लुका 18:43 - जुम्‍ली

⁴³ अनि स्‍हाँट्‌टै तेइ देख्‍न्‍या भयो, र परमेसोरको गुनगान गद्‍दै इसुको पछाडि लाग्‍यो। यइ देखिकन स्‍हबै मान्‍ठले परमेसोरको गुनगान गर्‍या।

लुका 18:43 Iomraidhean Croise

लुका 13:17

इसुले यिँ कुडा भुनि स्‍हक्‍यापछि उनुका बिरोदिहरु लाजमै पड्‌या, तर उनुका स्‍हबै कामहरुमै मान्‍ठहरु खुसि भया।

लुका 19:37

अनि इसु जैतुन डाँडाको उदालो लाग्‌न्‍या बाटोमै पुग्‍या। चेलाहरुको भिडले रडगद्‍दै ठुलै डाको गरि परमेसोरको गुनगान गन्‍न लाग्‍या क्‍यानकि इसुका स्‍हबै सक्‍तिसालि कामहरु तिनुहरुले आपै देख्‍याछिया।

लुका 4:39

इसुले तिनुका काखैति गइकन जराकन हप्‍काया र जराले छोड्‌यो अनि तिँ जुरुक्‍कै उठिकन तिनुहरुको सेबा गरिन्।

लुका 5:26

स्‍हबै जुनले अच्‍चुम्‍म मान्‍या, र तिनुहरुले परमेसोरको महिमा गर्‍या, र भेइमान्‍दै यइथो भुन्‍या, “आज हामिले अच्‍चुम्‍मका कुडा देख्‍यौ!”

लुका 9:43

परमेसोरको यइथो ठुलो सक्‍ति देख्‍यार तिनुहरु स्‍हबैले अच्‍चुम्‍म मान्‍या। इसुले गर्‍या स्‍हबै काममै स्‍हबै जुनाले अच्‍चुम्‍म मान्‍या देख्‍यार, उनुले आम्‍ना चेलाहरुकन भुन्‍या,

प्रेरित 11:18

यिँ कुडा स्‍हुन्‍यापछि प्रभुमै बिसास गन्‍न्‍या यहुदि दाजुभाइहरु छुपुक्‍क लाग्‍या र परमेसोरले आपुति फर्कुन्‍या र बाँच्‍न्‍या मौका अरु जातिहरुकन पुनि दिया छुन् भुन्‍दै परमेसोरको महिमा गर्‍या।

प्रेरित 26:18

तोइले ति मान्‍ठहरुका आँखा खोल्‍दिनु, र तिनुहरु उद्‍यारोबाट उज्‍यालोतिर र सैतानको सक्‍तिबाट परमेसोरतिर फर्कुन्। यइगरि तिनुहरुले पापको माप पाउन्‍याछुन् र मुकन बिसास गर्‍या हुनाले पबित्‍त भयाहरुको ठौर तिनुहरुले पुनि पाउन्‍याछुन्।’

प्रेरित 4:21

तिनुहरुले दण्‍ड दिन्‍या केइ जुक्‍ति नपाइ पत्‍तुरुस र युहन्‍नाकन अझ भौति धुम्‍कायर छोडिदिया, क्‍यानभुन्‍या ताँइ अचुम्‍मको काम भया हुनाले स्‍हबै मान्‍ठहरुले परमेसोरको गुणगान गरिरया छिया।