तितस 3:1 - जुम्‍ली

¹ सासन गन्‍न्‍याहरु र अदिकारिहरुका कब्‍जामै बैनु र तिनुहरुको भुन्‍या मान्‍नु र स्‍हबै राम्‍मा काममै स्‍हतिरनु भुनि बिसासिहरुकन स्‍हुम्‍जाया।

तितस 3:1 Iomraidhean Croise

१ तिमोथि 2:2

राजाहरु र हपल्‍लो ओदामै भया मान्‍ठहरुका लेखि पुनि प्रार्थना गर, यइथै गर्‍यौं भुन्‍या हामि ढुक्‍क र सान्‍तिको जिबनले पुरै सुमय परमेसोरकै भक्‍ति र पबित्‍त भइ ज्‍युँन स्‍हकौं।

१ तिमोथि 4:6

यति तुमिले भाइहरुकन यि स्‍हबै कुडाका बार्‍यामै सिकायौ भुन्‍या, तुमिले मान्‍या राम्‍मा सिच्‍छ्‌या र बिसास गर्‍या बचनमै बलियो भइ तुमि ख्रिस्‍ट इसुका राम्‍मा सेबक हुन्‍याछौ।

१ तिमोथि 5:10

तिनुले राम्‍मो काम गर्‍यै, छाचुरिहरु हुर्कायै, परदेसिहरुको स्‍हुम्‍मान गर्‍यै, ख्रिस्‍टकन बिसास गन्‍न्‍याहरुका गोडा धोयै, दुखिहरुकन सयोग गर्‍यै र स्‍हबै किसिमका राम्‍मा काममै पुनि ध्‍यान दियै हुनु पड्‍छ।

२ तिमोथि 1:6

यइबिअ तुमि याद गरि राख, मुइले तुमिमै हात राख्‍ता तुमिले पाया परमेसोरको बरदानकन चलाउ।

२ तिमोथि 2:14

यि कुडा तिनुहरुकन स्‍हुम्‍जाइदिया, र तिनुहरुले सब्‍द सब्‍दमै बोलाबोल गन्‍न्‍या काम नगर भुनि प्रभुका अगेडि आग्‍या देउ, तेइले राम्‍मो गद्‌दैन तर स्‍हुन्‍न्‍याहरुको बिसासमै हानि गद्‌दोछ।

२ तिमोथि 2:21

तेइबिअ ज्‍या कुडाको मान हुनैन, यति कोइले तेइ कुडाबाट आपुकन स्‍हुद्‌दो पार्‍यो भुन्‍या तेइ मान भया काममै चलाइन्‍या भाँडो बन्‍न्‍याछ। घरा मालिकका लेखि तेइ चोखो र राम्‍मा काममै चलाइन्‍या मुनपड्‌दो हुन्‍याछ।

तितस 1:16

तिनुहरु परमेसोरकन रया छौं भुनि भुन्‍नाछुन् तर तिनुहरु आम्‍ना कामले उनुकन मान्‍नैनुन्। तिनुहरु घिन लाग्‍न्‍या र भुन्‍या नमान्‍न्‍या हुन्‍छुन् र केइ पुनि राम्‍मो काम गन्‍न लायकका हुदैनुन्।

तितस 2:14

ख्रिस्‍टले हामिकन स्‍हबै अधर्मबाट मोल तिर्‍यर उद्‌दार गर्‍या, अनि राम्‍मो काम गन्‍न जाँगरिलो भया उनुको आम्‍नै मान्‍ठहरुकन पबित्‍त पाड्‌न आपुकन बलि हुन दिया।

तितस 3:14

हाम्‍मा मान्‍ठहरु राम्‍मा काममै रैरन स्‍हकुन्, तेइबिअ खाँचो पड्‌याबेला तिनुहरुले स्‍हयोग गन्‍न स्‍हकुन् र तिनुहरु बिना कामका नहुन्।

तितस 3:8

यइ भुनाइ पक्‍का छ। मोइले चायाछु तुमिले यइ कुडाहरुमै लागिरौ, तेइबिअ जोले परमेसोरमै बिसास गर्‍याछुन् आपुकन राम्‍मो काममै रैरन ध्‍यान देउन् क्‍यानकि यिँ कुडा मान्‍ठहरुका लेखि जात्‍ति राम्‍मो र काम लाग्‍न्‍याछ।