प्रेरित 24:21 - जुम्‍ली

²¹ तिनुहरुले मुकन एक कुडामै मात्‍तै दोस लाउन स्हक्‍न्‍याछुन। तेइ क्‍या हो भुन्‍या, ‘मर्‍या मान्‍ठ फेरि ज्‍युँदिन्‍याछुन् भुन्‍न्‍या बार्‍यामै मोइले तिनुहरुका म्हाँजौनो ढुकि कोक्‍काउँदै भुन्‍याँ छियाँ, आज तुम्‍मा साम्‍न्‍या यइको मुद्‍दा चलिरयाछ।’”

प्रेरित 24:21 Iomraidhean Croise

प्रेरित 23:6

अनि तेइ ठुलो सबामै एक दल सदुकि र फरिसिहरु रैछुन् भुन्‍या थाँ पायार पावलले ठुलै डाको गाडि भुन्‍या, “दाजुभाइहरु औ, मु त फरिसिको छोरो फरिसि नै हुँ। मर्‍या मान्‍ठहरु फेरि ज्‍युँदा हुन्‍छन् भुन्‍या कुडामै आसा र बिसास गर्‍या हुनाले मेरो मुद्‍दा चलिरयाछ।”

प्रेरित 24:15

अनि धर्मि र पापि मान्‍ठहरु दुबै मरि स्हक्यापछि फेरि ज्‍युँदिन्‍छन् भुनि यिनुहरु आपैले मुन्‍जुर गर्‍या जैथै मु पुनि परमेसोरमै आसा राख्‍छु।

प्रेरित 28:20

यइ कुडा बुजाउन र तुमिहरुस्‍हात भेट गन्‍नका निम्‍ति मोइले तुमिहरुकन नेइ घोइराया हुँ। हामि इस्राएलिहरुले आस गर्‍या मुक्‍तिदिन्‍या राजाको निम्‍ति नै मु यइ स्‍हाँङ्‌लाले बानियाछु।”

प्रेरित 4:2

तिँ दुइ मुख्‍य चेलाहरुले इसु मर्‍याबाट ज्‍युँदियाछुन्, तेइबिअ अरु मर्‍या मान्‍ठहरु पुनि ज्‍युँदिन्‍छन् भुनि प्रचार गर्‍या हुनाले सदुकिहरु जात्‍ति झोकाया।