1 Kɔrɛntinyɛje 1:18 - Dɔnɔn kə̂ Siki: Tar kə̂ aw arə təbbə

¹⁸ Tɔkɔrɔ, tar koy lə Kristə dɔ kakə-dəsə tə̂ to nɛ̂n-mbə baa kəm dəwje tə̂ kə̂ aw unnje ddəw yo. A tar le to singa-mɔngu lə Lubba kəmje jeje tə̂ kə̂ naw najije.

1 Kɔrɛntinyɛje 1:18 Iomraidhean Croise

Kulaje 13:41

‹Ooje! See njê-yabbəje dəwje, arəje bbəəl ddase ta ə-gotoje kə ddang, mba mâ dda marə nɛ̂n ndɔ tə̂ kə̂ isije nɛ̂n kəm baa, bbo dəw ɔru gəl nɛ̂n le arəse a, â ndikije tə̂ ang.› »

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 17:32

Dooje tar ndol lə dəwje kə̂ oyje kə̂ Pɔl pa le a, marɛ̂je kokoje nɛ̂n. A marɛ̂je paje nan: «Marə ndɔ bba ja təl koo tar ləi dɔ tar tə̂ nəənn bbay.»

Kulaje 2:47

N̂-pitije Lubba ngaâ dəwje tɔyn oojede maji kəmde tə̂. Kə ndɔ kâra kâra tɔyn, Əbbə-dəwje aw ungu dəwje kə̂ naw najide dɔ marɛ̂ tə̂.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 15:2

Bbo ə-ngəmje Tar kə̂ Maji le kə ddəwe kə̂ m-tɔju nɛ̂n se a, Tar le a kajise. Baann ang a, mə-kunn ləse a to nɛ̂n kə̂ baa.

1 Kɔrɛntinyɛje 2:14

Dəw kə̂ Ndil lə Lubba goto rɔɛ̂ tə̂ a ndiki tə̂ kə nɛ̂nje lə Ndil lə Lubba ang, mba noo kəmɛ̂ tə̂ to nɛ̂n-mbə baa. Nâ kasə ta gərə gəle ang, mba ddəw Ndil tə̂ bba dəw a kasə ta gərə gəle.

1 Kɔrɛntinyɛje 2:2

Mba kar kə̂ m-nayn nɛ̂n horose tə̂ le, m-ndiki ta gərə marə nɛ̂n dang ang. Bbayɛ̂ njaa to Jeju-Kristə, Jeju-Kristə kə̂ n̂-tɔlɛ̂ kakə-dəsə tə̂.

1 Kɔrɛntinyɛje 3:19

Mba kəm-karɛ kə̂ duninya tə̂ nəənn to nɛ̂n-mbə kəm Lubba tə̂. Mba Makəturu lə Lubba pa nan: «Njê-kəm-karɛje aw osoje mə ji Lubba tə̂ ddəw tar ngəm tə̂ ləde njaa.»

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

2 Kɔrɛntinyɛje 10:4

Mba nɛ̂n-ddɔje kə̂ jaw ddɔje nɛ̂n toje to nɛ̂n-ddɔje kə̂ dəw â dda ang. Singa nɛ̂n-ddɔje le in rɔ Lubba tə̂ mba guru nɛ̂n ndokoje kə̂ ngəng, jaw tujuje kəjəje kə̂ toje kə dɔgɔlɛ̂ ang.

2 Kɔrɛntinyɛje 4:3

Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

2 Tesalonisinyɛje 2:10

Nâ dda nɛ̂nje kə̂ gatə gatə ang ta kərə nɛ̂n dəwje kə̂ aw awje ta nayn kə kɔrɔ̂. Mba n̂-mbətəje ta taa ddəm ta ndiki tar kə̂ tɔkɔrɔ kə̂ a kajide ddəm

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Ebərəje 4:12

Mba tar kə̂ tee ta Lubba tə̂ to kəm baa ngaâ ee kə singa. Tar le aw dda kula uta tɔkə kiya kə̂ tɛɛ̂ to ər joo kəm. Ddəw kâra baa tokə tɔkə kiya kə̂ tɛɛ̂ to ər joo kəm aw kayn horo mənrə-rɔje kə ubbuje kə̂ mə singa tə̂ le, tar lə Lubba aw andə dəw ndərəng bbəngəre tə̂. Tar le aw tee kə nɛ̂nje kə̂ dəw aw dda bboe məɛ̂ tə̂ ddəm aw əjə ddəm.