मर्कुस 12:12 - जुम्‍ली

¹² तेइपछि यहुदि अगुवाहरुले इसुकन पक्‍डन खोज्‍या, क्‍यानकि यइ उखान इसुले तिनुहरुकै बिरुद्‌दमै भुन्‍या हुन् भुनि तिनुहरुले बुज्‍या। तर तिनुहरुले मान्‍ठहरु स्‍हात भेइमान्‍या हुनाले इसुकन छोड्‌यार गया।

मर्कुस 12:12 Iomraidhean Croise

मर्कुस 11:18

मुख्‍य पुजारिहरु र धर्मगुरुहरुले यइ स्‍हुन्‍यार इसुकन क्‍यागरि मारौ भुनि जुक्‍ति खोइन लाग्‍या। सारा मान्‍ठहरुले इसुको सिछ्‌यामै अचुम्‍म मान्‍या छिया। तेइबिअ तिनुहरु इसु स्‍हात भेइमान्‍ना छिया।

मर्कुस 11:32

‘मान्‍ठहरुबाट’ भुनौ भुन्‍या कस्‍हरि भुन्‍न्‍या?” मान्‍ठहरु हाम्‍मो बिरुद्‌दमै हुन्‍याछुन्, क्‍यानकि स्‍हबैले युहन्‍नाकन परमेसोरको स्‍हाँचो रैबार्‍या हुन् भुनि मान्‍नाछिया।

लुका 20:19

तब धर्मगुरुहरु र मुख्‍य पुजारिहरुले तेइबेला इसुकन पक्डुन खोज्‍या। क्‍यानभुन्‍या तिनुहरुकन थाँ छियो कि यइ उखान तिनुहरुकै बिरोदमै भुन्‍न्‍याछिया तर तिनुहरु मान्‍ठहरु स्‍हात भेइ मान्‍ना छिया।

लुका 20:6

‘मान्‍ठबाट भुनौ भुन्‍या’ मान्‍ठहरुले हामिकन ढुंगाले हानि मार्‌न्‍या छुन् क्‍यानकि युहन्‍ना परमेसोरका रैबार्‍या हुन भुनि तिनुहरुको पक्‍का बिसास छियो।”