मर्कुस 3:10 - जुम्‍ली

¹⁰ इसुले मथ्‍थै मान्‍ठहरुकन भलो पाड्‍या हुनाले मुदौरा स्‍हबैले उनुकन छुउँ भुनि ठेलाठेल गद्‌दा छिया।

मर्कुस 3:10 Iomraidhean Croise

मर्कुस 5:34

अनि इसुले स्‍हैनिकन भुन्‍या, “याइ छोरि, तेरा बिसासले तोकन भलो गर्‍याछ। सान्‍तिले जा।”

मर्कुस 6:56

अनि गाउँहरुमै या सहरहरुमै जाँ जाँ पस्‍या, मान्‍ठहरुले मुदौराहरुकन ठौर ठौरमै राखिदिया, र उनुका टालाको छेउ मात्‍तै पुनि छुन पाऔं भुनि तिनुहरुले इसुकन बिन्‍ति गर्‍या, र जतिले छोया तिनुहरु स्‍हबै भलो भया।

मर्कुस 8:22

तेइपछि इसु बेथसेदा आया, र मान्‍ठहरुले एक कान्‍या मान्‍ठकन इसुति ल्‍याया, अनि तेइकन छोदेउ भुनि इसु स्‍हात बिन्‍ति गर्‍या।

लुका 5:3

तिँ दुइ नाउ मद्‌दि एक सिमोनको छियो। इसु तेइ नाउमै चढेर सिमोनकन भुन्‍या, “नाउकन छाइलबाट थोक्‍कै पुड्‌डो ल्‍हेउ।” अनि नाउमै बसि मान्‍ठहरुकन अत्‍तो दिन लाग्‍या।

लुका 6:19

स्‍हबै मान्‍ठहरुले इसुकन छुनखोज्‍या, क्‍यानभुन्‍या उनुबाट आया सक्‍तिले स्‍हबै जुन भलो हुन्‍छिया।

लुका 7:2

कोइ एक जुन रोमि कप्‍तानको एक जुन प्‍यारो कमारो छियो, तेइ कैठपडि मन्‍नै लाग्‍या छियो।

लुका 7:21

तेइबेला इसुले मथ्‍थै कैठ, ब्‍याथा र खराब आत्‍माहरुबाट छुटाया, र मथ्‍थै कान्‍याकन आँखा देख्‍न्‍या गर्‍या।

प्रेरित 5:15

न्‍यास्‍हम्‍म कि मान्‍ठहरुले स्‍हडक स्‍हडकमै मुदौराहरुकन ल्‍याया, र पत्‍तुरुस आउँदा तिनुको छाइल मात्‍तै तिनुहरुमद्‌दि कोइ कोइमाथि पडोस् भुनि ओछ्‌यानमै स्‍याइ राख्‍याछिया।