तितस 2:11 - जुम्‍ली

¹¹ क्‍यानभुन्‍या स्‍हबै मान्‍ठहरुले मुक्‍ति पाओस् भुनि परमेसोरले अनुग्र देखायाछुन्।

तितस 2:11 Iomraidhean Croise

मर्कुस 16:15

अनि इसुले तिनुहरुकन भुन्‍या, “सारा सुन्‍सारमै गयार स्‍हबै मान्‍ठहरुकन राम्‍मो रैबार स्‍हुनाउ।

लुका 24:47

अनि इसुको नाउँमै पछ्‍ताप र पाप माफको बारेमै यरुसलेमबाट सुरु गरि स्‍हबै देसका मान्‍ठहरुकन प्रचार हुनुपड्‌छ।

लुका 3:6

अनि स्‍हबै मान्‍ठले परमेसोरको मुक्‍ति देख्‍न्‍या छुन्।’”

प्रेरित 11:23

तिँ एन्‍टिओखियामै आयर परमेसोरले ताँइका मान्‍ठहरुकन दया गर्‍या देख्‍यार जात्‍ति खुसि भया, र तिनुहरु स्‍हबैकन सारा हिर्दयाले प्रभुकन बिसास गरि रनु भुनि बारनाबासले आँट दिया।

प्रेरित 13:43

बैठेक स्‍हकियापछि मथ्‍थै यहुदिहरु र यहुदि धर्म मान्‍या अरु जातिका मान्‍ठहरु पावल र बारनाबासको पछाडि लाग्‍या। तेइपछि पावल र बारनाबासले तिनुहरुकन स्‍हुम्‍जाउँनै जैलेपुनि परमेसोरको दयामै रैरनु भुनि बिन्‍ति गर्‍या।

प्रेरित 13:47

क्‍यानभुन्‍या प्रभुले हामिकन यइथो आग्‍या दियाछुन्, “‘धत्‍तिभरिका स्‍हबै मान्‍ठहरुले मुक्‍तिको रैबार पाउन् भुनि मोइले तुमिहरुकन अरु जातिका मान्‍ठहरुको निम्‍ति उज्‍यालो दिन पठायाछु।’”

प्रेरित 17:30

यइबिअ अगाडि थाँ नपाइकन गर्‍या पाप परमेसोरले मतलब गद्‍दैनुन्। तर अब परमेसोरले स्‍हबै मान्‍ठहरुकन आम्‍ना पाप छोडि पछ्‍ताप गर भुनि आग्‍या दियाछुन्।

प्रेरित 20:24

तर मु आम्‍नो जिबनकन ठुलो र प्‍यारो ठान्‍नैन। यइ मात्‍तै स्हुइतोछु, कि परमेसोरको दयाको राम्‍मो रैबार स्‍हुनाउन प्रभु इसुबाट पाया यइ काम मु पुरा गन्‍न स्हकु।

२ थेसलोनिकि 2:16

अब हामिकन माया गन्‍न्‍या र अनुग्रले अजम्‍बरिको हौसला र राम्‍मो आस दिन्‍या हाम्‍मा प्रभु इसु ख्रिस्‍ट आपैले या परमेसोर हाम्‍मा बाबाले,

१ तिमोथि 1:14

हाम्‍मो प्रभुको मथ्‍थै अनुग्र मोइले पायाँछु, र ख्रिस्‍ट इसुमै भया बिसास र माया मुकन दिया।

१ तिमोथि 2:4

स्‍हबै मान्‍ठहरुले मुक्‍ति पाउन् र तिनुहरुले स्‍हाँचो कुडा थाँ पाउन् भुनि परमेसोरले मुन गर्‍या छुन्।

२ तिमोथि 1:10

तर मुक्‍तिदिन्‍या ख्रिस्‍ट इसु आयार तेइ अनुग्र हामिकन देखाया। इसुले मित्‍युकन नास पारि अजम्‍बरि जिबनकन राम्‍मो रैबारबाट देखाया।

२ तिमोथि 4:17

तर प्रभु मेरा पट्‍टि भया र स्‍हबै अरु जातिहरुकन परमेसोरको रैबार स्‍हुनाउन मोकन तागत दिया। अनि मोइले परमेसोरले सिंहका थोलाबाट बचाया।