मर्कुस 1:26 - जुम्‍ली

²⁶ अनि भुतआत्‍माले तेइ मान्‍ठकन लछाडपछाड गद्‍दै र ठुलो डाकोले किक्‍याउँदै निक्‍लि गयो।

मर्कुस 1:26 Iomraidhean Croise

मर्कुस 1:25

तर इसुले तेइ भुतकन हप्‍काउँदै भुन्‍या, “छुपुक्‍क लाग्, र तेइबाट निक्‍लिजा।”

मर्कुस 1:27

तब स्‍हबै जुना दङ्‍ग पर्‍या, र तिनुहरुले यइथो भुन्‍नै आपु आपु कुडा गन्‍न लाग्‍या, “यइ क्‍या हो? यइ त नौलो सिच्‍छ्‍या रैछ। यिनुले त हकस्‍हत भुतआत्‍माहरुकन पुनि हुकुम गद्‌दाछुन्, र भुतआत्‍माहरुले यिनुको हुकुम मान्‍दारैछुन्।”

मर्कुस 9:20

तिनुहरुले तेइ ठेटाकन इसुति ल्‍याया। दु‍स्‍टआत्‍माले इसुकन देख्‍ना बित्‍तिकै ठेटाकन लछारपछार पाड्‌यो, र तेइ भुइँमै ढल्‍योर फिन गाड्‌दै फडिजडि गन्‍न लाग्‍यो।

मर्कुस 9:26

अनि भुतआत्‍मा कोक्‍कायर तेइ ठेटाकन जात्‍तिगरि लछारपछार गद्‌दै निस्‍क्‍यो र ठेटो मर्‍या जैथै भयो, न्‍यास्‍हम्‍मकि मथ्‍थैले तेइकन मर्‍याछ भुनि स्‍हुच्‍या।

लुका 11:22

तर तेइभुन्‍दा जोरिलो मान्‍ठ आइ तेइस्‍हात पसिलाग्‍यो र तेइकन झित्‍यो भुन्‍या, तेइले भर मान्‍या तेइका जुम्‍मै हतियारहरु उचेडि ल्‍हैजान्‍छ, र तेइका माल सुम्‍मानहरु उचेडेर बाँड्‌छ।

लुका 9:39

हेर, एक भुतात्‍माले तेइकन बारबार स्‍हमात्‍तोछ, र तेइ एक्‍कासि किक्‍याउँछ, तेइकन ऐँठ्‌याउँछ र तेइले फिन गाड्‌डोछ। तेइकन धद्‌धगरि छोड्‌डोछियो र मर्‍या जो हुन्‍छियो।

लुका 9:42

तर तेइ छोराकन ल्‍याउँदा ल्‍याउदै भुतात्‍माले तेइकन पछाड्‌यो, र ऐँठ्‌याउन लाग्‍यो। तर इसुले तेइ भुतात्‍माकन हप्‍काया, र भाउकन भलो गरि तेइका बाबाकन जुम्‍मालाया।