प्रेरित 28:20 - जुम्‍ली

²⁰ यइ कुडा बुजाउन र तुमिहरुस्‍हात भेट गन्‍नका निम्‍ति मोइले तुमिहरुकन नेइ घोइराया हुँ। हामि इस्राएलिहरुले आस गर्‍या मुक्‍तिदिन्‍या राजाको निम्‍ति नै मु यइ स्‍हाँङ्‌लाले बानियाछु।”

प्रेरित 28:20 Iomraidhean Croise

प्रेरित 10:29

यइबिअ डाक्‍ना बित्‍तिकै केइ अप्‍ठारो नमानि मु तुमिहरुति आयाँ अब भुन, तुमिहरुले मुकन क्‍यान डाक्‍यौं?”

प्रेरित 10:33

तेइपछि मोइले तुरुन्‍तै तुमिकन डाक्‍न मान्‍ठ पठायाँ, र तुमि हाम्‍मा निम्‍ति दुख गरेर आयौ। अब प्रभुले तुमिकन क्‍या भुन्‍न्‍या आग्‍या दियाछुन् तेइ कुडा स्‍हुन्‍न हामिहरु परमेसोरको अगाडि तैयार भयाछौ।”

प्रेरित 21:33

तब ति सेनापति पावलको काखति आइकन स्हुमात्‍यार दुइ स्‍हाँङ्‌लाले तिनुकन बान्‍न्‍या हुकुम दिया। यइ मान्‍ठ को हो र यइले क्या गर्‍यो भुनि स्होद्‍या।

प्रेरित 23:6

अनि तेइ ठुलो सबामै एक दल सदुकि र फरिसिहरु रैछुन् भुन्‍या थाँ पायार पावलले ठुलै डाको गाडि भुन्‍या, “दाजुभाइहरु औ, मु त फरिसिको छोरो फरिसि नै हुँ। मर्‍या मान्‍ठहरु फेरि ज्‍युँदा हुन्‍छन् भुन्‍या कुडामै आसा र बिसास गर्‍या हुनाले मेरो मुद्‍दा चलिरयाछ।”

प्रेरित 24:15

अनि धर्मि र पापि मान्‍ठहरु दुबै मरि स्हक्यापछि फेरि ज्‍युँदिन्‍छन् भुनि यिनुहरु आपैले मुन्‍जुर गर्‍या जैथै मु पुनि परमेसोरमै आसा राख्‍छु।

प्रेरित 26:29

पावलले भुन्‍या, “अइले होस्‌ या पछि, तुमि र आज मेरा कुडा स्‍हुन्‍न्‍या जति स्‍हबै मु जैथै हुन् भुनि परमेसोरस्‍हात प्रार्थना गद्‍दोछु, तर मु जैथै कैदि हुनु नपडेस्।”

प्रेरित 28:17

तिन दिनपछि पावलले यहुदिहरुका अगुवाहरुकन घोइर्‍या। अनि तिनुहरु जुम्‍मा भयापछि पावलले तिनुहरुकन भुन्‍या, “दाजुभाइ यौं, मोइले त आम्‍नो देसका मान्‍ठहरु, या जिजुबाज्‍याका रितिथितिका बिरुद्‌दमै केइ काम गर्‍या छिइन। तापुनि मुकन यरुसलेममै पक्‍डेर बन्‍दि बुनाइ रोमिहरुका हातमै स्‍हुम्‍पियाछ।

२ तिमोथि 1:10

तर मुक्‍तिदिन्‍या ख्रिस्‍ट इसु आयार तेइ अनुग्र हामिकन देखाया। इसुले मित्‍युकन नास पारि अजम्‍बरि जिबनकन राम्‍मो रैबारबाट देखाया।

२ तिमोथि 2:9

तेइ राम्‍मो रैबार स्‍हुनाया हुनाले मोइले जात्‍ति दुख पाइरयाछु र अपरादिका जैथै स्‍हाङ्‌लाले बानियाँछु। तर परमेसोरका बचन स्‍हाङ्‌लाले बानिदैनुन्।