प्रेरित 22:1 - जुम्‍ली

¹ “या मेरा दाजु भाइहरु र बाबाहरु हौ, तुमिहरुको अगाडि मोइले भुन्‍नै पड्‌न्‍या कुडा भुन्‍न्‍याछु स्हुन।”

प्रेरित 22:1 Iomraidhean Croise

लुका 12:11

“जब तिनुहरुले तुमिहरुकन सबाघरहरुमै, सासन गन्‍न्‍याहरु र हाकिमहरुका अगेडि ल्‍याउन्‍छुन्, तब तुमिहरुले क्‍यारि र क्‍या जबाक दिन्‍या, या क्‍या भुन्‍नुपर्न्‍या हो, झर्को नमान,

लुका 21:14

यइबिअ आपुकन बचाउनको निम्‍ति क्‍या भुन्‍न्‍याभुनि आम्‍नो मुनौदो पैलै झर्को नमान।

प्रेरित 13:26

“या, अब्राहामका स्‍हुन्‍तान र परमेसोरको भेइ मान्‍न्‍या अरु जातिहरु हो, यइ मुक्‍तिको रैबार हामि स्‍हबैका निम्‍ति परमेसोरले पठाया हुन्।

प्रेरित 19:33

तेइपछि यहुदिहरुले भिडबाट अलेक्‍जेन्‍डर नाउँ भया मान्‍ठकन अगाडि ल्‍याया, र भैरया घटनाको बार्‍यामै भुन्‍न लाया। अलेक्‍जेन्‍डरले हातको स्‍हान गरि मान्ठहरुबाट आपु जोगिना बिअ केइ बोल्‍न खोज्‍या।

प्रेरित 23:1

पावलले ठुलो सबाको चारैतिर हेर्‍या र भुन्‍या, “दाजुभाइहरु औ, आजको दिनस्‍हम्‍म परमेसोरको हेराइमै मोइले स्‍हुद्‍दो मुनले जिबन बितायाछु।”

प्रेरित 23:6

अनि तेइ ठुलो सबामै एक दल सदुकि र फरिसिहरु रैछुन् भुन्‍या थाँ पायार पावलले ठुलै डाको गाडि भुन्‍या, “दाजुभाइहरु औ, मु त फरिसिको छोरो फरिसि नै हुँ। मर्‍या मान्‍ठहरु फेरि ज्‍युँदा हुन्‍छन् भुन्‍या कुडामै आसा र बिसास गर्‍या हुनाले मेरो मुद्‍दा चलिरयाछ।”

प्रेरित 24:10

ठुला हाकिमले पावलकन बोल भुनि स्‍हान गर्‍यापछि पावलले भुन्‍या, “मथ्‍थै बर्स्‍हदेखि तुमि यहुदि जातिका न्‍यादिस भया कुडा थाँ छ, तेइबिअ तुम्मो अगाडि मेरो बयान दिन आँट आयाछ।

प्रेरित 25:16

तर मोइले तिनुहरुकन भुन्‍या, ‘मान्‍ठकन दोसि नठरायास्‍हम्‍म रोमि सरकारको डण्‍ड दिन्‍या चलन नाइ। दोसि ठराइया मान्‍ठले दोस लाउन्‍याका अगाडि आम्‍नो कुडा स्‍हुनाउन्‍या मौका पाउनु पड्‌छ।’

प्रेरित 25:8

अनि पावलले तिनुहरुकन भुन्‍या, “मोइले न यहुदि धर्मसास्‍त्रको बिरोदमै, न मुन्‍दिरको बिरोदमै, न त रोमि म्‍हाँराजाको बिरुद्‌दमै केइ नराम्‍मा काम गर्‍याछु।”

प्रेरित 26:24

पावलले भुन्‍या यिँ कुडा स्‍हुनेर फेस्‍तसले ठुलो डाको गरि भुन्‍यो, “या पावल, तो बौला होइ, तेरा मथ्‍थै ग्‍यानले तोकन बौला बुनायाछ।”

प्रेरित 28:17

तिन दिनपछि पावलले यहुदिहरुका अगुवाहरुकन घोइर्‍या। अनि तिनुहरु जुम्‍मा भयापछि पावलले तिनुहरुकन भुन्‍या, “दाजुभाइ यौं, मोइले त आम्‍नो देसका मान्‍ठहरु, या जिजुबाज्‍याका रितिथितिका बिरुद्‌दमै केइ काम गर्‍या छिइन। तापुनि मुकन यरुसलेममै पक्‍डेर बन्‍दि बुनाइ रोमिहरुका हातमै स्‍हुम्‍पियाछ।

प्रेरित 7:2

स्‍तिफनसले भुन्‍या, “या मेरा बाबा र दाजुभाइहरु हौं, स्‍हुन। महिमाका परमेसोरले हाम्‍मा जिजुबाज्‍या अब्राहाम हारान भुन्‍या ठौर बैनु भुन्‍दा पैला मेसोपोटामिया देसमै बैथा परमेसोर तेइस्‍हात देखला पड्‍या।

२ तिमोथि 4:16

मेरो पैलो चोटिको मुद्‌दामै कोइले मेरो पट्‌टि भइ कोइ बोल्‍यानुन्, तर स्‍हबैले मुकन एक्‍लै गर्‍या। यइ कुडाको दोस तिनुहरुकन नलागोस्।