प्रेरित 20:28 - जुम्‍ली

²⁸ तुमिहरु आम्‍नो निम्‍ति र आम्‍ना स्हबै मन्‍डलिका बिसासिहरुका निम्‍ति होस्‍यार रया। पबित्‍त आत्‍माले तुमिहरुकन मन्‍डलिको जुम्‍मा लाया हुनाले उनुले आम्‍नै रगतले किन्‍या परमेसोरको मन्‍डलिको हेरबिचार तुमिहरु गर।

प्रेरित 20:28 Iomraidhean Croise

मर्कुस 13:9

“तुमिहरु आम्‍ना बिअ चुनाखा होउ। तिनुहरुले तुमिहरुकन अदालतमै सुम्‍पिदिन्‍याछुन्। तुमिहरु सबाघरहरुमै कुटिन्‍याछौ। अनि हाकिमहरु र राजाहरुका अगेडि मेरो बार्‍यामै तुमिहरु स्‍हाँचि दिन उबिन्‍याछौ।”

लुका 12:32

“नानो बगाल, भेइ नमान! क्‍यानभुन्‍या तुमिहरुकन आम्‍नो राज्‍याका मान्‍ठ बुनाउन परमेसोर बाबा खुसि छुन्।

लुका 21:34

“तर तुमिहरु चुनाखा होउ, मोजमज्‍जा नगर, मात्‍तिकन नहँड र यइ जुनिको निम्‍ति चिन्‍ता नगर। नतर तुमिहरुको मुन बोदो हुन्‍याछ र एक्‍कासि तुमिहरुमै तेइ दिन पासो जस्‍तै आइपड्‌न्‍याछ।

प्रेरित 13:2

तिनुहरु बत्‍त बसेर प्रभुको आराधना गरिरया बेला पबित्‍त आत्‍माले भुन्‍या, “बारनाबास र साउलकन मोइले ज्‍या कामको निम्‍ति तिनुहरुकन डाक्‍याछु, तेइ कामको निम्‍ति छान।”

प्रेरित 14:23

तेइपछि पावल र बारनाबासले स्‍हबै मन्‍डलिमै एल्‍डरहरुकन छान्‍या र बत्‍त बसेर प्रार्थना गद्‌दै तिँ चेलाहरुकन आपुले बिसास गन्‍न्‍या प्रभुका जुम्‍मा लाया।

प्रेरित 20:17

मिलेटस सहरबाटै पावलले एफिससमै भया मन्‍डलिका अगुवाहरुकन घोइराउन मान्‍ठ पठाया।

प्रेरित 20:29

क्‍यानभुन्‍या मुकन थाँ छ, कि मु गयापछि झुटा कुडा सिकाउन्‍याहरु ब्वाँसा जैथा मान्‍ठ तुमिहरुकै म्हाँजौनो पैन्‍याछुन्, र तिनुहरुले बिसासिहरुकन दुख दिन्‍याछुन्।

१ तिमोथि 3:1

यइ कुडा स्‍हइ हो, “यति कोइ मान्‍ठले मन्‍डलिको अगुवाको काम गन्‍न मुन गर्छ भुन्‍या तेइको बिचार राम्‍मो हो।”

१ तिमोथि 3:2

यइबिअ मन्‍डलिको अगुवा हुन्‍या मुन गन्‍न्‍या मान्‍ठकन कोइले पुनि बदि लाउन नस्‍हक्‍न्‍या हुनुपड्‌छ। तेइको एक्‍कै जोइ हुनुपड्‌छ, आपुकन कब्‍जामै राख्‍न्‍या, कुडा बुझि राम्‍मो काम गन्‍या, स्‍हबैले मान्‍याको, पाउनाकन मान गन्‍न्‍या र बिसासिकन परमेसोरको रैबार राम्‍मरि सिकाउन स्‍हक्‍न्‍या हुनुपड्‌छ।

१ तिमोथि 3:5

यति कोइ मान्‍ठले आम्‍नो घरा झानकन तह लाउन जान्‍नैन भुन्‍या, तेइले परमेसोरका मन्‍डलिको हेरबिचार क्‍यारि गन्‍न स्‍हकला?

१ तिमोथि 4:14

एल्‍डरहरुका हात तुमिमै राखि परमेसोरबाट बोल्‍दै तुमिले पाया बरदानकन लापरबाइ नगर।

१ तिमोथि 4:16

आम्‍नो बार्‍यामै र आम्‍नो सिच्‍छ्‌याका बार्‍यामै चनाखो भइ बस। यि कुडाहरुमै लागिरौ। यइथो गर्‍यौ भुन्‍या तुमि आपै र स्‍हुन्‍याहरु दुबैले मुक्‍ति पाउन्‍याछुन्।

१ तिमोथि 5:17

मन्‍डलिको राम्‍मो गरि हेरबिचार गन्‍न्‍या एल्‍डरहरु दोब्‍बर मान पाउन्‍या लायकका हुन्‍छन्, खास गरि जोले परमेसोरको बचनको प्रचार र सिच्‍छ्‌यामै म्‍हिनेत गद्‌दाछुन्।

तितस 1:7

क्‍यानभुन्‍या परमेसोरको काम गन्‍न्‍या हुन मन्‍डलिको अगुवा बदि नलाग्‍या हुनु पड्‌डोछ। तेइ मान्‍ठ भुन्‍या नमान्‍न्‍य, स्‍हाट्‌टै झोकिन्‍या, जाँड रक्‍सि पिन्‍या, राडो पाड्‌न्‍या र धुनस्‍हुम्‍पतिको लाल्‍चो गन्‍न्‍या हुनुहुनैन,

तितस 2:14

ख्रिस्‍टले हामिकन स्‍हबै अधर्मबाट मोल तिर्‍यर उद्‌दार गर्‍या, अनि राम्‍मो काम गन्‍न जाँगरिलो भया उनुको आम्‍नै मान्‍ठहरुकन पबित्‍त पाड्‌न आपुकन बलि हुन दिया।