प्रेरित 9:20 - जुम्‍ली

²⁰ अनि साउल तुरुन्‍तै सबाघरहरुमै गैकन, “इसु परमेसोरका छोरा हुन्” भुनि मान्‍ठहरुकन स्‍हुनाउन लाग्‍यो।

प्रेरित 9:20 Iomraidhean Croise

प्रेरित 13:14

अनि पावल र बारनाबास पर्गा सहरबाट निक्‍लेर पिसिदियाको एन्‍टिओखिया सहरमै गया। अनि पट्‌याइ मान्‍न्‍या दिनमै दुबैजुना सबाघरमै गैकन बस्‍या।

प्रेरित 13:33

या कस्‍हरि परमेसोरले इसुकन मर्‍याबाट ज्‍युँद्‍याया तेइ कुडा हामि तिनुहरुका स्‍हुन्‍तानको निम्‍ति नै पुरा गरिदिया, यइथै दोर्स्‍हो भजनको किताबमै पुनि लेख्‍याछ। “‘तुमि मेरा छोरा हौ, आज मु तुम्‍मो बाबा भयाँ।’”

प्रेरित 13:46

तर पावल र बारनाबासले भेइ नमानिकन यइथो भुन्‍या, “परमेसोरको बचन स्‍हबै भुन्‍दा पैला तुमिहरुकनै स्‍हुनाउनु आबासेक छियो। तर तुमिहरुले यइ बचन नमानि आपैकन अजम्‍बरिको जिबन पाउन लायक नाइ भुन्‍या हुनाले हामि अब अरु जातिहरुति जान्‍याछौं।

प्रेरित 13:5

अनि सलामिस सहरमै पुग्‍यापछि यहुदिहरुका सबाघरभित्‍त पसि तिनुहरुले परमेसोरको बचन स्‍हुनाउन लाग्‍या। तिनुहरुकन सयोग गन्‍न्‍या मर्कुस भुनिन्‍या युहन्‍ना पुनि गयाछिया।

प्रेरित 14:1

आइकोनियन सहरमै पावल र बारनाबास यहुदि सबाघरमै गया। र तिनुहरुले सबाघर भित्‍त यइथो किसिमले बोल्‍या, कि ताँइ भया मथ्थै यहुदिहरु र अरु जातिका मान्‍ठहरुले पुनि प्रभु इसु ख्रिस्‍टमै बिसास गर्‍या।

प्रेरित 16:13

अनि पट्‌याइ मान्‍या दिनमै सहरको धेलाबाट बाइर आयौं र नदिका छाइलति प्रार्थना गन्‍न्‍या ठौर छ कि भुनि स्‍हुच्‍या छियौं, र ताँइ भित्‍त पस्‍यौं तब ताँइ जुम्‍मा भयाइ स्‍हैनिहरुस्‍हात कुडा गर्न लाग्‍यौं।

प्रेरित 17:10

पावल र सिलासकन प्रभुमै बिसास गन्‍न्‍या दाजुभाइहरुले राता रात बेरिया सहरमै पठाया। अनि तिनुहरु बेरियामै पुग्‍यापछि यहुदिहरुको सबाघर भित्‍त पस्‍या।

प्रेरित 17:17

तेइबिअ पावल यहुदिहरुको सबाघरमै गैइ परमेसोरकन मान्‍या मान्‍ठहरु, यहुदिहरु अनि बजारमै भेटिन्‍या मान्‍ठहरुस्‍हात दिनदिनै खल गद्‍दाछिया।

प्रेरित 17:2

अनि आम्‍नो आदत उन्‍सार पावल सबाघर भित्‍त गया, र तिन हप्‍तास्‍हुम्‍म पट्‌याइ मान्‍न्‍या दिनहरुमै धर्मसास्‍तरमै लेखिया कुडाहरुको बार्‍यामै तिनुहरुस्‍हात खल गरिरया।

प्रेरित 18:19

तिनुहरु एफिससमै पुग्‍यापछि, पावलले प्रिस्‍किला र अकिलासकन ताँइ छोडि, आपु मात्‍तै सबाघरमै पस्‍यार यहुदिहरुस्हात खल गन्‍न लाग्‍या।

प्रेरित 18:4

पावल पट्‌याइ मार्‌न्‍या दिनमै जैले पुनि सबाघरमै गैइ यहुदिहरु र ग्रिकहरुकन इसुको बार्‍यामै बुजाउन कोसित गद्‍दाछिया।

प्रेरित 19:8

पावल सबाघरमै जाँदै तिन मुइनास्हम्‍म भेइ नमानि परमेसोरको राज्‍याको बार्‍यामै राम्‍मरि बुजुन भुनि मान्‍ठहरुकन सिकाया।

प्रेरित 8:36

अनि तिनुहरु बाटामै जानाजनै पानि भया ठौरति पुग्‍या। तब तेइ नपुंसकले भुन्‍यो, “हेर, नेइति पानि रैछ, मुकन बप्‍तिस्‍मा ल्‍हिनबाट क्‍याले रोक्‍न स्‍हक्‍छ?”

प्रेरित 8:37

[फिलिपले भुन्‍यो, “यति पुरै हिर्दयाले बिसास गद्‌दाछौ भुन्‍या तुमिले बप्‍तिस्‍मा ल्‍हिन स्‍हक्‍छौ।” नपुंसकले जबाक दियो, “इसु ख्रिस्‍टनै परमेसोरका छोरा हुन् भुनि मु बिसास गद्‌दोछु।”]

प्रेरित 9:22

तर साउल झनझन सक्‍तिसालि हुनै गयो र इसु नै ख्रिस्‍ट हुन् भुन्‍न्‍या प्रमान दिया हुनाले दमस्‍कसमै रन्‍या यहुदिहरुले केइ पुनि जबाक दिन स्‍हक्‍यानुन्।