लुका 7:28 - जुम्‍ली

²⁸ मु तुमिहरुकन भुन्‍दोछु, स्‍हैनिहरुबाट जुन्‍मियामद्‌दि युहन्‍नाभुन्‍दा ठुलो कोइ नाइ, तर जो परमेसोरको राज्‍यामै नानो छ, तेइ तिनुभुन्‍दा अझ ठुलो हुन्‍छ।”

लुका 7:28 Iomraidhean Croise

लुका 3:16

तेस्‍हो भया हुनाले युहन्‍नाले स्‍हबैकन भुन्‍या, “मु त तुमिहरुकन पानिले बप्‍तिस्‍मा दिन्‍छु। तर मुभुन्‍दा ठुला एक जुना आउँदैछुन्। मु त तिनुका पौलाका तुना फुकाउन्‍या जैइथै पुनि नाइ। उनुले तुमिहरुकन पबित्‍त आत्‍मा र आगाले बप्‍तिस्‍मा दिन्‍याछन्।

लुका 7:27

क्‍यानकि परमेसोरले युहन्‍नाको बारेमै भुन्‍या जो सास्‍त्‌रमै लेख्‍या छ, ‘हेर मु मेरो रैबार्‍याकन तुम्‍मा अगेडि अगेडि पठाउन्‍याछु, जोले तुम्‍मा अगेडि तुम्‍मो बाटो स्‍हपाड्‌न्‍याछ।’

लुका 7:29

अनि स्‍हबै मान्‍ठहरु र तिरो उठाउन्‍याहरुले पुनि यइ स्‍हुन्‍यार परमेसोरको सत्‍तेताकन मान्‍या, क्‍यानभुन्‍या तिनुहरुले युहन्‍नाबाट बप्‍तिस्‍मा ल्‍हिया छिया।

लुका 9:48

अनि इसुले तिनुहरुकन भुन्‍या, “जोले मेरो नाउमै यइ भाउकन ग्रहन गद्‌दोछ, तेइले मुकन ग्रहन गद्‌दोछ, र जोले मुकन ग्रहन गद्‌दोछ, तेइले मुकन पठाउन्‍याकन पुनि ग्रहन गद्‌दोछ। क्‍यानभुन्‍या तुमिहरु मद्‌दि जो स्‍हबै भुन्‍दा नानो छ, तेइ स्‍हबै भुन्‍दा ठुलो हुन्‍छ।”