लुका 10:16 - जुम्‍ली

¹⁶ “जोले तुमिहरुका कुडा स्‍हुन्‍छ, तेइले मेरा कुडा स्‍हुन्‍छ। जोले तुमिहरुकन पत्‍याउदैन, तेइले मुकन पत्‍याउदैन र जोले मुकन पत्‍याउदैन, तेइले मुकन पठाउन्‍याकन पत्‍याउदैन।”

लुका 10:16 Iomraidhean Croise

मर्कुस 9:37

“जोले यइथा नाना भाउहरुमद्‌दि एक जुनाकन मेरा नाउँमै ग्रहन गद्‍दोछ तेइले मुकन ग्रहन गद्‍दोछ, र जोले मुकन ग्रहन गद्‍दोछ तेइले मुकन पठाउन्‍या मेरा बाबाकन ग्रहन गद्‍दोछ।”

लुका 9:48

अनि इसुले तिनुहरुकन भुन्‍या, “जोले मेरो नाउमै यइ भाउकन ग्रहन गद्‌दोछ, तेइले मुकन ग्रहन गद्‌दोछ, र जोले मुकन ग्रहन गद्‌दोछ, तेइले मुकन पठाउन्‍याकन पुनि ग्रहन गद्‌दोछ। क्‍यानभुन्‍या तुमिहरु मद्‌दि जो स्‍हबै भुन्‍दा नानो छ, तेइ स्‍हबै भुन्‍दा ठुलो हुन्‍छ।”

प्रेरित 5:4

तेइ खेत नबेचुन्‍जै क्‍या तेरो छियोन? बेचिस्‍हक्‍या पुनि तेइबाट आया रुपियाँ तुमिहरुकै छियोन र? यइथो काम गन्‍न्‍या बिचार तेरो हिर्दयामै क्‍यागरि आयो? तोइले मान्‍ठहरुकन त हैन, तर परमेसोरकन टोट्‌ट्‌यायाछै।”

१ थेसलोनिकि 4:8

यइबिअ जोले यइ कुडाकन निच्‍यौन्‍या काम गद्‌दोछ तेइले मान्‍ठको हैन, तर परमेसोरकन निच्‍यौन्‍या काम गद्‌दोछ, जो परमेसोरले तुमिहरुकन आम्‍नो पबित्‍त आत्‍मा दिन्‍छुन्।