प्रेरित 5:26 - जुम्‍ली

²⁶ यइ स्‍हुन्‍यार सिपाइहरुस्‍हात मुन्‍दिरको चौकिदार्‍याका कप्‍तान गया र मुख्‍य चेलाहरुकन जबजस्‍ति नगरिकन ल्‍याया, क्‍यानभुन्‍या मान्‍ठहरुले तिनुहरुकन ढुङ्‍गाले हान्‍नाछुन् कि भुनि तिनुहरुले भेइ मान्‍या।

प्रेरित 5:26 Iomraidhean Croise

लुका 20:19

तब धर्मगुरुहरु र मुख्‍य पुजारिहरुले तेइबेला इसुकन पक्डुन खोज्‍या। क्‍यानभुन्‍या तिनुहरुकन थाँ छियो कि यइ उखान तिनुहरुकै बिरोदमै भुन्‍न्‍याछिया तर तिनुहरु मान्‍ठहरु स्‍हात भेइ मान्‍ना छिया।

लुका 20:6

‘मान्‍ठबाट भुनौ भुन्‍या’ मान्‍ठहरुले हामिकन ढुंगाले हानि मार्‌न्‍या छुन् क्‍यानकि युहन्‍ना परमेसोरका रैबार्‍या हुन भुनि तिनुहरुको पक्‍का बिसास छियो।”

लुका 22:2

अनि मुख्‍य पुजारिहरु र धर्मगुरुहरुले इसुकन क्‍यागरि मारौं भुनि मौका खोज्‍या छिया, तर तिनुहरु मान्‍ठदेखि भेइ मान्‍दाछिया।

लुका 22:4

तेइले मुख्‍य पुजारिहरु र मुन्‍दिरका चौकिदार्‍या हाकिमति गइ इसुकन कस्‍हरि पक्‍डन्‍या भुनि स्‍हल्‍ला गर्‍यो।

प्रेरित 4:21

तिनुहरुले दण्‍ड दिन्‍या केइ जुक्‍ति नपाइ पत्‍तुरुस र युहन्‍नाकन अझ भौति धुम्‍कायर छोडिदिया, क्‍यानभुन्‍या ताँइ अचुम्‍मको काम भया हुनाले स्‍हबै मान्‍ठहरुले परमेसोरको गुणगान गरिरया छिया।

प्रेरित 5:13

तर परमेसोरकन बिसास नगन्‍न्‍यामद्‌दि कोइले पुनि तिनुहरुस्‍हात मिल्‍न्‍या आँट गर्‍यानुन्, तर पुनि मान्‍ठहरुले तिनुहरुकन मान गद्‌दाछिया।

प्रेरित 5:22

तर सिपाइहरुले झ्‍यालखानमै मुख्‍य चेलाहरुकन भेटायानुन् र फर्कि आयार यइथो रैबार दिया,

प्रेरित 5:24

मुन्‍दिरका चौकिदार्‍याको कप्‍तान र मुख्‍य पुजारिहरुले यइ खबर स्‍हुन्‍यापछि, यिँ स्‍हबै क्‍या हुन्‍या हो भुनि तिनुहरु मुख्‍य चेलाहरुको बार्‍यामै अलमलमै पड्‍या।

प्रेरित 5:25

तर तेइबेला एकजुना मान्‍ठ आयोर भुन्‍यो, “हेर, तुमिहरुले जो मान्‍ठहरुकन झ्‍यालखानमै राख्‍याछियौं तिनुहरु मुन्‍दिरमै ढुकेर मान्‍ठहरुकन सिच्‍छ्‍या दिनैछुन्।”