लुका 13:11 - जुम्‍ली

¹¹ ताँइ एक स्‍हैनि छि तेइकन अठार बर्स्‍हदेखि भुतआत्‍मा लागेर कुम्‍र्‌या भयाइछि, र स्‍होज्‍जै हुन स्‍हक्‍तिछिन।

लुका 13:11 Iomraidhean Croise

मर्कुस 9:21

इसुले तेइका बाबाकन स्‍होद्‌या, “कैले देखि यइकन यइथो भया हो?” तेइले भुन्‍यो, “नानै देखि।”

लुका 13:12

इसुले तेइकन देख्‍यापछि डाक्‍यार भुन्‍या, “यइ स्‍हैनि, अब तुमि आम्‍ना कैठबाट भलो भयौ।”

लुका 13:16

यइ अब्राहामका बुङ्‍सकि छोरि अठार बर्स्‍ह स्‍हुम्‍म सैतानको कब्‍जामै छि, पट्‌याइका दिनमै यइ कब्‍जाबाट छुट्‌करा हुनुपड्‌न्‍या हैन र?”

लुका 21:28

जब यि कुडा हुन लाक्‍न्‍याछुन् अनि उठ र उबो हेर क्‍यानभुन्‍या तुमिहरुको मुक्‍ति नजिकै आइरया छ।”

लुका 8:2

भुतआत्‍मा र कैठहरुबाट भलो भयइ स्‍हैनिहरु पुनि इसु स्‍हातै छिन्‌। तिँ मद्‌दि मग्‍दलिनि भुन्‍न्‍या मरियम, तेइबाट सातओटा भुतआत्‍माहरु पुनि निक्‍लिया छिया।

लुका 8:27

तब नाउबाट इसु छाइलति ओल्‍ल्‍या, ताँइ इसुले भुतहरु लाग्‍या मान्‍ठकन भेट्‌या। तेइ मथ्‍थै दिन देखि टाला लाउदैन छियो, अनि घर बैथैनछियो तर च्‍यानौनो बैथो छियो।

लुका 8:43

मान्‍ठहरुका म्‍हाँजबाट, बार बर्स्‍हदेखि रगत बग्‍न्‍या एक स्‍हैनि, तेइकन कोइले पुनि भलो पाड्‌न स्‍हक्‍या छियानुन्।

प्रेरित 3:2

मुन्‍दिरभित्‍त पैन्‍यास्‍हात भिक माग्‍नका बिअ एकजुना जुन्‍मैदेखिको कुज्‍याकन मान्‍ठहरुले बोकेर ल्‍याउन्‍छिया र दिनदिनै मुन्‍दिरको सुन्‍दर नाउँ गर्‍या धेलामै राखिदिन्‍छिया।

प्रेरित 4:22

क्‍यानकि जो मान्‍ठ अचुम्‍मको कामबाट भलो भयाछियो, तेइको उम्‍मेर चालिस बर्स्‍ह भुन्‍दा भौति छियो।