1 Kɔrɛntinyɛje 1:5 - Dɔnɔn kə̂ Siki: Tar kə̂ aw arə təbbə

⁵ Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.

1 Kɔrɛntinyɛje 1:5 Iomraidhean Croise

Kulaje 2:4

Ndil-mə-nda ddusude tɔyn ngaâ dunnje kutu pa tar kə ndɔn-tarje dang dang kə̂ Ndil le unda tade tə̂.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

Rɔmɛnje 15:4

Tɔkɔrɔ njaa, tarje tɔyn kə̂ n̂-dda ləw Makəturu tə̂ lə Lubba le, n̂-dda mba tɔju nɛ̂n je nɛ̂n bba karə wurje kə̂ jaw tɔje le ddəm singa kə̂ jaw jingaje ddəwe tə̂ le ddəm dda arə jundaje məje dɔ nɛ̂n tə̂ kə̂ Lubba pa tarɛ̂.

1 Kɔrɛntinyɛje 12:10

Ndil le arə marə dəw singa dda nɛ̂n-mɔri, narə marə dəw dang gusu kila mbər tar, narə marə dəw gusu gərə Ndil kə̂ maji kə ndil kə̂ maji ang. Narə marə dəw dang bbay gusu pa tar kə ndɔn-tar kə̂ dəw gərə ang ngaâ narə marə dəw gusu ndaji kandə tarjeenn le.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 13:2

Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.

1 Kɔrɛntinyɛje 13:8

Ndiki a goto ndɔ kâra ang, a kila mbər tarje lə Lubba a goto. Gusu pa tar kə ndɔn-tarje kə̂ dəw gərə ang a goto, gusu nɛ̂n-gərə a goto.

1 Kɔrɛntinyɛje 14:26

Yeenn a, ngakɔnjeje, ddi â to maji ta dda wa? Bbo ə-mbɔnje naan a, nân nân kara a kasə ta kɔsu pa, ta tɔju nɛ̂n wase pa tar marə nɛ̂n kə̂ Lubba tɔjɛ̂ kə ddaka, pa tar kə ndɔn-tarje kə̂ dang wase ndaji kandə tarje le. A maji karə ə-ddaje nɛ̂nje tɔyn karə arə singa dəwje tɔyn.

1 Kɔrɛntinyɛje 8:11

Yeenn a, dəw kə̂ sangə ang bbay, ne kə̂ n̂-to ngokɔnje kə̂ Kristə oy mba tar laa le, nâ kunn ddəw kə̂ maji ang ɔju dɔ nɛ̂n-gərə ləi le.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 8:7

Nɛ̂nje tɔyn toje rɔse tə̂ nya mban. Nɛ̂nje tokə lə mə-kunn, gusu pa tar, nɛ̂n-gərə dang dang, bbo kula kə ndiki kə̂ ə-ndikijeje. Yeenn a, maji karə ə-ddaje kula mə-maji nəənn le nya nya tɔ.

2 Kɔrɛntinyɛje 9:11

Nâ dda karə ingaje nɛ̂n nya nya, bba karə arəje nɛ̂n kə mə-kâra, baann bba dəwje nya a karəje wooyo Lubba mba nɛ̂n-mbɔn ləse kə̂ ja kaw nɛ̂n karəde kə rise le.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Epɛjinyɛje 6:19

Ə-dujuje Lubba nya mbam tɔ, karə bbo mâ ta pa tar a, n̂-tɔjum tar kə̂ mâ pa, ta kila nɛ̂n mbər nɛ̂n kə̂ iya rɔɛ̂ mə Tar kə̂ Maji tə̂ le kə bbəəl ang.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

Kolosinyɛje 2:3

Lubba iya dam kəm-karɛ kə dam nɛ̂n-gərə rɔ Kristə tə̂.

Kolosinyɛje 3:10

Ngaâ ulaje da-rɔ kə̂ siki arə ə-ddeeje to dəwje kə̂ siki. Lubba aw dda arə ə-ddeeje siki kə ndɔ tɔyn ngaâ aw undaje rɔ Lubba kə̂ nje-ddase le kə kete kete. Baann bba â gərəje Lubba le kə majɛ̂.

Jakə 3:13

Nân horose tə̂ â to nje-kəm-karɛ kə nje-nɛ̂n-gərə wa? Maji karə n̂-tɔju kəm-karɛ kə nɛ̂n-gərə laa ddəw pa-nja tə̂ kə̂ maji kə̂ tɔju to n̂-dda kulaje laa ddəw kəm-karɛ tə̂ ddəm kə mə ngonn-kasə ddəm.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!