मर्कुस 14:41 - जुम्‍ली

⁴¹ इसु तेर्स्‍हो पल्‍ट आयार, चेलाहरुकन भुन्‍या, “क्‍या तुमिहरु अजै ढुल्‍दैछौ, र पट्‌याइ मारिरयाछौ? अब सुमय आइगयो। हेर, मान्‍ठको छोरो पक्‍डाउ पडि पापि मान्‍ठहरुका हातमै स्‍हुम्‍पिन्‍या बेला भयाछ।

मर्कुस 14:41 Iomraidhean Croise

मर्कुस 14:10

अनि बार जुना चेलाहरुमद्‌दि एक जुना यहुदा इस्‍कोरियत भुन्‍न्‍या चेलो मुख्‍य पुजारिति गयो, र इसुकन तिनुहरुका हातमै पक्‍डाइ दिन्‍या स्‍हल्‍ला गर्‍यो।

मर्कुस 14:18

चेलाहरु स्‍हात खाँदैगद्‌दा इसुले तिनुहरुकन भुन्‍या, “स्‍हाँच्‍चि मु तुमिहरुकन भुन्‍दछु, तुमिहरुमद्‌दि मु स्‍हात खान्‍या एक जुनाले मुकन पक्डाइ दिन्‍याछ।”

मर्कुस 14:35

अनि इसु थोक्‍कै पर गइकन भुइँमै घोप्‍टो पड्‌या, र प्रार्थना गन्‍न लाग्‍या र भुन्‍या, “हुन स्‍हक्‍छ भुन्‍या आउन लाग्‍या दुखको सुमय मुबाट हटाइदेउ।”

मर्कुस 14:40

फेरि इसु आयार चेलाहरुकन ढुलिरया फेलापार्‍या, क्‍यानभुन्‍या तिनुहरुका आँखा ढुलैले जात्‍ति लाट्‌टिया हुनाले इसुकन क्‍या भुन्‍नु पड्‌न्‍या हो तेइ जान्‍यानुन्।

मर्कुस 14:42

अब उठ, जाउ! मुकन पक्‍डाउन्‍या मान्‍ठ आइस्‍क्‍याछ।”

मर्कुस 7:9

इसुले तिनुहरुकन भुन्‍या, “तुमिहरु जात्‍ति बाठा भइ आम्‍ना जिजुबाज्‍याहरुको रितिथिति मान्‍न परमेसोरका आग्‍याकन टार्छौ।

मर्कुस 9:31

क्‍यानकि इसुले आम्‍ना चेलाहरुकन सिच्‍छ्‌या दिनैगद्‌दा। इसुले तिनुहरुकन भुन्‍या, “मान्‍ठको छोरा मान्‍ठहरुका हातमै स्‍हुम्‍पिन्‍याछ, र तिनुहरुले तेइकन मार्‌न्‍या छुन्, र तेइ मारिया तिन दिनपछि फेरि ज्‍युँदो भइ उठ्‍न्‍याछ।”

प्रेरित 7:52

परमेसोरका रैबार्‍याहरुमद्‌दि कैकन तुमिहरुका पुर्खाहरुले दुख दियानुन्? तिनुहरुले धार्मिक मान्‍ठ आउन्‍याछुन् भुनि रैबार दिन्‍याहरु स्‍हबैकन मार्‍या। अनि तुमिहरुले उनुकन धोका दियौ, र मार्‍यौ। जोइले तिँ धार्मिक मान्‍ठको आउन्‍या रैबार अगाडि देखि नै स्‍हुनाया छिया। अब तुमिहरु उनुकै धोकेबाजि र ज्‍यानमारा भयाछौ।