1 Kɔrɛntinyɛje 1:9 - Dɔnɔn kə̂ Siki: Tar kə̂ aw arə təbbə

⁹ Lubba kə̂ to gatə gatə, ne kə̂ n̂-bbarse karə ə-ddaje mə-kâra kə Ngonnɛ̂ Jeju-Kristə kə̂ to Əbbəjeje le.

1 Kɔrɛntinyɛje 1:9 Iomraidhean Croise

Matiye 24:35

«Dara kə nangə a ndayje, a tarje ləm a ndayje ang.»

Tar kə̂ Maji kə̂ Jan dda makəturu tə̂ 17:21

M-duji karə dede tɔyn n̂-ddeeje to dəwje kə̂ kâra baa. Bɔy, maji karə n̂-ddaje mə-kâra kə je, ddəw kâra baa tokə əi ə-dda mə-kâra səm ngaâ əman m-dda mə-kâra səi le. Maji karə n̂-ddeeje to dəwje kə̂ kâra baa ddəw mə-kâra tə̂ kə̂ n̂-ddaje kə je, bba karə dəwje kə̂ duninya tə̂ gərəje to əi â ulam.

Rɔmɛnje 11:17

Ngann Ijarayɛlje toje tokə kakə olibə kə̂ maji kə̂ n̂-dubbu ndɔɔ̂, kə̂ n̂-tuka marə barkəmɛ̂je. A əi, ə-to tokə barkəm olibə kə̂ muû, kə̂ dunn dɔsu turu ye tə̂ kə̂ maji le. Bbasinɛn, nɛ̂nje kə̂ maji kə̂ ngann Ijarayɛlje aw ingaje, əi aw inga tɔ, tokə barkəm kakə kə̂ dɔsu kar marɛ̂ tə̂ aw inga singa ddəw ngira kakə tə̂ le.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

Rɔmɛnje 8:30

Njê kə̂ Lubba undade dang tokə kete le n̂-bbarde tɔ. Njê kə̂ n̂-bbarde le narə n̂-ddeeje gatə gatə kəmɛ̂ tə̂. Njê kə̂ narə ddeeje gatə gatə kəmɛ̂ tə̂ le narə dingaje piti laa tɔ.

Rɔmɛnje 9:24

Dəwjeenn le toje to jeje kə̂ Lubba mbərəje. N̂-mbərəje horo Jiipije tə̂ kə karəde baa ang, horo dəwje tə̂ kə̂ toje to Jiipije ang tɔ.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

1 Kɔrɛntinyɛje 10:16

Jaw jarəje wooyo Lubba mba əngo-narɛ kə̂ jaw ddaje nɛ̂n mə-kâra. Yeenn to mə-kâra â jaw ddaje ddəw məsə Kristə tə̂ ang wa? Mapa kə̂ jaw tətəje jusaje to mə-kâra â jaw ddaje kə da-rɔ Kristə ang wa?

2 Kɔrɛntinyɛje 1:18

Lubba njaa kara gərə to tar kə̂ n-pa jarəse le to «An än» ddəm «Ân an» ddəm ang.

Galatəje 1:15

A Lubba bbarəm ddəw mə-maji tə̂ laa, kar tə̂ kə̂ m-nayn mə kɔnʼmje tə̂ bbay undam dang.

Galatəje 2:20

To əman â misi kəm baa ang ngaa, to Kristə â isi kəm baa mə da-rɔm tə̂. Mba, kisi ləm kəm baa mə da-rɔ tə̂ bbokənɛn nəənn, misi kəm baa mba məm kə̂ munn marə Ngonn lə Lubba kə̂ ndikim ngaâ unn rɔɛ̂ arə yo mbam.

Epɛjinyɛje 3:6

Nɛ̂n kə̂ to lo-kiyɛ̂ tə̂ le tokə be: Ddəw Tar tə̂ kə̂ Maji, Lubba gɔl dəwje kə̂ toje to Jiipije ang karə ingaje nɛ̂nje kə̂ n̂-gɔl mba Jiipije naan tə̂ kə de. N̂-ddeeje to da-rɔ kə̂ kâra baa ngaâ nɛ̂n kə̂ Lubba unn ndue ta karə ddəw tə̂ lə Jeju-Kristə to mbade tɔ.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

2 Tesalonisinyɛje 2:14

Mba yeenn bba Lubba bbarse ddəw Tar tə̂ kə̂ Maji kə̂ jila mbəre jarəse karə ingaje piti lə Əbbəjeje Jeju-Kristə.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

2 Timɔte 1:9

Lubba kə̂ ajije njaa bbarje karə n-ddee to dəwje laa. Mba kula kə̂ maji kə̂ n-dda bba n̂-bbar nɛ̂n je ang. N̂-bbarje mba to nɛ̂n kə̂ n̂-gɔl kete ta dda ddəm mba mə-maji laa ddəm. N̂-dda kə je mə-maji le ddəw tə̂ lə Jeju-Kristə kete bba duninya to.

2 Timɔte 2:13

Bbo julaje pa-nja ləje naan tə̂ a, ne nula pa-nja laa naan tə̂ ang, mba nâ kasə ta təl turu tar kə̂ tee tɛɛ̂ tə̂ njaa ang.

Titə 1:2

Yeenn bba dâ kundaje məde to dingaje təbbə kə̂ to kə ndɔ kə ndɔ. Lubba kə̂ ərə ngəm ndɔ kâra ang unn ndue ləw baa nu ta karəje təbbə kə̂ to kə ndɔ kə ndɔ le.

Ebərəje 10:23

Maji karə nɛ̂n kə̂ jundaje məje dɔɛ̂ tə̂ ngaâ jaw paje tarɛ̂ kə ddaka le jinyaje ddəwe ang. Mba Lubba kə̂ unn ndue le aw turu ndue ndɔ kâra ang.

Ebərəje 11:11

Ddəw mə-kunn tə̂ tɔ â Sara kə̂ aw katə ngaâ bbalɛ̂ nday nya arə asə kuju ang ngaa inga ddəw uju ngonn, mba n̂-gərə to Lubba kə̂ unn ndue arɛ̂ le aw turu ndue ang.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Ebərəje 3:1

Mba yeenn bba, see ngakɔnʼm kə̂ Lubba bbarse arə ə-ddeeje to dəwje laa, arəje kəmse to kə dɔ Jeju tə̂. N̂-to nje-kaw-kula lə Lubba ddəm tɔkə nje-polo Lubba kə̂ jooje məje tə̂ ddəw tə̂ laa ngaâ jaw pa tarɛ̂ kə taje ddəm.

Ebərəje 3:14

Bbo n-naynje jaw juwaje jarə ngəng ndərəng jɔsuje kɔnyɛ̂ a, Lubba a karə n-ddeeje to nje-kula mar Kristə.

Ebərəje 6:18

Yeenn bba ndu-kunn kə yo-kunda lə Lubba toje to nɛ̂nje kə̂ a turuje ndɔ kâra ang. Ngaâ Lubba kara a kərə ngəm ddəwe tə̂ ang tɔ. Nɛ̂ɛnn arəje singa nya, jeje kə̂ bbay lo kiya-rɔ ləje njaa to karə junda məje dɔ nɛ̂n tə̂ kə̂ Lubba unn ndue ta karəje le.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 1:7

A, bbo n-njaje lo-karɛ tə̂, tokə ne njaa kə̂ nee lo-karɛ tə̂ le a, mə-kâra to horoje tə̂ kə ngamarjeje ngaâ məsə Ngonnɛ̂ Jeju toko majang ləje tɔyn.

1 Jan 4:13

Ddəw kə̂ n-gərəje nɛ̂n to n-naynje ddəw mə-kâra tə̂ kə Lubba ngaâ ne kâra n̂-nayn ddəw mə-kâra tə̂ kə je to tokə be: Narəje Ndil laa.

Apokalisi 19:11

Goe tə̂ a, moo dara təəyn, a moo sunda kə̂ nda. Dəw kə̂ aal sunda le ria nan: «Dəw kə̂ aw dda nɛ̂n kə dɔgɔlɛ̂, Dəw kə̂ tɔkɔrɔ.» Naw gangə sariya ngaâ naw dda ddɔ ddəw nɛ̂n tə̂ kə̂ gatə gatə.