प्रेरित 23:9 - जुम्‍ली

⁹ तेइबिअ ताँइ ठुलो हल्‍ला मच्‍चियो, र फरिसि दलका कोइ धर्मगुरुहरु उठ्‍यार यइथो भुन्‍दै बिरोद गन्‍न लाग्‍या, “हामिले त यइ मान्‍ठमै केइ पुनि दोस देख्‍तौनौ। यति आत्‍मा या सोर्गका रैबार्‍याले नै भुन्‍या हुन् भुन्‍या क्‍या भयो त?”

प्रेरित 23:9 Iomraidhean Croise

मर्कुस 2:16

इसु पापिहरु र तिरो उठाउन्‍याहरु स्‍हात खाइरया देख्‍यार फरिसि दलका धर्मगुरुहरुले इसुका चेलाहरुकन भुन्‍या, “तिँ क्‍यान तिरो उठाउन्‍याहरु र पापिहरु स्‍हात बसिकन खान्‍छुन्?”

लुका 23:22

फेरि तेर्स्होचोटि पिलातसले तिनुहरुकन भुन्‍या, “क्‍यान? यिँनुले क्‍या अपराद गर्‍या छुन र? मोइले यिनुकन मार्‌न्‍या दन्‍ड दिन्‍या केइ दोस फेलापारिन यइबिअ मु यिनुकन कोर्रा लाइकन छोडिदिन्‍याछु।”

लुका 23:4

तब पिलातसले मुख्‍य पुजाहारिहरु र भिडहरुकन भुन्‍या, “मु यि मान्‍ठले केइ नराम्‍मो काम गर्‍या फेलापाड्‌डैन।”

लुका 5:30

फरिसि र तिनुहरुका धर्मगुरुहरुले इसुका चेलाहरुकन किच्‌किच् गद्‌दै भुन्‍या, “तुमिहरु तिरो उठाउन्‍या र अरु पापि स्‍हात क्‍यान खानपिन गद्‌दाछौ?”

प्रेरित 11:17

प्रभु इसु ख्रिस्‍टकन बिसास गद्‌दा परमेसोरले हामिकन पबित्‍त आत्‍माको बरदान दिया, तिनुहरुकन पुनि तेइ बरदान दियापछि परमेसोरकन रोक्‍न स्‍हक्‍न्‍या मु को हुँ र?”

प्रेरित 22:6

“मु दमस्कसति पुग्‍न लाग्‍दा मद्‍दि दिउस भयाछियो, तेइबेला एक्‍कासि सरगबाट ठुल्‍लै उज्‍यालो मेरो ओरिपोरि चुम्‍क्‍यो।

प्रेरित 22:7

मु भुइयौनि ढल्‍याँ, अनि मोइले यइथो भुन्‍या डाको स्हुन्‍या, ‘साउल, याइ साउल, तो मोकन क्यान दुख दिन्छै?’

प्रेरित 23:29

तिनुहरुले यइ मान्‍ठकन तिनुहरुकै धार्मिक अइनका बार्‍यामै दोस लाया रैछुन्। तर यइ मान्‍ठकन मार्न्‍या लायकको र झ्‍यालखानामै थुन्‍नु पड्‌न्‍या दोस मोइले केइ पुनि पाइन।

प्रेरित 23:8

क्‍यानकि सदुकिहरु भुन्‍नाछुन् कि, मर्‍याबाट फेरि ज्‍युँदिदैनुन्, सोर्गका रैबार्‍या, र आत्‍माहरु भुन्‍न्‍या केइ पुनि नाइ। तर फरिसिहरु तिँ कुडामै बिसास गद्‌दाछुन्।

प्रेरित 25:25

तर मोइले यइकन मान्‍न्‍या लायकको केइ दोस नदेख्‍या हुनाले र यइ आपैले पुनि राजाति बिन्‍ति गर्‍या हुनाले मोइले यइकन तिनुति पठाउन्‍या पक्‍का गर्‍याछु।

प्रेरित 26:31

अनि तिनुहरु बाइर निस्‍क्‍यापछि आपु आपु यइथोगरि कुडा गन्‍न लाग्‍या, “यइ मान्‍ठले मारि पाउन्‍या या झ्‍यालखाना जान्‍या लायकको काम केइ गर्‍यानाइ।”

प्रेरित 27:23

क्‍यानभुन्‍या मु परमेसोरको मान्‍ठ हुँ। मु तिनुको आराधना गद्‌दोछु। तिनुका एक रैबार्‍या आज रात मेरो काखति उबिया,

प्रेरित 5:39

तर यति यइ परमेसोरबाट हो भुन्‍या त तुमिहरुले मान्‍ठहरुकन रोक्‍न स्‍हक्‍न्‍यानाइ। नतर तुमिहरुले परमेसोरको बिरोद गर्‍या ठरिन्‍याछौ।”

प्रेरित 9:4

अनि साउल भुइँमै ढल्‍यो, र तेइले यइथो भुन्‍न्‍या डाको स्‍हुन्‍यो, “साउल, साउल, तो मुकन क्‍यान दुख दिन्‍छै?”