लुका 16:2 - जुम्‍ली

² तब मालिकले डाकेर भुन्‍यो, ‘मोइले तेरो बारेमै क्‍या स्‍हुन्‍दैछु तेइ क्‍या हो? तेरो नाइक्‍या कामको हिसाब मुकन दे। अबदेखि तो नाइक्‍या हुन पाउँदैनै।’

लुका 16:2 Iomraidhean Croise

लुका 12:20

तर परमेसोरले तेइकन भुन्‍या, ‘याइ मुर्ख, आज रातै भित्‍त तेरो परान तोबाट ल्‍हिन्‍याछ, र ज्‍या कुडाहरु तोइले आम्‍नो निम्‍ति थुप्‍राया छै, ति स्‍हबै कैका हुनान्?’”

लुका 12:42

इसु प्रभुले भुन्‍या, “तेइ बिसासि र बुद्‌दिमानि कमारो को हो? जैकन तेइका मालिकले आम्‍नो झानकन ठिक्‍क सुमयमै तिनुहरुका भागमै पड्‌न्‍या खच्‍च दिन अडाउन्‍याछुन्।

लुका 16:1

इसुले आम्‍ना चेलाहरुकन भुन्‍या, “कोइ स्‍हाउ मान्‍ठका काम गन्‍याहरु मद्‌दि एक जुन नाइक्‍या छियो। तेइले आम्‍ना मालिकको धुन सुम्‍पति उडाउँदैछ भुन्‍न्‍या कुडा मान्‍ठहरुले स्‍हाउकन भुनिदिया।

लुका 16:3

“अनि नाइक्‍याले मुनमुनै यइथो स्‍हुइन लाग्‍यो, ‘अब मु क्‍या गरुला? क्‍यानभुन्‍या, मालिकले मुकन नाइक्‍या कामबाट हटाउन लाग्‍याछुन्। खुनजोत गन्‍न्‍या बल पुनि नाइ, भिक माग्‍न स्‍हरम लाग्‍दोछ।

१ तिमोथि 4:14

एल्‍डरहरुका हात तुमिमै राखि परमेसोरबाट बोल्‍दै तुमिले पाया बरदानकन लापरबाइ नगर।

१ तिमोथि 5:24

कोइ कोइ मान्‍ठका पापहरु स्‍होजै देखाला पड्‌डाछुन् र न्‍यायमै पड्‌डाछुन्। तर कोइकोइका पापहरु पछि देखाला पड्‌डाछुन्।