ndɔ nayn banya ang ngaa. Unn kute bbokənɛn, maji karə dingawje kə̂ taaje dɛnɛ̂n isije tokə n̂-taaje dɛnɛ̂n ang.

1 Kɔrɛntinyɛje 9:10

Wase jeje â naw pa tar nəənn ɔju dɔje ang wa? Tɔkɔrɔ, n̂-dda nɛ̂nje nəənn makəturu tə̂ ɔju dɔje. Mba nje-ndɔɔ aw ngəbbə ta kinga nɛ̂n go kula tə̂ kə̂ n̂-dda ngaâ dəw kə̂ aw uja ko-ta-kɔsu aw unda məɛ̂ ta kinga marə ko le to dɔ jia tɔ.

Galatəje 4:24

Tar nəənn tɔju marə nɛ̂n dang. Dɛnɛ̂nje kə̂ joo le toje tokə dɔnɔnje kə̂ joo. Dɔnɔn kə̂ dɔngɔr to Agar. To dɔnɔn kə̂ dɔ ddingiri tə̂ kə̂ ria nan Sinayi. Naw nuju ngannje kə̂ toje to bbərəje.

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

Ebərəje 10:25

Maji karə n-tusuje lo mbɔn-naan ləje jinyaje ang, mba marɛ̂je aw ddaje tokə baann. A maji karə n-ndəjəje naan, mba ooje, ndɔ lə Əbbə-dəwje ddee ngɔsi ngaa.

Ebərəje 10:37

Mba Makəturu lə Lubba pa nan: «Tɛn be, mbɔr ang njaa a, dəw kə̂ a ta ddee le a ddee, nâ tila ang.»

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.