प्रेरित 23:35 - जुम्‍ली

³⁵ “तुमिकन आरोप लाउन्‍याहरु आयापछि तुम्‍मो कुडा स्‍हुन्‍याछु।” अनि तिनुले हेरोदले बुनाया दरबारमै पावलकन रेखदेख गन्‍नु भुनि हुकुम गर्‍या।

प्रेरित 23:35 Iomraidhean Croise

प्रेरित 23:30

अनि यइ मान्‍ठको बिरोदमै सड्‌यान्‍त हुँदैछ भुन्‍न्‍या कुडाको रैबार पायाँ, तेइबिअ यइ मान्‍ठकन स्‍हाँट्‍टै तुमिति पठायाछु, र यइको बिरोदमै दोस लाउन्‍याहरुकन पुनि तुम्‍मो अगाडि बयान दिनु भुनि आदेस गर्‍याछु।”

प्रेरित 24:1

पाँच दिनपछि ठुला पुजारि हननिया र केइ यहुदि अगुवाहरु तर्तुल्‍लस नाउँ भया एक जुना ओक्‍किलस्हात कैसरियामै आया, र तिनुहरुले पावलको बिरोदमै हाकिमको अगाडि मुद्‌दा हाल्‍या।

प्रेरित 24:10

ठुला हाकिमले पावलकन बोल भुनि स्‍हान गर्‍यापछि पावलले भुन्‍या, “मथ्‍थै बर्स्‍हदेखि तुमि यहुदि जातिका न्‍यादिस भया कुडा थाँ छ, तेइबिअ तुम्मो अगाडि मेरो बयान दिन आँट आयाछ।

प्रेरित 24:19

तर ताँइ एसियाका कोइ कोइ यहुदिहरु छिया। मेरो बिरोदमै यति केइ कुडा छ भुन्‍या तिनुहरुले नै तुमिति आइकन उजुरि हाल्‍ल सक्‍ताछिया।

प्रेरित 24:22

यइ परमेसोरले दिन्‍या मुक्‍तिको बाटाका बार्‍यामै फेलिक्‍सकन राम्‍मरि थाँ छियो। उनुले यिँ कुडा स्‍हुन्‍यापछि तिनुहरुकन यइथो भुनि पठाया, “अब सेनापति लुसियस नेइ आयापछि मु तुमिहरुको मुद्‍दा छिनोफानो गरिदिन्‍याछु।”

प्रेरित 24:23

यति भुन्‍यार फेलिक्सले कप्‍तानकन हुकुम दिनै भुन्‍या, “पावलको राम्‍मरि हेर बिचार गन्‍नु र दुख पुनि नदिनु, अनि पावलकन चाइन्‍या कुडा ल्‍याइदिन्‍या स्‍हात्‍याहरुकन नथाम्‍नु।”

प्रेरित 25:16

तर मोइले तिनुहरुकन भुन्‍या, ‘मान्‍ठकन दोसि नठरायास्‍हम्‍म रोमि सरकारको डण्‍ड दिन्‍या चलन नाइ। दोसि ठराइया मान्‍ठले दोस लाउन्‍याका अगाडि आम्‍नो कुडा स्‍हुनाउन्‍या मौका पाउनु पड्‌छ।’