प्रेरित 24:1 - जुम्‍ली

¹ पाँच दिनपछि ठुला पुजारि हननिया र केइ यहुदि अगुवाहरु तर्तुल्‍लस नाउँ भया एक जुना ओक्‍किलस्हात कैसरियामै आया, र तिनुहरुले पावलको बिरोदमै हाकिमको अगाडि मुद्‌दा हाल्‍या।

प्रेरित 24:1 Iomraidhean Croise

प्रेरित 12:21

अनि तोक्‍या दिनमै हेरोदले राजाको लाउन्‍या टाला लाइकन मान्‍ठहरुका अगाडि राजगद्‌दिमै बसेर अरु मान्‍ठहरुकन सिछ्‌या दिया।

प्रेरित 21:27

भाकल गर्‍या सात दिन पुरा हुन लाग्‍या छियो, तेइबेला एसिया ठौरा यहुदिहरुले पावलकन मुन्‍दिरमै देख्यार स्हबै मान्ठहरुको भिडकन उस्कायार पावलन पक्‍ड्‌या।

प्रेरित 23:2

यइ कुडा स्‍हुन्‍यार ठुला पुजारि हननियाले पावलका काखति ढुक्याहरुकन तिनुका मुखमै हान्‍न्‍या हुकुम दिया।

प्रेरित 23:24

अनि पावलकन चड्‍न्‍या घोडो पुनि स्‍हत्‍याइ राख, र तिनुकन राम्‍मोगरि जगाइकन ठुलो हाकिम फेलिक्‍सति ल्‍हेउ।”

प्रेरित 23:30

अनि यइ मान्‍ठको बिरोदमै सड्‌यान्‍त हुँदैछ भुन्‍न्‍या कुडाको रैबार पायाँ, तेइबिअ यइ मान्‍ठकन स्‍हाँट्‍टै तुमिति पठायाछु, र यइको बिरोदमै दोस लाउन्‍याहरुकन पुनि तुम्‍मो अगाडि बयान दिनु भुनि आदेस गर्‍याछु।”

प्रेरित 23:33

घोडा चड्‌न्‍या सिपाइहरु कैसरिया पुग्‍यापछि तिनुहरुले ठुला हाकिमकन चिठिक बुजाइ पावलकन पुनि तिनुका अगाडि जुम्‍मा लाया।

प्रेरित 23:35

“तुमिकन आरोप लाउन्‍याहरु आयापछि तुम्‍मो कुडा स्‍हुन्‍याछु।” अनि तिनुले हेरोदले बुनाया दरबारमै पावलकन रेखदेख गन्‍नु भुनि हुकुम गर्‍या।

प्रेरित 24:11

मु यरुसलेममै आराधना गन्‍न गया बार दिन भुन्‍दा बडि भया नाइ। यइ कुडा तुमिले स्‍हाट्‍टै पत्‍ता लाउन स्‍हक्‍छौ।

प्रेरित 24:2

अनि पावलकन ठुला हाकिमति ल्यायापछि तर्तुल्‍लसले पावलकन दोस लाउँदै यइथो भुन्‍यो, “हाम्मा मान्‍न्‍या गुन्‍य फेलिक्स, तुमिबाट हामिले मथ्थै सान्‍ति पायाछौं, र तुमिले यइ जातिको निम्‍ति सप्पा काम गर्‍याछौं।

प्रेरित 25:15

जैखो बार्‍यामै मु यरुसलेममै हुँदा मुख्‍य पुजारिहरु र यहुदिहरुका अगुवाहरुले तेइको बिरुद्‌दमै आरोप लायर तेइकन डण्‍ड दिनुपड्‌छ भुनि बिन्‍ति गर्‍या छिया।

प्रेरित 25:2

ताँइ मुख्‍य पुजारिहरु र यहुदिहरुका मुख्‍य मान्‍ठहरुले पावलको बिरुद्‌दमै दोस लाया।