1 Kɔrɛntinyɛje 1:21 - Dɔnɔn kə̂ Siki: Tar kə̂ aw arə təbbə

²¹ Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 1:21 Iomraidhean Croise

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Luku 10:21

Mə kar tə̂ənn njaa, Ndil-mə-nda arə rɔ-nəəl uta dɔ Jeju ngaâ pa nan: «Mɔsu gajii Bɔy, Əbbə-dəwje, əi kə̂ ɔn dɔ dara ddəm nangə ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ ngaji baa. Tɔkɔrɔ, Bɔy, mba əi njaa ə-ndiki karə to tokə baann.

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Tar kə̂ Maji kə̂ Jan dda makəturu tə̂ 12:31

Kar gangə sariya dɔ nangə tə̂ nəənn asə ngaa. Bbasinɛn, dâ tubba nje-kɔn dɔ duninya nəənn kə ddang.

Rɔmɛnje 1:28

Mba n̂-mbətəje ta gərə Lubba le ngaâ n̂-tusude ninyade narə n̂-naynje kə kəjəje ləde kə̂ maji ang karə ta n̂-ddaje nɛ̂n kə̂ dəw asə dda ang.

Rɔmɛnje 11:33

Mə-maji lə Lubba bo nya! Kəm-karɛ laa kə nɛ̂n-gərə laa bo nya! Nân bba a kasə gərə gəl sariya kə̂ naw gangə wa? Nân bba a kasə gərə ddəw kə̂ naw dda nɛ̂n nɛ̂n wa?

1 Kɔrɛntinyɛje 1:18

Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 1:23

A jeje, jaw jila mbər tar lə Kristə kə̂ n̂-tɔlɛ̂ kakə-dəsə tə̂. Jiipije ooje tar le to tar-kɔbbu, a Gɛrɛkəje ooje to tar mbə.

1 Kɔrɛntinyɛje 1:24

A dede kə̂ n̂-toje to Jiipije wase Gɛrɛkəje kə̂ Lubba bbarde kə ddaka, dooje Kristə to singa-mɔngu lə Lubba ddəm kəm-karɛ lə Lubba ddəm.

1 Kɔrɛntinyɛje 1:25

Mba nɛ̂n lə Lubba kə̂ tokə nɛ̂n-mbəjeenn le to kəm-karɛ kə̂ bo nya uta kəm-karɛ lə dəwje. Nɛ̂n lə Lubba kə̂ tokə nɛ̂n kə̂ singɛ̂ gotojeenn le ubba singa uta singa lə dəwje.

1 Kɔrɛntinyɛje 1:27

A Lubba unn nɛ̂n kə̂ to nɛ̂n-mbə duninya tə̂ mba kila nɛ̂n rɔ-kul kəm njê-nɛ̂n-gərəje tə̂. Lubba unn nɛ̂n kə̂ singɛ̂ goto kəm dəwje tə̂ mba kila nɛ̂n rɔ-kul kəm njê-singaje tə̂.

1 Kɔrɛntinyɛje 11:32

A Əbbə-dəwje gangə sariya dɔje tə̂ ngaâ tɔjuje ddəw. Yeenn bba nâ kunda tar dɔje tə̂ ddəw kâra baa kə dəwje kə̂ duninya tə̂ nəənn ang.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 6:2

Ə-gərəje to njê-mə-kunnje a gangəje sariya dɔ dəwje tə̂ kə̂ duninya tə̂ nəənn ang wa? Bbo sese â, â gangəje sariya dɔ dəwje tə̂ kə̂ duninya tə̂ nəənn a, asəje ta gangə sariya ngann tarje kə̂ ture goto tɔ ang wa?

Galatəje 1:15

A Lubba bbarəm ddəw mə-maji tə̂ laa, kar tə̂ kə̂ m-nayn mə kɔnʼmje tə̂ bbay undam dang.

Galatəje 4:8

Ləw, ə-gərəje Lubba ang, ə-toje to bbərəje lə kɔrje kə̂ toje to lubbaje kə̂ tɔkɔrɔ ang.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

Epɛjinyɛje 3:10

Yeenn bba bbasinɛn, ddəw tə̂ lə Egilisi, singa-mɔnguje kə singa kɔn-mbayje kə̂ mə dara tə̂ gərəje nɛ̂n kəm-karɛ lə Lubba dang dang,

Kolosinyɛje 1:19

Mba Lubba oo maji ta kisi tɔyn njaa mə ngonnɛ̂ tə̂ ta dduse tɔyn.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 2:3

Yeenn a, bbo jooje kaji kə̂ ngəng be nəənn le to nɛ̂n ang a, jeje ja teeje ta kunda tə̂ tokə baânn wa? Kaji nəənn le, Əbbə-dəwje â unn kutu kila mbəre. Goe tə̂ a, dəwje kə̂ ooje tam kaji nəənn le təlje ddee paje tarɛ̂ arəje nan to tar kə̂ tɔkɔrɔ.

Ebərəje 7:25

Mba yeenn bba, dəwje kə̂ aw ddeeje ngɔsi kə Lubba ddəw tə̂ laa le, nasə ta kajide nyɔm kə ləw. Mba n̂-nayn kəm baa kə ndɔ tɔyn arə nasə ta duju Lubba mba tar ləde.

Jakə 4:4

See njê kə̂ aw ulaje pa-nja ləse naan tə̂! Ə-gərəje to dəwje kə̂ ndikije nɛ̂n kə̂ dɔ nangə tə̂ nəənn toje to njê-baanje lə Lubba ang wa? Yeenn a, dəw kə̂ ndiki kuwa buwa-kura kə nɛ̂n kə̂ dɔ nangə tə̂ nəənn to nje-baan lə Lubba.

Jakə 5:15

Duju Lubba ddəw mə-kunn tə̂ le a kaji nje-rɔ-to le ngaâ Əbbə-dəwje a kuwa jia kə taar. Bbo nje-rɔ-to le dda majang a, Lubba a kɔru tar dɔɛ̂ tə̂.

Jakə 5:20

maji karə ə-gərəje to dəw kə̂ təl kə ngokɔɛ̂n kə ndəəm ddəw tar kə̂ tɔkɔrɔ le taa ngokɔɛ̂n le ta yo tə̂ ngaâ Lubba a kɔru majangje tokə banya dɔ ngokɔɛ̂n tə̂ le.