मर्कुस 5:34 - जुम्‍ली

³⁴ अनि इसुले स्‍हैनिकन भुन्‍या, “याइ छोरि, तेरा बिसासले तोकन भलो गर्‍याछ। सान्‍तिले जा।”

मर्कुस 5:34 Iomraidhean Croise

मर्कुस 10:52

अनि इसुले तेइकन भुन्‍या, “तो जा। तेरो बिसासले तोकन भलो गर्‍याछ।” तब तेइले स्‍हाँट्‌टै देख्‍यो, र इसुका पछि लाग्‍यो।

मर्कुस 3:10

इसुले मथ्‍थै मान्‍ठहरुकन भलो पाड्‍या हुनाले मुदौरा स्‍हबैले उनुकन छुउँ भुनि ठेलाठेल गद्‌दा छिया।

मर्कुस 5:29

अनि स्‍हाँट्‌टै तेइको रगत बग्‍न छोड्‍यो, र आम्‍नो हडको रोग भलो भया तेइले थाँ पाइ।

मर्कुस 5:33

तब आपुकन ज्‍या भयाछियो, तेइ थाँ पाइर तेइ स्‍हैनिले भेइमानि काम्‍दै आइ इसुको अगेडि घोप्‍टो पडि, र इसुकन स्‍हबै स्‍हाँचो कुडा भुनिदिइ।

लुका 17:19

अनि इसुले तेइकन भुन्‍या, “उठ र जाउ, तुम्‍मा बिसासले तुमिकन भलो गर्‍याछ।”

लुका 18:42

तब इसुले तेइकन भुन्‍या, “तुमि देख्‍न्‍या भइजाउ। क्‍यानकि तुम्‍मो बिसासले तुमिकन भलो गर्‍याछ।”

लुका 7:50

तर उनुले तेइ स्‍हैनिकन भुन्‍या, “तुम्‍मा बिसासले तुमिकन बचायाछ, सान्‍तिले जाउ।”

लुका 8:48

इसुले स्‍हैनिकन भुन्‍या, “तेरा बिसासले तोकन भलो गर्‍याछ, सान्‍ति स्‍हात जा।”

प्रेरित 14:9

पावलले भुन्‍या कुडा तेइले स्‍हुन्‍नै बस्‍या छियो। अनि पावलले तेइकन हेरिरया छिया, तेइ मान्‍ठले मु पुनि भलो हुन स्‍हक्‍छु, भुनि बिसास गर्‍या पावलले थाँ पाया।

प्रेरित 15:33

ताँइ तिनुहरु मथ्‍थै दिन बस्‍या र ताँइका बिसासि दाजुभाइहरुले तिनुहरुकन यरुसलेमको मन्‍डलिमै जान्‍या बेला राम्‍मरि जाउ भुनि पठाया।

प्रेरित 16:36

तेइबिअ झ्‍यालखानका हाकिमले पावलकन भुन्‍या, “तुमि र सिलासकन छोड्‌दिनु भुनि सहरका हाकिमहरुले आदेस दियाछुन्। तेइबिअ तुमिहरु खुसि हुँदै जाउ।”