प्रेरित 23:30 - जुम्‍ली

³⁰ अनि यइ मान्‍ठको बिरोदमै सड्‌यान्‍त हुँदैछ भुन्‍न्‍या कुडाको रैबार पायाँ, तेइबिअ यइ मान्‍ठकन स्‍हाँट्‍टै तुमिति पठायाछु, र यइको बिरोदमै दोस लाउन्‍याहरुकन पुनि तुम्‍मो अगाडि बयान दिनु भुनि आदेस गर्‍याछु।”

प्रेरित 23:30 Iomraidhean Croise

प्रेरित 15:29

तिँ मुख्‍य कुडा यिँ हुन्, तुमिहरुले देउताकन बलि चडाया खान्‍या कुडा नखानु, रगत नपिनु, अनि घाँटि निमुठि मार्‍या पसुको सेकार नखानु र बेबिचार नगन्‍नु, यिँ कुडाहरु मान्‍यौ भुन्‍या तुमिहरुको राम्‍मो हुन्‍याछ। अनि हामिले भुन्‍न्‍या कुडा यिँ हुन् अब बिदा हुन्‍छौ जदेउ।”

प्रेरित 23:12

भोलिपल्‍ट छकलै यहुदिहरु जुम्‍मा भैइ पावलकन मार्न्‍या निदो गर्‍या। र तिनुहरुले पावलकन नमार्‍यास्‍हुम्‍म केइ नखान्‍या र नपिन्‍या भुनि किरिया खाया।

प्रेरित 23:20

तेइ ठेटाले भुन्‍यो, “यहुदिहरुले पावलका बार्‍यामै झुन राम्‍मरि स्‍होद्‍न्‍या निउ गरि भोलि तेइकन ठुलो सबामै ल्‍याइदेउ भुनि तुमिस्‍हात बिन्‍ति गन्‍न्‍या निदो गर्‍याछुन्।

प्रेरित 23:31

यइबिअ सेनापतिको आग्‍या पायापछि सिपाइहरुले पावलकन रातै भित्‍त एन्‍टिपाटिस सहरमै पिर्‍याया।

प्रेरित 23:35

“तुमिकन आरोप लाउन्‍याहरु आयापछि तुम्‍मो कुडा स्‍हुन्‍याछु।” अनि तिनुले हेरोदले बुनाया दरबारमै पावलकन रेखदेख गन्‍नु भुनि हुकुम गर्‍या।

प्रेरित 24:19

तर ताँइ एसियाका कोइ कोइ यहुदिहरु छिया। मेरो बिरोदमै यति केइ कुडा छ भुन्‍या तिनुहरुले नै तुमिति आइकन उजुरि हाल्‍ल सक्‍ताछिया।

प्रेरित 25:16

तर मोइले तिनुहरुकन भुन्‍या, ‘मान्‍ठकन दोसि नठरायास्‍हम्‍म रोमि सरकारको डण्‍ड दिन्‍या चलन नाइ। दोसि ठराइया मान्‍ठले दोस लाउन्‍याका अगाडि आम्‍नो कुडा स्‍हुनाउन्‍या मौका पाउनु पड्‌छ।’

प्रेरित 9:24

आपुकन मान्‍न्‍या कुडा साउलले थाँ पायो। अनि तिनुहरुले साउलकन मान्‍न रातदिन दमस्‍कस सहरका धेलाहरुमै ढुकिबस्‍या।