प्रेरित 21:8 - जुम्‍ली

⁸ भोलिपल्‍ट ताँइबाट छुटियर हामि कैसरियामै आयौँ, र परमेसोरको राम्‍मो रैबार स्हुनाउन्‍या फिलिपको घरमै बस्यौं। फिलिप त यरुसलेममै सेबा गन्‍न छानिया सात जुनामद्‍दि एक छिया।

प्रेरित 21:8 Iomraidhean Croise

प्रेरित 10:1

कैसरिया सहरमै कर्नेलियस नाउँ गर्‍या एकजुना मान्‍ठ छिया। तिँ रोमि सिपाइहरुका “इटालिया भुन्‍न्‍या पल्‍टनका कप्‍तान छिया।”

प्रेरित 16:10

पावलले यइथो स्‍हुइना (दर्सन) पायापछि तुरुन्‍तै हामि माकेडोनियामै जान स्‍हतियौं। क्‍यानभुन्‍या ताँइका मान्‍ठहरुकन राम्‍मो रैबार स्‍हुनाउन परमेसोरले घोइराया हुन् भुन्‍न्‍या कुडा हामिकन थाँ भयो।

प्रेरित 16:13

अनि पट्‌याइ मान्‍या दिनमै सहरको धेलाबाट बाइर आयौं र नदिका छाइलति प्रार्थना गन्‍न्‍या ठौर छ कि भुनि स्‍हुच्‍या छियौं, र ताँइ भित्‍त पस्‍यौं तब ताँइ जुम्‍मा भयाइ स्‍हैनिहरुस्‍हात कुडा गर्न लाग्‍यौं।

प्रेरित 16:16

एक दिन हामि प्रार्थना गन्‍न्‍या ठौरतिर गैरया छियौं, ताँइ दुस्‍ट आत्‍माको सक्‍तिले जोखाना हेन्‍या टोक्‍यानिकन फेला पाड्‍यौं, तेइले मान्‍ठहरुको जोखना हेरि मथ्‍थै रुपियाँ कुमाइ आम्‍ना मालिकहरुकन दिन्‍छि।

प्रेरित 18:22

पावल कैसरियामै पुग्‍यार यरुसलेममै गैइ मन्‍डलिका मान्‍ठहरुस्हात भेटगाट गर्‍या। तेइपछि पावल एन्‍टिओखिया सहरमै फर्क्‍या।

प्रेरित 20:13

हामि त्रोआसबाट पानिझाँजमै चडि अस्सोस सहरमै गयौं। पावलले अस्‍सोस सहरस्‍हम्‍म पैदेला जान्‍या र ताँइ मात्‍तै पानिझाँजमै चड्‍न्‍या तिनुले निदो गर्‍या छिया।

प्रेरित 20:6

तब हामिहरु अखमिरि रोटाको त्‍युबार मानि स्हक्यापछि फिलिप्पिबाटै पानिझाँज चडि आउँदा पाँच दिनमै तिनुहरु भया ठौर तोरोआसमै आयौं, र ताँइ सात दिन स्हम्‍म बस्यौं।

प्रेरित 21:16

हामिस्हात कैसरियाका कोइ कोइ बिसासि पुनि गया, र तिनुहरुले हामिकन साइप्रसका एक जुना पुराना बिसासि मनासोन भुन्‍न्‍या मान्‍ठका घरमै ल्‍हिया। तिनुस्हात हामि बस्‍यौं।

प्रेरित 23:23

तेइपछि सेनापतिले दुइ जुन कप्‍तानहरुकन घोइरायार भुन्‍या, “आज रात नौ बज्‍यातिर दुइ सय सिपाइहरु, सत्‍तरि जुन घोडाचडि, र दुइसय भाला बोक्‍न्‍याहरुकन कैसरियास्‍हुम्‍म जान स्‍हत्‍याइ राख।

प्रेरित 27:1

हामि पानिझाँजमै चडि इटालिया जानुपड्‌छ भुन्‍न्‍या निदो गर्‍यापछि तिनुहरुले पावल र अरु कैदिहरुकन राजा अगस्‍टसका सिपाइ युलियस नाउँ गर्‍या कप्‍तानका जुम्‍मा लाइदिया।

प्रेरित 28:11

तिन मुइनापछि, हामि अलेक्‍जेन्‍ड्रिया सहरबाट आया झाँजमै चड्‌यौं। यइ झाँज हिउँदभरि यइ टापुमै छियो। झाँजको अगेल्‍लो भागमै जुम्‍ल्‍या देउता लेख्‍या छियो।

प्रेरित 28:16

हामि रोम सहरमै पुग्‍यापछि, एकजुना सिपाइको रेखदेखमै पावलकन एक्‍लै बैन्‍या आग्‍या दिइयो।

प्रेरित 6:5

मुख्‍य चेलाहरुको यइ कुडा जुम्‍मा भया स्‍हबैकन मुन पड्‌यो, र तिनुहरु बिसासले र पबित्‍त आत्‍माले भरिया स्‍तिफनस, फिलिप, प्रखरस, निकनोर, तिमोन, पर्मिनास र एन्‍टिओखियाका यहुदि धर्म मान्‍न्‍या निकोलाउसकन छान्‍या।

प्रेरित 9:30

अनि यइ कुडा थाँ पायर प्रभुकन बिसास गन्‍न्‍या दाजुभाइहरुले साउलकन कैसरिया सहरमै ल्‍हियार ताँइबाट टार्सस सहरतिर पठाइदिया।

२ तिमोथि 4:5

तुमि भरिला भइ बस। दुख स्‍हौ, राम्‍मो रैबारको प्रचार गर, र तुमिले जुम्‍मा पाया सेबाको काम पुरा गर।