प्रेरित 20:24 - जुम्‍ली

²⁴ तर मु आम्‍नो जिबनकन ठुलो र प्‍यारो ठान्‍नैन। यइ मात्‍तै स्हुइतोछु, कि परमेसोरको दयाको राम्‍मो रैबार स्‍हुनाउन प्रभु इसुबाट पाया यइ काम मु पुरा गन्‍न स्हकु।

प्रेरित 20:24 Iomraidhean Croise

लुका 16:28

क्‍यानभुन्‍या मेरा पाँच भाइछुन्। तेइले तिनुहरुकन स्‍हुम्‍जाइ देला, नतर तिनुहरु पुनि यइ दुखका ठौरमै आइजानान्।’

प्रेरित 1:17

क्‍यानकि तेइ हामि स्‍हातै छियो र हामि स्‍हातै सेबा गद्‍दो छियो।”

प्रेरित 11:23

तिँ एन्‍टिओखियामै आयर परमेसोरले ताँइका मान्‍ठहरुकन दया गर्‍या देख्‍यार जात्‍ति खुसि भया, र तिनुहरु स्‍हबैकन सारा हिर्दयाले प्रभुकन बिसास गरि रनु भुनि बारनाबासले आँट दिया।

प्रेरित 13:25

अनि युहन्‍नाले आम्‍नो काम स्‍हक्‍या बेला मान्‍ठहरुकन यइथो भुन्‍या, ‘तुमिहरु मुकन मुक्‍ति दिन्‍या मान्‍ठ हुन् कि भुनि स्‍हुइताछौ? मु तेइ हैन। तर तिँ मु पछि आउँदै छुन् र मु उनुका पौलाका तुना फुकाउन लायकको नाइ।’”

प्रेरित 14:3

तर पुनि पावल र बारनाबास तेइ सहरमै मथ्‍थै दिनस्‍हम्‍म बस्‍या। तिनुहरुले प्रभुमै भरोसा राखेर आँट गरि बोल्‍या। अनि प्रभुले तिनुहरुको हातबाट अचुम्‍मका चिनारिहरु र काम गन्‍न्‍या सक्‍ति दियर तिनुहरुले बोल्‍या दयाको रैबार स्‍हाँचो हो भुनि देखाइ दिया।

प्रेरित 15:7

ताँइ मथ्‍थै भुनाभुन् भयापछि पत्‍तुरुस उठ्‍यार भुन्‍या, “दाजुभाइहरु हौ, तुमिहरुकन थाँहै छ, अरु जातिका मान्‍ठहरुले प्रभु इसुको राम्‍मो रैबार स्‍हुनुन् र बिसास गरि मुक्‍ति पाउन भुनि परमेसोरले तुमिहरुमद्‍दि मुकन छान्‍या हुन्।

प्रेरित 18:5

सिलास र तिमोथि माकेडोनियाबाट आयापछि, पावलले पुरै सुमय इसुको बार्‍यामै स्हुनाउन्‍या काम गर्‍या। अनि उनुले यहुदिहरुकन इसु नै मुक्‍ति दिन्‍या ख्रिस्ट हुन् भुनि बुजाउन्‍या काम गर्‍या।

प्रेरित 20:21

यहुदिहरु र ग्रिकहरुकन आम्‍नो आम्‍ना पापबाट पछ्‍ताप गरि परमेसोरपट्‍टि फर्क र हाम्‍मो प्रभु इसु ख्रिस्‍टमै बिसास गर भुन्‍न्‍या कुडाको बार्‍यामै मोइले सिकायाछु।

प्रेरित 20:23

तर मोइले यति मात्‍तै थाँ पायाछु, कि स्हबै सहरमै मुकन दुख हुन्‍याछ र मोइले झ्‍यालखानमै मथ्थै दुख स्‍हनु पड्‌न्‍याछ भुनि पबित्‍त आत्‍माले मुकन भुन्‍याछुन्।

प्रेरित 20:32

“अब मु तुमिहरुकन परमेसोरमै र उनुको अनुग्रको बचनकन जुम्‍मामै छोडिदिन्‍याछु, जोले तुमिहरुकन बिसासमै भरिलो पाड्‌न्‍याछ, अनि परमेसोरले आम्‍ना पबित्‍त मान्ठहरुकन असिपातको हक पुनि दिन्‍याछुन्।

प्रेरित 21:13

तर पावलले भुन्‍या, “तुमिहरु क्यान यइथोरि रोइ मेरो मुनकन छिया छिया पाड्‌डाछौ? क्‍यानकि प्रभु इसुको नाउँको निम्‍ति मु झ्‍यालखानामै थुनिनु मात्‍तै हैन, तर यरुसलेममै मन्‍न पुनि राजि छु।”

प्रेरित 22:21

तब प्रभुले मुकन भुन्‍या, ‘जा, क्‍यानकि मु तोकन अरु जातिहरुति टाडा टाडास्‍हम्‍म पठाउन्‍याछु।’”

प्रेरित 9:15

तर प्रभुले हननियाकन भुन्‍या, “तो जानै पड्‌छ, क्‍यानभुन्‍या अरु जातिहरु, राजाहरु र इस्राएलि मान्‍ठहरुका म्‍हाँजौनो मेरो नाउँ प्रचार गन्‍न तेइकन छान्‍याछु।

१ थेसलोनिकि 2:2

हामिले पैलै फिलिप्‍पि भुन्‍न्‍या सहरमै दुख स्‍हयौं र हेला गर्‍या पुनि स्‍हयौं यिँ कुडा तुमिहरुकन थाँ छ, तर जात्‍ति बिरोद गन्‍न्‍याहरु हुँनाहुनै पुनि परमेसोरको राम्‍मो रैबार स्‍हुनाउन हामिकन परमेसोरले आँट दिया।

१ थेसलोनिकि 3:3

क्‍यानकि यिँ दुखहरुले गद्‌दा कोइले हरेस नखाओस्। तुमिहरु आपैकन थाँ छ, कि यइथा दुख स्‍हन हामि खटाइया हौं।

२ तिमोथि 1:12

यइबिअ मोइले यिँ दुख स्‍हयाछु। तर मु स्‍हरम मान्‍नैन क्‍यानभुन्‍या मुइले को मै बिसास गर्‍याछु तेइ मुकन मात्‍तै थाँ छ र तेइ बेला स्‍हम्‍म मुइले उनुमै गर्‍या बिसास उनुकनै स्‍हुम्‍पियाछु, तेइ जगाइ राख्‍न स्‍हक्‍न्‍याछुन् भुनि मु पक्‍का छु।

२ तिमोथि 3:11

एन्‍टिओखिया, आइकोनियन र लुस्‍त्रा भुन्‍या ठौर मुमै दुख कस्‍ट आया र मोइले ति स्‍हयाँ रपुनि ति स्‍हबै दुख कस्‍टदेखि प्रभुले मुकन बचाया।

२ तिमोथि 4:17

तर प्रभु मेरा पट्‍टि भया र स्‍हबै अरु जातिहरुकन परमेसोरको रैबार स्‍हुनाउन मोकन तागत दिया। अनि मोइले परमेसोरले सिंहका थोलाबाट बचाया।

तितस 1:3

अनि ठिक बेला उनुले यइ आम्‍नो राम्‍मो रैबार देखाया। यइ राम्‍मो रैबार स्‍हुनाउन्‍या जुम्‍मा हामिकन मुक्‍तिदिन्‍या परमेसोरको आग्‍या उन्‍सार मुकन दियाछुन्।

तितस 2:11

क्‍यानभुन्‍या स्‍हबै मान्‍ठहरुले मुक्‍ति पाओस् भुनि परमेसोरले अनुग्र देखायाछुन्।