लुका 8:29 - जुम्‍ली

²⁹ नराम्‍मो आत्‍माले यइ भुन्‍यो क्‍यानभुन्‍या इसुले नराम्‍मो आत्‍माकन तेइ मान्‍ठबाट निक्‍लि जा भुनि हुकुम दिया छिया। तेइ मान्‍ठकन नराम्‍मो आत्‍माले मथ्‍थै दुख दिया छियो। तेइकन स्‍हाङ्‌लाले हात गोडा बानि मान्‍ठहरु थुनि राख्‍ताछिया, तर स्‍हाङ्‌ला चुडिल्‍लो छियो अनि नराम्‍मो आत्‍माले तेइकन रुखाठौरमै ल्‍हिन्‍छियो।

लुका 8:29 Iomraidhean Croise

मर्कुस 5:8

क्‍यानकि इसुले तेइकन पैलै भुन्‍याछिया, “याइ नराम्‍मो आत्‍मा तो तेइ मान्‍ठबाट निक्‍लि बाइजा।”

लुका 8:28

तेइले इसुकन देख्‍यो, र किक्‍क्‍याउनै तिनुका अगेडि घोप्‍टो परि ठुलो डाको गाडि भुन्‍यो, “स्‍हबै भुन्‍दा ठुला परमेसोरका छोरा इसु, मोइति तुम्‍मो क्‍या काम? गलि गलि मुकन दुख नदेउ।”

लुका 8:30

इसुले तेइकन स्‍होद्‍या, “तेरो नाउँ क्‍या हो?” तेइले भुन्‍यो, “फौज” क्‍यानभुन्‍या तेइकाउनि मथ्‍थै भुत पस्‍याछिया।

लुका 9:39

हेर, एक भुतात्‍माले तेइकन बारबार स्‍हमात्‍तोछ, र तेइ एक्‍कासि किक्‍याउँछ, तेइकन ऐँठ्‌याउँछ र तेइले फिन गाड्‌डोछ। तेइकन धद्‌धगरि छोड्‌डोछियो र मर्‍या जो हुन्‍छियो।

लुका 9:42

तर तेइ छोराकन ल्‍याउँदा ल्‍याउदै भुतात्‍माले तेइकन पछाड्‌यो, र ऐँठ्‌याउन लाग्‍यो। तर इसुले तेइ भुतात्‍माकन हप्‍काया, र भाउकन भलो गरि तेइका बाबाकन जुम्‍मालाया।