प्रेरित 3:26 - जुम्‍ली

²⁶ तुमिहरु स्‍हबैकन आम्‍ना पापबाट फर्कायर असिपात दिन परमेसोरले आम्‍ना सेबक इसु ख्रिस्‍टकन छानि स्‍हबै भुन्‍दा पैला तुमिहरुति पठाया।”

प्रेरित 3:26 Iomraidhean Croise

लुका 24:47

अनि इसुको नाउँमै पछ्‍ताप र पाप माफको बारेमै यरुसलेमबाट सुरु गरि स्‍हबै देसका मान्‍ठहरुकन प्रचार हुनुपड्‌छ।

प्रेरित 1:8

तर पबित्‍त आत्‍मा तुमिहरुमै आयापछि तुमिहरुले सक्‍ति पाउन्‍याछौ, र तुमिहरु यरुसलेममै, पुरै यहुदियामै, सामरियामै र धत्‍तिको उन्‍तिम छेउस्‍हम्‍मै मेरा बार्‍यामै भुन्‍न्याछौ।”

प्रेरित 13:26

“या, अब्राहामका स्‍हुन्‍तान र परमेसोरको भेइ मान्‍न्‍या अरु जातिहरु हो, यइ मुक्‍तिको रैबार हामि स्‍हबैका निम्‍ति परमेसोरले पठाया हुन्।

प्रेरित 2:24

इसुकन परमेसोरले मित्‍युको दुखबाट छुटाया र ज्‍युँदो गर्‍या। क्‍यानकि मित्‍युले इसुकन कब्‍जामै राखिरन सुम्‍भब छियोन।

प्रेरित 2:32

यिँ इसुकन परमेसोरले ज्‍युँद्‌याया। यइ कुडाका हामि स्‍हबै स्‍हाँचि छौं।

प्रेरित 26:20

अनि पैला दमस्‍कस र यरुसलेममै र सारा यहुदिया देसभरि बैन्‍याहरु, र परमेसोरकन बिसास नगन्‍न्‍या जातिहरुकन पुनि पछ्‍ताप गरि परमेसोरतिर फर्क र परमेसोरति फर्क्‍य हुँ भुनि प्रमाण आपुले गर्‍या कामबाट देखाउनु पड्‌छ भुन्‍दै सिकायाँ।

प्रेरित 3:13

तेइथो हैन, हाम्‍मा पुर्खा अब्राहाम, इसाक र याकुबका परमेसोरले नै आम्‍नो सेबक इसुकन मान गर्‍या, तर तुमिहरुले पक्‍डाइ दियौं, र पिलातसले इसुकन छोडिदिन्‍या बिचार गर्‍या पुनि तुमिहरुले नछोड्‌न्‍या भुन्‍यौ।

प्रेरित 3:15

र जिबन दिन्‍याकन तुमिहरुले मार्‍यौं, जैकन परमेसोरले मर्‍याबाट ज्‍युँद्‍याया, यइखो स्‍हाँचि हामि छौ।

प्रेरित 3:20

अनि परमेसोरले तुमिहरुका निम्‍ति अगाडिबाटै छान्‍या मुक्‍तिदिन्‍या ख्रिस्‍टकन फेरि पठाइ दिन्‍याछुन्। तियैँ इसु हुन्।

प्रेरित 3:22

मोसाले भुन्‍याछिया, ‘परमप्रभु परमेसोरले मुकन छान्‍या जैथै तुमिहरुका दाजु भाइहरुका म्‍हाँजौनोबाट एकजुना परमेसोरका रैबार्‍या तुमिहरुका निम्‍ति छान्‍न्‍याछुन्। परमेसोरको रैबार्‍याले तुमिहरुकन ज्‍या ज्‍या भुन्‍न्‍याछुन् तिँ स्‍हबै कुडा तुमिहरुले मान्‍नै पड्‌छ।

प्रेरित 3:25

परमेसोरका रैबार्‍याहरुबाट दिया उनुका कबुलहरु तुमिहरुकै निम्‍ति हुन। अनि परमेसोरले तुमिहरुका जिजुबाज्‍याहरु स्‍हात बान्‍या कबुल पुनि तुमिहरुकै निम्‍ति हो। अनि परमेसोरले हाम्‍मा जिजुबाज्‍या अब्राहामकन भुन्‍या, ‘तुम्‍मा स्‍हुन्‍तानबाट धत्‍तिका स्‍हबै झानले असिपात पाउन्‍याछुन।’