प्रेरित 23:6 - जुम्‍ली

⁶ अनि तेइ ठुलो सबामै एक दल सदुकि र फरिसिहरु रैछुन् भुन्‍या थाँ पायार पावलले ठुलै डाको गाडि भुन्‍या, “दाजुभाइहरु औ, मु त फरिसिको छोरो फरिसि नै हुँ। मर्‍या मान्‍ठहरु फेरि ज्‍युँदा हुन्‍छन् भुन्‍या कुडामै आसा र बिसास गर्‍या हुनाले मेरो मुद्‍दा चलिरयाछ।”

प्रेरित 23:6 Iomraidhean Croise

प्रेरित 22:3

पावलले भुन्‍या, “मु किलिकिया इलाका टार्सस सहरमै जुन्‍मिया एक यहुदि हुँ, तर यइ सहरमै गमलिएलको चेला भयर हुर्किया हुँ। हाम्‍मा बाउ बाज्‍याले सिकाया धर्मसास्तरको अइनका कुडाहरु मोइले सप्‍पा गरि सिक्याछु। आज तुमिहरु जतिपुनि परमेसोरको कुडामै जोसिला भया छौ, मु पुनि तेइथै जोसिलो छिया।

प्रेरित 22:30

यहुदिहरुले पावलकन क्‍यान दोस लाया हुन भुन्‍न्‍या कुडा सेनापतिले थाँ पाउन्‍या इछ्‍या गर्‍या र छोडिदिया। अनि भोलिपल्‍ट तिनुले मुख्‍य पुजारिहरु र ठुलो सबाका स्‍हबै मान्‍ठहरुकन जुम्‍मा हुन्‍या आदेस दिया। पावलकन ल्‍हिइ स्‍हबैका अगाडि ढुकाया।

प्रेरित 22:5

मोइले गर्‍या काम स्‍हाँचो हो भुनि ठुला पुजारि र ठुलो सबाका स्हबै मान्‍ठहरुले मेरो स्‍हाँचि दिन्‍छुन्। तिनुहरुकै तर्फबाट यहुदि दाजुभाइहरुका नाउँमै पक्‍डुन्‍या पत्‍तर पाइ मु ताँइका बिसासिहरुकन पक्‍डेर यरुसलेममै ल्‍याइकन सजाय दिन दमस्‍कसमै गयाछियाँ।

प्रेरित 23:1

पावलले ठुलो सबाको चारैतिर हेर्‍या र भुन्‍या, “दाजुभाइहरु औ, आजको दिनस्‍हम्‍म परमेसोरको हेराइमै मोइले स्‍हुद्‍दो मुनले जिबन बितायाछु।”

प्रेरित 23:15

यइबिअ तुमिहरु र ठुलो सबाका मान्‍ठहरु मिलिकन सेनापतिकन भुन र पावलकन मथ्‍थै कुडा स्‍होद्‍पुछ गन्‍नुछ भुनि बाहाना बुनाइ तेइकन घोइराउ। अनि तेइ ठुला सबामै आउँदै गद्‍दा तेइकन बाटोमै मन्‍न्‍याछौं।”

प्रेरित 23:20

तेइ ठेटाले भुन्‍यो, “यहुदिहरुले पावलका बार्‍यामै झुन राम्‍मरि स्‍होद्‍न्‍या निउ गरि भोलि तेइकन ठुलो सबामै ल्‍याइदेउ भुनि तुमिस्‍हात बिन्‍ति गन्‍न्‍या निदो गर्‍याछुन्।

प्रेरित 23:7

पावलले यइथो भुन्‍यापछि फरिसि र सदुकिहरुस्‍हात झकडा भयो, र सबाघरका मान्‍ठहरु छुटिया।

प्रेरित 24:15

अनि धर्मि र पापि मान्‍ठहरु दुबै मरि स्हक्यापछि फेरि ज्‍युँदिन्‍छन् भुनि यिनुहरु आपैले मुन्‍जुर गर्‍या जैथै मु पुनि परमेसोरमै आसा राख्‍छु।

प्रेरित 24:21

तिनुहरुले मुकन एक कुडामै मात्‍तै दोस लाउन स्हक्‍न्‍याछुन। तेइ क्‍या हो भुन्‍या, ‘मर्‍या मान्‍ठ फेरि ज्‍युँदिन्‍याछुन् भुन्‍न्‍या बार्‍यामै मोइले तिनुहरुका म्हाँजौनो ढुकि कोक्‍काउँदै भुन्‍याँ छियाँ, आज तुम्‍मा साम्‍न्‍या यइको मुद्‍दा चलिरयाछ।’”

प्रेरित 28:20

यइ कुडा बुजाउन र तुमिहरुस्‍हात भेट गन्‍नका निम्‍ति मोइले तुमिहरुकन नेइ घोइराया हुँ। हामि इस्राएलिहरुले आस गर्‍या मुक्‍तिदिन्‍या राजाको निम्‍ति नै मु यइ स्‍हाँङ्‌लाले बानियाछु।”