प्रेरित 22:30 - जुम्‍ली

³⁰ यहुदिहरुले पावलकन क्‍यान दोस लाया हुन भुन्‍न्‍या कुडा सेनापतिले थाँ पाउन्‍या इछ्‍या गर्‍या र छोडिदिया। अनि भोलिपल्‍ट तिनुले मुख्‍य पुजारिहरु र ठुलो सबाका स्‍हबै मान्‍ठहरुकन जुम्‍मा हुन्‍या आदेस दिया। पावलकन ल्‍हिइ स्‍हबैका अगाडि ढुकाया।

प्रेरित 22:30 Iomraidhean Croise

प्रेरित 21:11

तिँ परमेसोरका रैबार्‍या हामि भया ठौरमै आया र पावलको पाउडो ल्‍हिया र आम्‍नो हात खुट्‍टा बानिकन, भुन्‍या, “पबित्‍त आत्‍मा यइथो भुन्‍नाछुन, ‘यइ पाउडो जो मान्‍ठको हो, तेइकन यरुसलेममै यहुदिहरुले यइथैगरि बान्‍न्‍याछुन र अरु जातिहरुका हातमै स्हुम्‍पिदिन्‍याछुन्।’”

प्रेरित 21:33

तब ति सेनापति पावलको काखति आइकन स्हुमात्‍यार दुइ स्‍हाँङ्‌लाले तिनुकन बान्‍न्‍या हुकुम दिया। यइ मान्‍ठ को हो र यइले क्या गर्‍यो भुनि स्होद्‍या।

प्रेरित 22:5

मोइले गर्‍या काम स्‍हाँचो हो भुनि ठुला पुजारि र ठुलो सबाका स्हबै मान्‍ठहरुले मेरो स्‍हाँचि दिन्‍छुन्। तिनुहरुकै तर्फबाट यहुदि दाजुभाइहरुका नाउँमै पक्‍डुन्‍या पत्‍तर पाइ मु ताँइका बिसासिहरुकन पक्‍डेर यरुसलेममै ल्‍याइकन सजाय दिन दमस्‍कसमै गयाछियाँ।

प्रेरित 23:1

पावलले ठुलो सबाको चारैतिर हेर्‍या र भुन्‍या, “दाजुभाइहरु औ, आजको दिनस्‍हम्‍म परमेसोरको हेराइमै मोइले स्‍हुद्‍दो मुनले जिबन बितायाछु।”

प्रेरित 23:15

यइबिअ तुमिहरु र ठुलो सबाका मान्‍ठहरु मिलिकन सेनापतिकन भुन र पावलकन मथ्‍थै कुडा स्‍होद्‍पुछ गन्‍नुछ भुनि बाहाना बुनाइ तेइकन घोइराउ। अनि तेइ ठुला सबामै आउँदै गद्‍दा तेइकन बाटोमै मन्‍न्‍याछौं।”

प्रेरित 23:20

तेइ ठेटाले भुन्‍यो, “यहुदिहरुले पावलका बार्‍यामै झुन राम्‍मरि स्‍होद्‍न्‍या निउ गरि भोलि तेइकन ठुलो सबामै ल्‍याइदेउ भुनि तुमिस्‍हात बिन्‍ति गन्‍न्‍या निदो गर्‍याछुन्।

प्रेरित 23:28

अनि यइ मान्‍ठले क्‍या काम बिगाड्‍या रैछ भुनि बुइनाबिअ मोइले यइकन तिनुहरुको ठुला सबामै पुनि ल्‍हियाँ।

प्रेरित 23:6

अनि तेइ ठुलो सबामै एक दल सदुकि र फरिसिहरु रैछुन् भुन्‍या थाँ पायार पावलले ठुलै डाको गाडि भुन्‍या, “दाजुभाइहरु औ, मु त फरिसिको छोरो फरिसि नै हुँ। मर्‍या मान्‍ठहरु फेरि ज्‍युँदा हुन्‍छन् भुन्‍या कुडामै आसा र बिसास गर्‍या हुनाले मेरो मुद्‍दा चलिरयाछ।”

प्रेरित 26:29

पावलले भुन्‍या, “अइले होस्‌ या पछि, तुमि र आज मेरा कुडा स्‍हुन्‍न्‍या जति स्‍हबै मु जैथै हुन् भुनि परमेसोरस्‍हात प्रार्थना गद्‍दोछु, तर मु जैथै कैदि हुनु नपडेस्।”

प्रेरित 5:21

यइ स्‍हुन्‍यापछि तिनुहरु ब्‍यानै उज्‍यालो हुन्‍याबेला मुन्‍दिरमै गयार मान्‍ठहरुकन सिकाउन लाग्‍या। तेइबेला ठुला पुजारि र तिनुस्‍हात हुन्‍याहरु खेडिया अनि इस्राएलिहरुका स्‍हबै ठुला सबाका अगुवाहरुकन घोइर्‍याया। तेइपछि मुख्‍य चेलाहरुकन झ्‍यालखानबाट ल्‍याउन मान्‍ठहरु पठाया।