प्रेरित 21:11 - जुम्‍ली

¹¹ तिँ परमेसोरका रैबार्‍या हामि भया ठौरमै आया र पावलको पाउडो ल्‍हिया र आम्‍नो हात खुट्‍टा बानिकन, भुन्‍या, “पबित्‍त आत्‍मा यइथो भुन्‍नाछुन, ‘यइ पाउडो जो मान्‍ठको हो, तेइकन यरुसलेममै यहुदिहरुले यइथैगरि बान्‍न्‍याछुन र अरु जातिहरुका हातमै स्हुम्‍पिदिन्‍याछुन्।’”

प्रेरित 21:11 Iomraidhean Croise

प्रेरित 13:2

तिनुहरु बत्‍त बसेर प्रभुको आराधना गरिरया बेला पबित्‍त आत्‍माले भुन्‍या, “बारनाबास र साउलकन मोइले ज्‍या कामको निम्‍ति तिनुहरुकन डाक्‍याछु, तेइ कामको निम्‍ति छान।”

प्रेरित 16:6

पावल, सिलास र तिमोथि फ्रिगिया र गलातिया ठौर हुदै गया। क्‍यानभुन्‍या तिनुहरुकन पबित्‍त आत्‍माले एसियामै बचन स्‍हुनाउन जान दियानुन्।

प्रेरित 20:23

तर मोइले यति मात्‍तै थाँ पायाछु, कि स्हबै सहरमै मुकन दुख हुन्‍याछ र मोइले झ्‍यालखानमै मथ्थै दुख स्‍हनु पड्‌न्‍याछ भुनि पबित्‍त आत्‍माले मुकन भुन्‍याछुन्।

प्रेरित 21:33

तब ति सेनापति पावलको काखति आइकन स्हुमात्‍यार दुइ स्‍हाँङ्‌लाले तिनुकन बान्‍न्‍या हुकुम दिया। यइ मान्‍ठ को हो र यइले क्या गर्‍यो भुनि स्होद्‍या।

प्रेरित 21:4

अनि हामिले बिसासिहरुकन खोज्‍यौं र फेला पाडि तिनुहरुस्हात हामि सात दिन स्हम्‍म बस्यौँ। तिनुहरुले पबित्‍त आत्‍माले भुन्‍या कुडा थाँ पायार पावलकन यरुसलेममै नजानु भुन्‍या।

प्रेरित 22:25

अनि सिपाइहरुले पावलकन कोर्रा लाउना बिअ बान्‍दा पावलले काखति ढुक्‍या कप्‍तानकन स्‍होद्‍या, “क्‍या रोमि मान्‍ठहरुकन दोसि नठराइ कोर्रा लाउन पाइन्‍छ? क्‍या रोमि अइनमै यइथै गन्‍नु भुनि भुन्‍याछ?”

प्रेरित 24:27

तर दुइ बर्स्‍हपछि फेलिक्सको स्हट्‍टामै पर्किअस फेस्तस भुन्‍या ठुलो हाकिम आया तब फेलिक्सले यहुदिहरुकन खुसि होउन् भुनि पावलकन झ्‍यालखानमै थुनि राख्‍या।

प्रेरित 26:29

पावलले भुन्‍या, “अइले होस्‌ या पछि, तुमि र आज मेरा कुडा स्‍हुन्‍न्‍या जति स्‍हबै मु जैथै हुन् भुनि परमेसोरस्‍हात प्रार्थना गद्‍दोछु, तर मु जैथै कैदि हुनु नपडेस्।”

प्रेरित 28:17

तिन दिनपछि पावलले यहुदिहरुका अगुवाहरुकन घोइर्‍या। अनि तिनुहरु जुम्‍मा भयापछि पावलले तिनुहरुकन भुन्‍या, “दाजुभाइ यौं, मोइले त आम्‍नो देसका मान्‍ठहरु, या जिजुबाज्‍याका रितिथितिका बिरुद्‌दमै केइ काम गर्‍या छिइन। तापुनि मुकन यरुसलेममै पक्‍डेर बन्‍दि बुनाइ रोमिहरुका हातमै स्‍हुम्‍पियाछ।

प्रेरित 28:20

यइ कुडा बुजाउन र तुमिहरुस्‍हात भेट गन्‍नका निम्‍ति मोइले तुमिहरुकन नेइ घोइराया हुँ। हामि इस्राएलिहरुले आस गर्‍या मुक्‍तिदिन्‍या राजाको निम्‍ति नै मु यइ स्‍हाँङ्‌लाले बानियाछु।”

प्रेरित 28:25

तिनुहरु आपु आपु नमिलेर छुट्‌टिन लाग्‍दा पावलले तिनुहरुकन यइथो भुन्‍या, “तुमिहरुका जिजुबाज्‍याकन परमेसोरका रैबार्‍या यसैयाबाट पबित्‍त आत्‍माले भुन्‍या बचन ठिकै छियो।

प्रेरित 8:29

तब पबित्‍त आत्‍माले फिलिपकन भुन्‍या, “जा र रथको पछि लाग।”

प्रेरित 9:16

मेरो निम्‍ति तेइले कति दुख स्‍हनुपड्‍छ तेइ मु तेइकन देखाउन्‍याछु।”

१ तिमोथि 4:1

पबित्‍त आत्‍माले छर्लङ्‍गै पारि भुन्‍याछुन्, पछि आउन्‍या सुमयमै मान्‍ठहरुले छल्‍ल्‍या आत्‍मा र भुतका सिच्‍छ्‌यामै मुन लायर बिसासबाट तर्किन्‍याछुन्।

२ तिमोथि 2:9

तेइ राम्‍मो रैबार स्‍हुनाया हुनाले मोइले जात्‍ति दुख पाइरयाछु र अपरादिका जैथै स्‍हाङ्‌लाले बानियाँछु। तर परमेसोरका बचन स्‍हाङ्‌लाले बानिदैनुन्।