प्रेरित 25:25 - जुम्‍ली

²⁵ तर मोइले यइकन मान्‍न्‍या लायकको केइ दोस नदेख्‍या हुनाले र यइ आपैले पुनि राजाति बिन्‍ति गर्‍या हुनाले मोइले यइकन तिनुति पठाउन्‍या पक्‍का गर्‍याछु।

प्रेरित 25:25 Iomraidhean Croise

लुका 23:14

पिलातसले तिनुहरुकन भुन्‍या, “तुमिहरुले मान्‍ठहरुकन यइ मान्‍ठले भड्‌कायो भुनि, यिनुकन मेरो अगेडि ल्‍यायौ। तर तुमिहरुकै अगेडि स्‍होद्‍दा, तुमिहरुले लाया दोस यिनुमै मोइले केइ पुनि भेटाइन।

लुका 23:4

तब पिलातसले मुख्‍य पुजाहारिहरु र भिडहरुकन भुन्‍या, “मु यि मान्‍ठले केइ नराम्‍मो काम गर्‍या फेलापाड्‌डैन।”

प्रेरित 23:29

तिनुहरुले यइ मान्‍ठकन तिनुहरुकै धार्मिक अइनका बार्‍यामै दोस लाया रैछुन्। तर यइ मान्‍ठकन मार्न्‍या लायकको र झ्‍यालखानामै थुन्‍नु पड्‌न्‍या दोस मोइले केइ पुनि पाइन।

प्रेरित 23:9

तेइबिअ ताँइ ठुलो हल्‍ला मच्‍चियो, र फरिसि दलका कोइ धर्मगुरुहरु उठ्‍यार यइथो भुन्‍दै बिरोद गन्‍न लाग्‍या, “हामिले त यइ मान्‍ठमै केइ पुनि दोस देख्‍तौनौ। यति आत्‍मा या सोर्गका रैबार्‍याले नै भुन्‍या हुन् भुन्‍या क्‍या भयो त?”

प्रेरित 25:26

तर यइको बार्‍यामै मोइले मेरा राजाकन लेख्‍न्‍या मुख्‍य कुडा केइनाइ। यइबिअ मोइले यइकन तुमिहरुका अगाडि, र खास गरेर, हे राजा अग्रिपास, तुम्‍मो अगाडि ल्‍यायाछु। र हामिले यइको जाँच गर्‍यापछि सायद मोइले केइ लेख्‍न्‍या कुडा पाउन्‍याछु।

प्रेरित 26:31

अनि तिनुहरु बाइर निस्‍क्‍यापछि आपु आपु यइथोगरि कुडा गन्‍न लाग्‍या, “यइ मान्‍ठले मारि पाउन्‍या या झ्‍यालखाना जान्‍या लायकको काम केइ गर्‍यानाइ।”

प्रेरित 27:1

हामि पानिझाँजमै चडि इटालिया जानुपड्‌छ भुन्‍न्‍या निदो गर्‍यापछि तिनुहरुले पावल र अरु कैदिहरुकन राजा अगस्‍टसका सिपाइ युलियस नाउँ गर्‍या कप्‍तानका जुम्‍मा लाइदिया।

प्रेरित 28:18

तिनुहरुले छानपिन गर्‍यापछि मुकन मार्‌न्‍या जैथै केइ दोस नभेटाउँदा छोडिदिन्‍या मुन गर्‍या छिया।