लुका 10:7 - जुम्‍ली

⁷ तिनुहरुले दिया चिजहरु खाउ पेउ र तेइ घरमै बस। क्‍यानभुन्‍या खेतालाहरु आम्‍नो जेलाको लायक हुन्‍छ। घर घर बास नगरि हड।

लुका 10:7 Iomraidhean Croise

मर्कुस 6:10

इसुले तिनुहरुकन भुन्‍या, “जब कोइ घरमै पैथाछौ, तब तेइ गाउँबाट ननिस्‍कुन्‍जै तेइ घरमै बस्‍नु।

लुका 10:6

यति ताँइ सान्‍ति मुन पराउन्‍या मान्‍ठ रैछ भुन्‍या तुमिहरुको सान्‍ति तेइस्‍हात रन्‍याछ, तर रैनछ भुन्‍या तेइ सान्‍ति तुमिहरु स्‍हातै फर्कि आउन्‍याछ।

लुका 9:4

जो घरमै तुमिहरु जानास्‍हौ ताँइ बस, र तेइ गाउँबाट बिदा नहुदा स्‍हम्‍म तेइ घरमै बस।

प्रेरित 16:15

अनि लिडिया र तिनुका घरा स्‍हबै झानले प्रभुमै बिसास गर्‍यार बप्‍तिस्‍मा ल्‍हिया। र तेइले हामिकन बिन्‍ति गद्‌दै भुनि, “यति तुमिहरुले मुकन स्‍हाँच्‍चै प्रभुमै बिसास गन्‍न्‍या बुइनि ठराउँदाछौ भुन्‍या मेरो घरमै आइकन बसिदेउ।” यइगरि तेइले हामिकन आम्‍ना घर आइदेउ भुनि कर गरि।

प्रेरित 16:34

तेइपछि हाकिमले पावल र सिलासकन आम्‍ना घर ल्‍हि खच्‍च ख्‍वाया। तिँ र तिनुका झानले परमेसोरकन बिसास गर्‍या हुनाले स्‍हबै खुसि भया।

प्रेरित 16:40

पावल र सिलास झ्‍यालखानबाट निस्‍क्‍यापछि लिडियाको घरमै गया, र ताँइ प्रभुकन बिसास गन्‍न्‍या दाजुभाइस्‍हात भेटगाट गर्‍या र तिनुहरुकन आँट दिइ छुट्‍या।

१ तिमोथि 5:13

तिनुहरु घरघरै डुल्‍या अल्‍छो मान्‍न्‍या तेति मात्‍तै हैन अक्‍का खिसि गन्‍न्‍या, बोल्‍ल नमिल्‍या कुडा गन्‍न्‍या हुनिछुन्।

२ तिमोथि 2:6

म्‍हिनेत गन्‍न्‍या किसानले नै बालिको पैलो भाग पाउनुपड्‌डोछ।