प्रेरित 3:6 - जुम्‍ली

⁶ अनि पत्‍तुरुसले भुन्‍या, “मु स्‍हात सुन चाँदि नाइ। तर ज्‍या मु स्‍हात छ, तेइ तोकन दिन्‍छु। नासरतका इसु ख्रिस्‍टको नाउँमै उठ र हँड्!”

प्रेरित 3:6 Iomraidhean Croise

मर्कुस 14:8

यइ स्‍हैनिले ज्‍या गन्‍न स्‍हक्‍तिछि तेइ गर्‍याइछ। यइले मेरो हड गाड्नका बिअ अगाडिबाटै बास आउन्‍या चोखो घसिकन तैयार गर्‍याइछ।

मर्कुस 16:17

अनि बिसास गन्‍न्‍याहरु स्‍हात यि चिनारिहरु हुन्‍याछुन्— मेरो नाउँमै तिनुहरुले भुत धपाउन्‍याछुन्, र तिनुहरुले नौला भासाहरुमै बोल्‍ल्‍याछुन्,

प्रेरित 10:38

परमेसोरले नासरतका इसुकन पबित्‍त आत्‍मा र सक्‍तिले अबिसेक गर्‍या, अनि इसुले राम्‍मा राम्‍मा काम गद्‌दै र सैतानबाट दुख पायाहरुकन भलो पाड्‌डै गया, क्‍यानभुन्‍या परमेसोर इसुस्‍हातै छिया।

प्रेरित 16:18

तेइबिअ मथ्‍थै दिनस्‍हम्‍म तेइ टोक्‍यानिले तेइथै गरिरै अनि पावलले झिजो मानि फन्‍क्‍क फर्क्‍यार तेइ नराम्‍मा आत्‍माकन भुन्‍या, “इसु ख्रिस्‍टको नाउमै तो तेइ टोक्‍यानिबाट निस्‍कि जा।” अनि दुस्‍टआत्‍मा तुरुन्‍तै तेइकन छोडि गयो।

प्रेरित 2:22

“इस्राएलका मान्‍ठौ, मेरा कुडा स्‍हुन, नासरतका इसु यइथा मान्‍ठछिया, जैकन परमेसोरले सक्‍तिसालि कामहरु, अचुम्‍मका कामहरु र चिनारिहरुबाट तुमिहरुका अगाडि छर्लङ्‍गै पाड्‍या। तुमिहरुकन थाँ है छ कि परमेसोरले तुमिहरुका म्‍हाँजौनो यिँ कामहरु इसुबाट गर्‍याहुन्।

प्रेरित 2:36

“तेइबिअ इस्राएलका स्‍हबै झानले यइ स्‍हाँच्‍चै जान्‍नु पड्‌छ, कि तुमिहरुले क्रुसमै मार्‍या इसुकनै परमेसोरले प्रभु र मुक्‍तिदिन्‍या ख्रिस्‍ट बुनाया।”

प्रेरित 3:16

इसुको नाउँमै गर्‍या बिसासले गद्‌दा तुमिहरुले रया यइ मान्‍ठ बलियो भयो। यइ मान्‍ठले इसुकन बिसास गर्‍या हुनाले तुमिहरुका अगाडि पुरै भलो भया तुमिहरुले देख्‍या र जान्‍याकै छौ।

प्रेरित 3:5

यइ स्‍हुनेर कुज्‍याले तिनुहरुबाट केइ पाउन्‍छुकि भुनि तिनुहरुकन हेर्‍याहेर्‍याइ गर्‍यो।

प्रेरित 3:7

तब पत्‍तुरुसले कुज्‍याको दाइन्‍या हात स्‍हुमात्‍या र तेइकन उठाया, र तुरुन्‍तै तेइखा खुट्‍टाहरु र घुँडा मुडामै तागत आयो।

प्रेरित 4:10

तुमिहरु स्‍हबैकन र इस्राएलका स्‍हबै मान्‍ठहरुकन थाँ होस्‌, कि तुमिहरुले क्रुसमै टाँग्‍यर मार्‍या र परमेसोरले मर्‍याबाट ज्‍युँदो पाड्‍या नासरतका इसु ख्रिस्‍टको नाउँमै यइ मान्‍ठ तुमिहरुका अगाडि पुरै भलो भइ उठ्‌याछ।

प्रेरित 4:7

तिनुहरुले पत्‍तुरुस र युहन्‍नाकन सबाका अगाडि उभ्‍यायर स्‍होद्‍पुछ गर्‍या, “तुमिहरुले क्‍या सक्‍तिले या कैको नाउँमै यइथो काम गर्‍या हौ?”

प्रेरित 9:34

पत्‍तुरुसले तेइकन भुन्‍या, “याइ एनियास, तोकन इसु ख्रिस्‍टले भलो गर्‍याछुन्, उठ्‍ र आम्‍नो ओच्‍छ्‌यान उठा।” अनि तेइ तुरुन्‍तै उठ्‌यो।